San Lucas 10:27 - Ti Baro a Naimbag a Damag Biblia

²⁷ “‘Ayatem ti Apo a Diosmo iti amin a pusom, iti amin a kararuam, iti amin a pigsam ken iti amin a panunotmo,’ ken ‘Ayatem ti kaarrubam a kas iti bagim,’” insungbat ti maestro iti Linteg.

Ti Biblia (1973)

²⁷ Ket isu simmungbat a kinunana: Ayatem ti Apo a Diosmo iti isu-amin a pusom, ken iti isu-amin a cararuam, ken cadagiti amin a pigsam, ken iti amin nga isipmo; ken ti caarrobam a cas iti bagim.

San Lucas 10:27 Iomraidhean Croise

Levitico 19:18

Dikay agibales wenno agipempen iti gura ngem ayatenyo ti kaarrubayo a kas iti panagayatyo iti bagiyo. Siak ni Yahweh.

San Mateo 19:19

agraemka kadagiti nagannak kenka; ken ayatem ti padam a tao a kas iti panagayatmo iti bagim.”

San Lucas 10:26

“Ania ti nailanad iti linteg?” kinuna ni Jesus. “Ania ti panagawatmo?”

Taga-Roma 13:9

Ta dagiti bilin: “Dika makikamalala, dika mamapatay, dika agtakaw, dika agagum”—amin dagitoy ken dadduma pay, madagupda iti daytoy maymaysa a bilin: “Ayatem ti padam a tao a kas iti bagim.”

Taga-Galacia 5:13

Iti biangyo, kakabsatko, naayabankayo nga agwayawaya. Ngem saan a daytoy a wayawaya ti panggapuanyo a mangipalubos nga iturayannakayo ti tarigagayyo a kas tao. Agtitinnulongkayo ketdi gapu iti ayat.

Deuteronomio 10:12

“Ita, tattao ti Israel, denggenyo no ania ti ipaaramid kadakayo ti Apo a Diosyo. Agbutengkayo iti Apo ken aramidenyo amin a bilinna. Ayatenyo, agserbikayo kenkuana iti amin a pusoyo,

Deuteronomio 30:6

Pabaroennakayto ti Apo ket agbalinkayto a natulnog tapno ayatenyo iti amin a puso ken kararuayo ken agtultuloykayto nga agnaed iti dayta a daga.

Deuteronomio 6:4

“Tattao ti Israel, laglagipenyo daytoy! Ti Apo a Diostayo ket isu laeng ti Apo.

Deuteronomio 6:5

Ayatenyo ti Apo a Diosyo iti amin a pusoyo, iti amin a kararuayo, ken iti amin a pigsayo.

Hebreo 8:10

Daytoy ti baro a pannakitulagko kadagiti Israelita Kadagiti masakbayan nga aldaw, kuna ti Apo: Ikabilkonto dagiti linlintegko kadagiti isipda, Ket isuratkonto ida kadagiti pusoda. Siakto ti Diosda, Ket isudanto dagiti tattaok.

Santiago 2:8

Masarakan daytoy iti Nasantoan a Surat: “Ayatem ti padam a tao a kas iti panangayatmo iti bagim.” No tungpalenyo daytoy, nasayaat ti aramidenyo.

1 Juan 3:18

Annakko, saantayo koma nga agayat babaen iti sao wenno sarita laeng. Ipakitatayo ketdi ti pudno a panagayat babaen iti aramid.