San Lucas 10:20 - Ti Baro a Naimbag a Damag Biblia

²⁰ Ngem saankayo koma nga agragsak gapu ta agtulnog dagiti dakes nga espiritu kadakayo. Agragsakkayo ketdi ta naisurat dagiti nagnaganyo sadi langit.”

Ti Biblia (1973)

²⁰ Ngem dicay agayayat iti daytoy, a dagiti espiritu paiturayanda cadacayo; agayayatcay ketdi ta dagiti nagnaganyo naisuratdan idiay langit.

San Lucas 10:20 Iomraidhean Croise

Dagiti Salmo 69:28

Iti libro dagiti sibibiag mapunas koma ti naganda; iti listaan dagiti tattaom, mailaksidda koma.

Exodo 32:32

Ipakpakaasik a pakawanem koma ida. No dimo pakawanen ida, pangngaasim ta ikkatem ti naganko iti libro a nangisuratam kadagiti nagan dagiti tattaom.”

Isaias 4:3

Maawaganto iti nasantoan dagiti amin a nabati idiay Jerusalem, dagiti pinili ti Dios a makalasat.

Jeremias 17:13

Ni Yahweh ti namnama ti Israel; maibabainto ti amin a mangtallikud kenkuana. Agpukawdanto a kas iti nagan a naisurat iti tapok, agsipud ta binaybay-anda ni Yahweh nga ubbog ti danum a sibibiag.

Ezekiel 13:9

Dandanin ti panangdusak kadakayo a profeta a saan a pudno dagiti parmatayo ken ulbod dagiti padtoyo. Awankayto sadiay inton agtataripnong dagiti tattaok tapno agikeddengda. Dinto mairaman ti naganyo iti listaan dagiti umili ti Israel. Dikayton agsubli iti dagayo. Iti kasta, maammoanyonto a siak ti Apo a Dios.

Daniel 12:1

Intuloy ti anghel ti nagsao: “Iti dayta a tiempo, agparangto ni Miguel, ti naindaklan nga anghel a mangaywan kadagiti kailiam. Kalpasanna, tumaudto ti riribuk a di pay napasamak manipud pannakaipasdek dagiti nasion. Inton dumteng dayta a tiempo, maisalakanto dagiti amin a kailiam a nailanad ti naganda iti libro ti Dios.

San Mateo 10:1

Inayaban ni Jesus dagiti sangapulo ket dua nga adalanna. Inikkanna ida iti pannakabalin a mangpaksiat kadagiti dakes nga espiritu, ken mangpaimbag kadagiti agsagsagaba iti amin a kita ti sakit ken an-annayen.

San Mateo 26:24

“Matayto ti Anak ti Tao kas kuna ti Nasantoan a Surat, ngem asi pay ti mangliputto iti Anak ti Tao! Naim-imbag pay koma no di nayan-anak dayta a tao.”

San Mateo 27:5

Impurruak ni Judas dagiti tallopulo a bagi ti pirak iti uneg ti Templo. Kalpasanna, napanna pinatay ti bagina babaen iti panagbitayna.

Taga-Filipos 4:3

Kasta met kenka a mapagtalkan a katulongak, kayatko a tulongam dagitoy dua a babbai. Impasnekda ti timmulong kaniak iti pannakaisaknap ti ebanghelio, agraman ni Clemente ken dagiti amin a katrabahoak a nailanad ti naganda iti libro ti biag.

Hebreo 12:23

Immasidegkayo iti naragsak a taripnong dagiti inauna nga annak ti Dios, isuda a naisurat ti naganda sadi langit. Immasidegkayo iti Dios a mangukom iti sangkataoan ken kadagiti espiritu dagiti nalinteg a tattao a naaramid nga awan pagkuranganna.

Paltiing 13:8

Agdaydayawto kenkuana dagiti amin a tattao iti rabaw ti daga, malaksid dagiti naisurat ti naganda iti libro ti biag sakbay a naparsua ti lubong. Daytoy a libro kukua ti napapatay a Kordero.

Paltiing 17:8

Sibibiag idi ti nakitam nga animal ngem ita, natayen. Dandani rummuaren iti nakaun-uneg a yuyeng ket agturong iti pannakadadael. Dagiti tattao nga agbibiag iti daga a saan a naisurat ti naganda iti libro ti biag sakbay ti pannakaparsua ti lubong, masdaawdanto a makakita iti narungsot nga animal. Sibibiag idi ket ita, natayen, ngem agparangto manen.

Paltiing 20:12

Nakitak dagiti natay, natan-ok ken nanumo, nga agtatakder iti sangoanan ti trono. Naluktan dagiti libro ken ti sabali a libro, ti libro ti biag. Naukom dagiti natay segun ti inaramidda a kas naisurat kadagiti libro.

Paltiing 20:15

Ditoy a dan-aw ti apuy ti nakaitappuakan dagiti awan naganna iti libro ti biag.

Paltiing 21:27

Ngem saanto a makastrek sadiay ti uray ania a saan a nadalus iti imatang ti Dios, ti siasinoman nga agar-aramid iti nakababain ken dagiti naulbod. Dagitinto laeng naisurat ti naganna iti libro ti biag nga adda iti ikut ti Kordero ti makastrek iti siudad.

Paltiing 3:5

Kastoyto ti pannakakawes ti agballigi, ket diakto punasen ti naganna iti libro ti biag. Ipaduyakyakkonto ti naganna iti sangoanan ni Amak ken dagiti anghelesna nga isu ket kukuak.