San Lucas 10:19 - Ti Baro a Naimbag a Damag Biblia

¹⁹ Denggenyo: Inikkankayo iti pannakabalin a mangbaddek kadagiti uleg ken manggagama ken mangparmek iti bileg ti Kabusor. Awanto ti pakaan-anoanyo.

Ti Biblia (1973)

¹⁹ Adtoy iniccancayo ti pannacabalin a pumayat cadagiti ul-uleg ken manggagama ken iti amin a pannacabalin ti cabusor; ket awanto ti manganano cadacayo.

San Lucas 10:19 Iomraidhean Croise

2 Cronicas 10:11

No nadagsen dagiti impaawit kadakayo daydi amak, nadagdagsen pay ti ipaawitko. Sinaplitnakayo idi ngem ita, latikoenkayo!’”

Dagiti Salmo 91:13

Ibaddekmonto ti leon ken ti uleg; ipayatmonto ti narungsot a leon ken ti nagita nga uleg.

Isaias 11:8

Ti maladaga awanto ti pakaan-anoanna uray no agay-ayam iti asideg ti karasaen.

Ezekiel 2:6

“Ngem sika, anak ti tao, dika agbuteng kadakuada wenno iti aniaman nga ibagada. Kasdanto la siit iti aglawlawmo. Kaskanto la adda iti ayan dagiti manggagama. Uray kasta, dika agbuteng kadagita nasukir a tattao wenno iti aniaman nga ibagada.

San Marcos 16:18

Uray no agiggemda kadagiti uleg, wenno uminumda iti sabidong, didanto maan-ano. Ipataydanto ti imada kadagiti masakit ket umimbagdanto.”

San Lucas 11:12

Wenno ikkanna aya iti manggagama no dumawat iti itlog?

Dagiti Aramid 28:5

Ngem inwarsi ni Pablo ti uleg iti apuy, ket awan ti nakaan-anoanna.

Taga-Roma 16:20

Iti mabiit, ti Dios a pagtaudan ti talna, parmekennanto ni Satanas. Adda koma kadakayo ti parabur ni Apotayo a Jesus.

Paltiing 11:5

No adda mangranggas kadakuada, rummuar ti apuy iti ngiwatda ket dadaelenda dagiti kabusorda. Kasta ti pannakapapatay ti siasinoman nga agpanggep a mangranggas kadakuada.