San Lucas 10:16 - Ti Baro a Naimbag a Damag Biblia

¹⁶ Kinuna ni Jesus kadagiti adalanna, “Ti siasinoman a dumngeg kadakayo, siak ti denggenna. Ngem ti saan nga umawat kadakayo, siak ti saanna nga awaten. Ket ti saan nga umawat kaniak, ti nangibaon kaniak ti saanna nga awaten.”

Ti Biblia (1973)

¹⁶ Ti dumngeg cadacayo, denggennac; ket ti mamagtalaw cadacayo, pagtalawennac, ket ti mamagtalaw caniac, pagtalawenna ti nangibaon caniac.

San Lucas 10:16 Iomraidhean Croise

Exodo 16:7

Inton agsapa no bigat, makitayonto ti dayag ti Apo. Nangngegna ti panagsaoyo iti maibusor kenkuana. Wen, isu ti nagsaoanyo iti dakes ta ipatpatungpalmi laeng dagiti bilinna.”

Exodo 16:8

Innayon pay ni Moises, “Iti rabii, mangted ti Apo iti karne a sidayo. Iti bigat, ikkannakayo iti tinapay ingganat' mapnekkayo agsipud ta nangngegna ti nakaro a panagsaoyo iti maibusor kenkuana. No agreklamokayo kadakami, awan sabali a pagreklamoanyo no di ti Apo.”

Malakias 1:6

Kuna ti Apo a Mannakabalin-amin kadagiti papadi, “Raemen ti anak ti amana. Raemen met ti adipen ti apona. Siak ti amayo, ngem apay a didak dayawen? Siak ti apoyo, ngem apay a didak raemen? Lalaisendak, ngem saludsodenyo pay laeng, ‘Kasano ti pananglaismi kenka?’

Numero 14:11

Kinuna ni Yahweh ken ni Moises, “Kasano pay kabayag ti panangumsi kaniak dagitoy a tattao? Kasano pay kabayag ti dida panagtalek kaniak idinto a nagipakitaak kadakuada kadagiti adu a milagro?

Numero 14:2

Nagsaoda iti maibusor kada Moises ken Aaron. Kinunada, “Naim-imbag la koman a nataykam idiay Egipto wenno uray ditoy let-ang.

Numero 16:11

Iti panagsaoyo iti maibusor ken ni Aaron, ti Apo ti busorenyo, sika ken dagiti pasurotmo.”

San Mateo 10:40

“Siasinoman nga umawat kadakayo, siak met laeng ti awatenna. Siasinoman nga umawat kaniak, awatenna met ti nangibaon kaniak.

San Mateo 18:5

Ket ti siasinoman nga umawat iti maysa kadagiti kakastoy nga ubbing gapu kaniak, siak ti awatenna.”

San Marcos 9:37

“Ti umawat iti maysa kadagiti kakastoy nga ubbing gapu kaniak, siak ti awatenna. Ket ti umawat kaniak, saan laeng a siak ti awatenna no di pay ket ti nangibaon kaniak.”

San Lucas 9:48

sana kinuna kadakuada, “Ti umawat iti daytoy nga ubing gapu kaniak, siak ti awatenna. Ket ti umawat kaniak, awatenna met ti nangibaon kaniak. Ta ti kanunumoan kadakay amin, isu ti kangrunaan.”

San Juan 12:44

Kinuna ni Jesus iti napigsa a timek, “Ti mamati kaniak, saan la a sisiak ti patienna, no di pay ket ti nangibaon kaniak.

San Juan 12:48

Adda mangukom iti mangumsi kaniak ken iti di umawat iti mensahek. Ti sao nga imbalikasko ti mangukomto kenkuana iti maudi nga aldaw!

San Juan 13:20

Ibagak ti pudno kadakayo: Ti umawat iti siasinoman nga ibaonko, awatennak met. Ket ti umawat kaniak, awatenna met ti nangibaon kaniak.”

Dagiti Aramid 5:4

Sakbay nga inlakom ti daga, saan aya a sika ti akinkukua? Ket idi inlakom, saan aya a sika ti akinkukua iti naglakoan? Apay ngarud a napanunotmo nga aramiden ti kasta? Saan a tao ti inulbodmo, no di ket ti Dios!”

Taga-Galacia 4:14

Nupay dakkel a nakasuotanyo ti salun-atko, didak inumsi wenno tinallikudan. Inawatdak ketdi a kas iti panangawatyo iti anghel ti Dios. Wen, inawatdak a kas iti panangawatyo ken ni Cristo Jesus.

1 Taga-Tesalonica 4:8

Ngarud, ti sumukir iti daytoy a pannursuro, saan a tao ti sukirenna, no di ket ti Dios a mangted kadakayo iti Espiritu Santona.