San Lucas 10:15 - Ti Baro a Naimbag a Damag Biblia

¹⁵ Ket sika, Capernaum, kayatmo kadi a maitan-okkanto sadi langit? Saan! Maitappuakkanto idiay Hades.”

Ti Biblia (1973)

¹⁵ Ket sica, Capernaum, a naitan-occa agingga iti langit? maipababacanto nga agingga iti tucoc ti infierno.

San Lucas 10:15 Iomraidhean Croise

Genesis 11:4

Kinunada, “Ita, mangbangontayo iti siudad nga addaan iti torre a dumanon idiay langit tapno agbalintayo a nalatak ket ditay masinasina iti entero a daga.”

Isaias 5:14

Kayat ida nga alun-onen ti lubong dagiti natay, ket silulukat ti ngiwatna kadakuada. Alun-onenna dagiti natan-ok a tattao ti Jerusalem agraman dagiti naariwawa nga umili.

Jeremias 51:53

Uray no makauli ti Babilonia iti tangatang ket agaramid iti nalagda a sarikedkedna sadiay, mangibaonakto latta kadagiti tattao a mangdadael kenkuana. Siak, ni Yahweh, ti nagsao iti daytoy.”

Ezekiel 26:20

Itinnagkanto iti lubong dagiti natay tapno tumiponka kadagiti tattao a nagbiag idi un-unana. Pagnaedenkanto iti dayta lubong nga akimbaba iti agnanayon a pannakadadael, a kaduam dagiti natay. Sadiaymonto ket pulos a dikanton makasubli iti lugarmo iti daga dagiti sibibiag.

Ezekiel 31:18

“Ti kayo isu ti ari ti Egipto ken dagiti amin a tattaona. Uray dagiti kayo ti Eden awan ti kas kenkuana a natayag ken nadaeg. Ngem ita, kas kadagiti kayo ti Eden, maitappuakto met iti lubong dagiti natay ket tumipon kadagiti awan diosna ken kadagiti natay iti gubat. Naibagakon,” kuna ti Apo a Dios.

Ezekiel 32:18

Kinunana, “Anak ti tao, dung-awam dagiti adu a tattao ti Egipto. Ibaonmo ida iti lubong dagiti natay agraman dagiti dadduma a nabileg a nasion.

Ezekiel 32:20

“Mairaman a mapasag dagiti Egipcio kadagiti mapapatay iti paggugubatan. Adda kampilan a nakasagana a mangpatay kadakuada amin.

Ezekiel 32:27

Saan a nangayed ti pannakaitabonda a kas kadagiti bannuar idi un-unana a siaarmas a napan iti lubong dagiti natay. Nagpungananda ti kampilanda ket naiparabaw dagiti kalasagda iti bangkayda. Nabileg idi dagitoy a bannuar a namutbuteng kadagiti sibibiag.

Obadias 1:4

Uray no agbalayka iti kas kangato ti umok ti agila, ket kasla adda iti ayan dagiti bituen, ipababakanto latta.

San Mateo 10:28

Dikay agbuteng kadagiti mangpapatay iti bagi, ngem dida mabalin a papatayen ti kararua. Agbutengkayo ketdi iti Dios, isu a makabalin a mangpatay iti bagi ken kararua idiay infierno.

San Mateo 11:23

“Ket sika met, Capernaum, kayatmo kadi ti maitan-ok sadi langit? Saan a mabalin! Maitappuakkanto idiay infierno! No idiay koma Sodoma ti nakaaramidan dagiti milagro a naaramid iti yanmo, adda koma pay laeng ita ti Sodoma.

San Mateo 4:13

Saan a nagtaeng idiay Nazaret. Napan ketdi nagnaed idiay Capernaum, maysa nga ili iti igid ti Dan-aw ti Galilea, iti sakup dagiti daga ti Zabulon ken Neftali.

San Lucas 13:28

Agsangit ken agngaretngetkayto inton makitayo nga adda da Abraham, Isaac, Jacob ken dagiti amin a profeta iti Pagarian ti Dios, idinto nga addakay iti ruar!

San Lucas 16:23

Idi agsagaba iti napalalo idiay Hades, timmangad ket nakitana ni Abraham nga adda iti adayo agraman ni Lazaro iti abayna.

Deuteronomio 1:28

Apay a mapantayo sadiay? Mabutengkami. Imbaga dagiti imbaontayo a napigpigsa ken nataytayag ngem datayo dagiti tattao nga agnaed sadiay. Kunada nga agnaedda kadagiti siudad nga adda bakudna a dumanon sadi langit. Nakakitada kadagiti higante sadiay!’

2 Pedro 2:4

Saan a kinaasian ti Dios dagiti angheles a nagbasol. Intappuakna ketdi ida idiay infierno, iti kasipngetan a lugar a nakakawaranda, a pangur-urayanda iti idadateng ti Aldaw ti Panangukom.