San Lucas 1:9 - Ti Baro a Naimbag a Damag Biblia

⁹ Kas kadawyan dagiti papadi, nagbibinnunotda no siasino ti sumrek iti Templo ti Apo a mangpuor iti insenso iti altar. Napagasatan ni Zacarias ket simrek iti Templo ti Apo.

Ti Biblia (1973)

⁹ Cas ugali ti kinapadi napagasatan a sumrec iti Templo ti Apo a mangidaton iti incienso.

San Lucas 1:9 Iomraidhean Croise

1 Cronicas 23:13

Ni Amram nga inauna nga anakna ti ama da Aaron ken Moises. (Ni Aaron ken dagiti kaputotanna ti natudingan a mangimaton iti agnanayon kadagiti nasagradoan nga alikamen. Isuda ti mangpuor iti insenso a pagdaydayaw ken ni Yahweh, agserbi kenkuana ken mangbendision kadagiti tattao iti naganna.

1 Cronicas 6:49

Ni Aaron ken dagiti kaputotanna ti nangidatag kadagiti insenso a mapuoran ken kadagiti daton a mapuoran iti altar. Annongda ti amin nga aramid a mainaig iti panagdaydayaw iti Kasantoan a Lugar, agraman ti panagidatag kadagiti daton tapno pakawanen ti Dios dagiti basol ti Israel. Inaramidda amin dagitoy kas mayannurot iti bilin ni Moises nga adipen ti Dios.

2 Cronicas 26:16

Ngem idi nagbalin a nabileg ni Ari Uzzias, timmangsit ket daytoy ti nakaigapuan ti pannakarpuogna. Binusorna ni Yahweh a Diosna; simrek ngamin iti Templo tapno agpuor iti insenso iti altar ti insenso.

2 Cronicas 29:11

Annakko, dikay agtaktak. Dakayo ti pinili ti Apo nga agpuor iti insenso nga agpaay kenkuana ken mangidaulo kadagiti tattao iti panagdaydayawda kenkuana.”

Numero 16:40

Ballaag daytoy kadagiti Israelita nga awan ti mapalubosan nga agpuor iti insenso iti imatang ni Yahweh no saan a padi wenno agtaud iti kaputotan ni Aaron. No saan, mapapatay a kas ken ni Kora ken dagiti tattaona. Inaramid amin dagitoy ni Eleazar kas imbilin ti Apo ken ni Moises.

San Mateo 27:5

Impurruak ni Judas dagiti tallopulo a bagi ti pirak iti uneg ti Templo. Kalpasanna, napanna pinatay ti bagina babaen iti panagbitayna.

Hebreo 9:6

Kastoy ti urnos dagitoy iti uneg ti tabernakulo ket inaldaw a sumrek dagiti papadi iti akinruar a paset ti tapno aramidenda ti annongda.

1 Samuel 2:28

Pinilik ida kadagiti amin a tribu ti Israel tapno agbalinda a papadi nga agserbi kaniak iti altar, agpuor iti insenso ken agaruat iti efod a makiuman kaniak. Inikkak ida iti kalintegan a makibingay kadagiti daton a mapuoran iti altar.