San Lucas 1:78 - Ti Baro a Naimbag a Damag Biblia

⁷⁸ Naasi ken naayat ti Diostayo; Pagbannawagennanto ti pannakaisalakantayo,

Ti Biblia (1973)

⁷⁸ Agtaud iti nasnec a panangngaasi ti Diostayo, isu a ti sinamar manipud iti ngato, sarungcarannatayo.

San Lucas 1:78 Iomraidhean Croise

Dagiti Salmo 25:6

O Apo, lagipem ti kinamanangngaasim ken kinamanagayatmo nga idi punganay a naipakaammo.

Isaias 11:1

Addanto saringit a tumaud iti puon ni Jesse. Manipud iti ramutna, addanto sanga nga agbunga.

Isaias 42:16

“Idalankonto dagiti bulsek a tattaok kadagiti dalan a dida pay nagnaan. Pagbalinekto a lawag ti sipnget nga ayanda; pasayaatekto dagiti lasong-lasong a disso. Aramidek dagitoy nga awan duadua.

Isaias 63:15

O Apo, tannawagannakami dita langit a pagnaedam iti kinasanto ken kinadayagmo. Sadino ti ayan ti panangipategmo unay kadakami? Sadino ti ayan ti pannakabalinmo? Ayan ti ayat ken panangngaasim? Dinakam kad baybay-an.

Isaias 63:7

Saritaek ti di agbaliw nga ayat ti Apo; itan-okko gapu iti amin nga inaramidna kadatayo. Pinaraburanna a sibubuslon dagiti Israelita, gapu iti asi ken di agbalbaliw nga ayatna.

Zacarias 3:8

Dumngegka ngarud, Josue, sika a Nangato a Padi. Dumngegkayo met, dakayo a kakaduana a padi. Dakayo ti pagilasinan ti naimbag a masakbayan: Iparangarangkon ti adipenko a maaw-awagan ‘Ti Sanga.’

Zacarias 6:12

Ibagam ken ni Josue a kastoy ti sao ni Yahweh a Mannakabalin-amin: ‘Adtoy ti tao a maawagan “Ti Sanga.” Dumakkel iti daga nga ayanna ket bangonennanto ti Templo ti Apo.

Malakias 4:2

Ngem kadakayo nga agtungpal kaniak, kaslanto init a lumgak ti pannakabalinko a mangisalakan ken mangyeg iti pannakapaimbag. Rumuarkayto a siraragsak a kas kadagiti urbon ti baka a naipupok.

Numero 24:17

Makitak ti Israel iti masakbayan Addanto ari a tumaud iti dayta a pagilian, Kaslanto naraniag a bituen. Manipud iti Israel, tumpuarto a layap Burakennanto ti ulo ti Moab, ket parmekennanto dagiti amin a tattao ti Set.

San Juan 3:16

Gapu iti kasta unay a panagayat ti Dios iti lubong, intedna ti Bugbugtong nga Anakna tapno ti siasinoman a mamati kenkuana saan a matay no di ket agbiag nga agnanayon.

Taga-Efeso 5:14

Ta ti aniaman a maipalgak a silalawag agbalin a lawag. Daytoy ti gapuna a makunkuna, “Agriingka, sika a matmaturog, Bumangonka ken ni patay! Ket lawagannakanto ni Cristo.”

Taga-Filipos 1:8

Ammo ti Dios a pudno ti kunak a kasla kadakkel ti ayat ni Cristo Jesus daytoy nga iliwko kadakayo.

Taga-Filipos 2:1

Mapapigsakayo iti panagbiagyo ken ni Cristo ken maliwliwakayo gapu iti ayatna. Adda pannakikadkaduayo iti Espiritu ket agdidinnungngo ken makipagriknakayo iti tunggal maysa.

Taga-Colosas 3:12

Tattaonakayo ti Dios. Inayat ken pinilinakayo a kukuana. Ngarud, ipakitayo a naasikayo, naimbag, napakumbaba, nasingpet ken naanus.

2 Pedro 1:19

Iti kasta, ad-adda manen ti panagtalekmi iti impakaammo dagiti profeta. Pagsayaatanyo no ipangagyo daytoy a kasla maysa a pagsilawan nga agranraniag iti nasipnget a lugar agingga iti agbannawag, ket agraniag kadagiti pusoyo ti lawag ti bituen ti agsapa.

1 Juan 3:17

No addaanka ket makitam ti maysa a kabsat a makasapul iti tulong ngem dika pulos mangrikna, kasano ti panagkunam nga ay-ayatem ti Dios?

Paltiing 22:16

“Siak ni Jesus a nangibaon iti anghelko tapno saksianna dagitoy kadakayo nga adda kadagiti iglesia. Nagtaudak iti ramut ken kaputotan ni David. Siak ti naraniag a bituen ti agsapa.”