San Lucas 1:49 - Ti Baro a Naimbag a Damag Biblia

⁴⁹ Gapu kadagiti naindaklan a bambanag nga inaramid kaniak ti Mannakabalin a Dios. Nasantoan ti naganna;

Ti Biblia (1973)

⁴⁹ Ta inaramid caniac ti Mannacabalin dagiti dadackel a banag; Ket santo ti naganna.

San Lucas 1:49 Iomraidhean Croise

Genesis 17:1

Idi agtawen ni Abram iti 99, nagparang ni Yahweh kenkuana. Kinunana, “Siak ti Dios a Mannakabalin-amin. Agtulnogka kaniak ket aramidem a kanayon ti naimbag.

Dagiti Salmo 111:9

Winayawayaanna dagiti tattaona; nangaramid iti katulagan nga agnanayon nga awan inggana. Nasantoan ken mannakabalin ti naganna.

Dagiti Salmo 24:8

Siasino daytoy naindaklan nga Ari? Isu ti Apo a nabileg ken napigsa, ti Apo a maingel iti paggugubatan.

Dagiti Salmo 99:3

Idaydayaw koma ti tunggal maysa ti naindaklan ken nadaeg a naganna. Nasantoan ni Yahweh!

Dagiti Salmo 99:9

Itan-okyo ti Apo a Diostayo; agdaydayawkayo idiay nasantoan a turodna! Nasantoan ti Apo a Diostayo!

Exodo 15:11

“Siasino, O Apo, kadagiti didiosen ti kas kenka? Siasino ti umasping kenka iti nakaskasdaaw a kinasantom? Siasino ti pumada kenka nga agar-aramid iti milagro ken pagbutngan gapu kadagiti nakaskasdaaw nga aramidmo?

Isaias 1:24

Ita ngarud, denggenyo ti sao ti Apo a Mannakabalin-amin, ti mannakabalin a Dios ti Israel. Kunana, “Balsenkayto, dakayo a kabusorko, ket awanton ti parikut a yegyo kaniak.

Isaias 57:15

“Siak ti nangato ken Nasantoan a Dios nga agbiag iti agnanayon. Agnaedak iti nangato ken nasantoan a lugar ngem makipagnaedak met kadagiti tattao a napakumbaba ken nakakaasi, tapno mapasublik ti panagtalek ken namnamada.

Isaias 6:3

Ipukpukkawda iti tunggal maysa: “Santo, santo, santo! Nasantoan ti Apo a Mannakabalin-amin! Napno ti lubong iti dayagna.”

Isaias 63:1

Siasino daytoy sumungad, daytoy aggapu iti siudad ti Bosra iti Edom? Siasino daytoy nakadaydayag ti kawesna a nalabbaga, isu a magmagna a napnoan iti pigsa? Isu ti Apo, ti mannakabalin a mangisalakan! Umayna ipakaammo iti panagballigina.

Jeremias 10:6

Apo, awan ti kas kenka; nabilegka ket naindaklan ken mannakabalin ti naganmo.

Jeremias 20:11

Ngem sika ti kaduak, O Apo, maingel ken nabilegka, ket dinto agballigi dagiti mangidadanes kaniak. Dinto agpatingga ti pannakaibabainda, agsipud ta saanda a makapagballigi. Saanto a malipatan ti pannakaibabainda.

San Marcos 5:13

Pinalubosan ni Jesus ida. Rimmuar dagiti dakes nga espiritu iti lalaki ket simrekda kadagiti baboy. Nagdadarison ti arban—agduaribuda amin a baboy—iti teppang sada timpuak iti dan-aw, ket nalmesda amin.

San Lucas 1:48

Ta nalagipnak, siak a nanumo nga adipenna, Ket manipud ita, awagandakto a nagasat dagiti amin a tattao,

San Lucas 1:50

Kaasianna dagiti agbuteng kenkuana, Manipud iti maysa a kaputotan agingga kadagiti sumarsaruno.

Taga-Efeso 3:20

Madaydayaw koma ti Dios a makaaramid iti nasursurok ngem ti dawaten wenno panunotentayo babaen iti pannakabalin nga agtartrabaho kadatayo.

Paltiing 15:4

Siasino ti saan nga agbuteng kenka, Apo? Siasino ti saan a mangitan-ok iti naganmo? Agsipud ta siksika laeng ti nasantoan. Umayto dagiti amin a pagilian Ket agdaydayawda iti sangoanam, Ta maimatangan ti amin dagiti nalinteg nga aramidmo.”

Paltiing 4:8

Innem ti payak ti tunggal maysa kadagiti sibibiag a parsua, ket mata amin iti uneg ken ruar ti payak. Aldaw-rabii nga awan sardengda a mangikankanta: “Santo, santo, santo, ni Apo Dios a Mannakabalin-amin, Isu nga adda idi, adda ita ken umayto.”

1 Samuel 2:2

“Awan ti nasantoan a kas iti Apo; awan ti kas kenkuana; awan ti bato a kas iti Diostayo.