San Lucas 1:32 - Ti Baro a Naimbag a Damag Biblia

³² Naindaklanto. Maawaganto iti Anak ti Kangatoan. Pagbalinento ni Apo Dios nga ari, a kas ken ni David a kapuonanna.

Ti Biblia (1973)

³² Isu natan-octo, ket managanto Anac ti Cangatoan; ket ni Apo Dios itednanto kencuana ti trono ni David nga amana;

San Lucas 1:32 Iomraidhean Croise

2 Samuel 7:16

Maaddaankanto latta iti kaputotam. Pagpautekto ti pagariam. Dinto agpatingga ti panagari kadagiti kaputotam.’”

Dagiti Salmo 132:11

Sinapataam ti karim ken ni David, ket saanmonto a paglikudan: “Isaadkonto nga ari ti maysa kadagiti annakmo, ket sumarunonto kenka nga agtugaw iti trono.

Dagiti Salmo 132:12

No napudno dagiti annakmo iti tulagko ken dagiti ibilinko kadakuada, agarinto met a kas kenka iti agnanayon dagiti sumarsaruno a kaputotanda.”

Isaias 16:5

Kalpasanna, agarinto ti maysa kadagiti kaputotan ni David. Napudno ken napnoanto iti ayat ti panangiturayna kadagiti tattao. Dagdagusennanto nga ipakat ti kinalinteg ket ikagumaannanto a maipagna ti hustisia.)

Jeremias 17:25

Iti kasta, sumrekto dagiti ari ken dagiti prinsipe iti ruangan ti Jerusalem, ket agturaydanto a kas ken ni David. Agkukuyogdanto kadagiti tattao ti Juda ken Jerusalem a nakalugan kadagiti lugan a pakigubat ken nakasakay kadagiti kabalio ket kanayonto a mapno ti Jerusalem iti tao.

Daniel 2:44

Iti panawen dagitoy nga agturay, mangipasdekto ti Dios ti langit iti pagarian a pulos a dinto agpatingga. Saanto a maparmek dayta a pagarian ngem gibusannanto dagiti amin a pagarian. Isu laeng ti agpaut iti agnanayon.

San Mateo 1:1

Daytoy ti libro ti kapuonan ni Jesu-Cristo a nagtaud iti kaputotan ni David, a nagtaud met iti kaputotan ni Abraham.

San Mateo 12:42

Inton Aldaw a Panangukom, tumakderto ti Reyna a taga-Abagatan a mangidarum kadakayo agsipud ta nagdaliasat iti adayo a lugar tapno umayna laeng denggen ti nainsiriban a pannursuro ni Solomon. Ibagak kadakayo nga adda ditoy ti maysa a natantan-ok ngem ni Solomon.”

San Mateo 28:18

Immasideg ni Jesus ket kinunana, “Naited kaniak ti amin a pannakabalin idiay langit ken ditoy daga.

San Mateo 3:11

Buniagankayo iti danum kas pakakitaan ti panagbalbaliwyo. Ngem ti umay a sumarsaruno kaniak buniagannakayto iti Espiritu Santo ken iti apuy. Dakdakkel ti pannakabalinna ngem siak; diak pay maikari a mangbitbit iti sandaliasna.

San Marcos 14:61

Ngem nagulimek ni Jesus ket saan a simmungbat. “Sika kadi ti Cristo nga Anak ti Nasantoan a Dios?” sinaludsod manen ti Kangatoan a Padi.

San Marcos 5:7

“Jesus, Anak ti Dios a Kangatoan. Apay a singaennak? Iti nagan ti Dios, dinak kadi parigaten.” (

San Lucas 1:15

Ta naindaklanto a tao iti imatang ti Apo. Masapul a dinto uminum iti arak wenno uray ania a makabartek. Mapnonto iti Espiritu Santo uray adda pay laeng iti tian

San Lucas 1:35

“Umayto kenka ti Espiritu Santo,” insungbat ti anghel. “Salinongannakanto ti pannakabalin ti Dios. Daytoy ti gapuna a nasantoanto ti ubing, ket maawaganto iti Anak ti Dios.

San Lucas 1:76

“Sika, anakko, managanankanto iti profeta ti Dios a Kangatoan. Ta umun-unakanto ngem ti Apo, Tapno isaganam ti pagnaanna,

San Lucas 3:16

Kinuna ni Juan kadakuada: “Buniagankayo iti danum, ngem sumarsaruno kaniak ti maysa a dakdakkel ti pannakabalinna ngem siak. Diak pay maikari a mangwarwar iti sandaliasna. Buniagannakayto iti Espiritu Santo ken apuy.

San Lucas 6:35

Saan a kasta ti aramidenyo! Ayatenyo ketdi dagiti kabusoryo ket ipaayanyo ida iti imbag. Agpabulodkayo, ngem diyo namnamaen a masupapakankayo. No aramidenyo dagitoy, dakkelto ti gunggonayo ket annaknakayto ti Kangatoan. Ta naasi ti Dios kadagiti di makaammo nga agyaman ken kadagiti managdakdakes.

San Juan 12:34

“Kuna ti Linteg nga agbiag nga agnanayon ti Cristo,” insungbat dagiti tattao. “Apay a kunam a masapul a maibayog ti Anak ti Tao? Siasino daytoy nga Anak ti Tao?”

San Juan 6:69

Ket ita, mamatikami ken ammomi a sika ti Nasantoan a naggapu iti Dios.”

Dagiti Aramid 16:17

Sinursurotnakami kada Pablo ket ipukpukkawna, “Adipen ti Kangatoan a Dios dagitoy a tattao. Ipakaammoda kadakayo ti dalan a pakaisalakanan!”

Dagiti Aramid 2:30

Maysa a profeta ni Ari David ket ammona ti inkari ti Dios kenkuana. Insapata ti Dios a pagbalinennanto nga ari a kas kenkuana ti maysa kadagiti kaputotanna.

Dagiti Aramid 2:36

“Ammoen ngarud ti amin a tattao iti Israel nga awan duadua a daytoy Jesus nga inlansayo iti krus ket pinagbalin ti Dios nga Apo ken Cristo!”

Dagiti Aramid 7:48

“Nupay kasta, saan nga agnaed ti Kangatoan a Dios kadagiti balay nga aramid ti tao. Kas kuna ti profeta:

Taga-Roma 1:4

no maipapan iti panagtaudna iti Dios ken kinasantona, naipakita babaen iti naindaklan a pannakabalin nga isu ti Anak ti Dios gapu iti panagungarna.

Paltiing 3:7

“Kastoy ti isuratmo iti anghel ti iglesia idiay Filadelfia: “Daytoy ti mensahe ti nasantoan ken napudno. Ig-iggamanna ti tulbek a kukua idi ni David. No adda ilukatna, awan ti makairikep, ket no adda rikpanna, awan ti makailukat. Kunana: