San Lucas 1:15 - Ti Baro a Naimbag a Damag Biblia

¹⁵ Ta naindaklanto a tao iti imatang ti Apo. Masapul a dinto uminum iti arak wenno uray ania a makabartek. Mapnonto iti Espiritu Santo uray adda pay laeng iti tian

Ti Biblia (1973)

¹⁵ Ta dackelto iti sangoanan ti Apo: ket saanto nga uminum ti arac ken inumen a naingel: ket mapnonto ti Espiritu Santo manipud pay iti tian ni inana.

San Lucas 1:15 Iomraidhean Croise

Genesis 12:2

Paraburankanto iti adu nga annak ken appoko ket agbalindanto a dakkel a pagilian. Bendisionankanto ket agdinamagto ti naganmo tapno mausar ti naganmo a pagbendision.

Genesis 48:19

Nagkedked ti amana ket kinunana, “Ammok, anakko, ammok. Agbalinto met a naindaklan a tattao dagiti kaputotan ni Manases. Ngem ad-addanto a naindaklan ti inaudi a kabsatna ket agbalinto dagiti kaputotanna a natatan-ok a nasion.”

1 Cronicas 17:8

Kinuykuyogka iti sadinoman a napanam ket pinarmekko amin a kabusormo tunggal dumarupka. Pagbalinenkanto a naindaklan a kas kadagiti kamainglan a pangulo ditoy lubong.

1 Cronicas 29:12

Sika ti pagtaudan ti amin a kinabaknang ken sanikua, sika ti mangituray iti amin. Addaanka ti pigsa ken pannakabalin ket sika ti mangitan-ok ken mangted iti pigsa iti amin.

Dagiti Salmo 22:9

Sika ti nangipaay iti talged iti pannakaipasngayko, inaywanannak idi maladagaak pay nga agsussuso.

Jeremias 1:5

“Pinilika sakbay nga inikkanka iti biag, ken sakbay a nayanakka, tinudinganka a profeta kadagiti pagilian.”

Jeremias 35:6

Ngem insungbatda, “Saankami nga umin-inum iti arak. Ngamin, binilinnakami daydi Jonadab nga anak ni Recab a nagtaudanmi a pulos a dikam uminum iti arak, uray pay dagiti annakmi.

Levitico 10:9

“No sumrekka ken dagiti annakmo iti Tolda, kitaenyo a saankayo a nakainum iti arak wenno aniaman a makabartek amangan ta mataykayo. Linteg daytoy a masapul nga annuroten dagiti amin a kaputotanyo.

Zacarias 9:15

Salaknibanto ti Apo a Mannakabalin-amin dagiti tattaona, ket papatayendanto dagiti kabusorda. Kasdanto la nabartek nga agpukkaw iti paggugubatan, ket pagayusendanto ti dara dagiti kabusorda. Agayusto a kas iti dara ti sakrifisio a maibuyat iti rabaw ti altar manipud iti malukong.

San Lucas 1:14

Agragsakkanto iti kasta unay, ket adunto met ti agragsak iti pannakaipasngayna.

San Lucas 7:28

Ibagak kadakayo a kadagiti amin a nayanak, awan nangnangruna ngem ni Juan. Nupay kasta, natantan-ok ngem isu ti kanumoan iti Pagarian ti Dios.”

San Lucas 7:33

Immay ni Juan a Mammuniag, nagayunar ken di imminum iti arak, ket kinunayo: ‘Linuganan ti demonio!’

San Juan 5:35

Sumsumged ken agranraniag a silaw ti kayarigan ni Juan, ket iti apagbiit, kinayatyo a linak-am ti lawagna.

Dagiti Aramid 2:4

Iti kasta, napnoda amin iti Espiritu Santo ket nangrugida nga agsao iti nadumaduma a pagsasao, kas inted ti Espiritu kadakuada.

Taga-Galacia 1:15

Ngem uray idi saanak pay a nayanak, pinilinak ti Dios babaen iti paraburna, ket inayabannak nga agserbi kenkuana.

Taga-Efeso 5:18

Dikay agbarbartek ta isut' pakadadaelanyo. Ikagumaanyo koma ketdi nga agtaeng kadakayo ti Espiritu.

Josue 3:7

Kinuna ni Yahweh ken ni Josue, “Ita nga aldaw, itan-okka iti imatang dagiti Israelita tapno maammoanda nga addaak kenka a kas iti kaaddak idi ken ni Moises.

Josue 4:14

Iti dayta nga aldaw, intan-ok ti Apo ni Josue iti imatang dagiti Israelita. Rinaraemda ni Josue iti unos ti panagbiagna a kas met iti panagraemda idi ken ni Moises.