Levitico 9:9 - Ti Baro a Naimbag a Damag Biblia

⁹ Impan kenkuana dagiti annakna ti dara ket insawsawna ti ramayna, impulagidna ti dara kadagiti sinan-sara ti altar ket imbuyatna ti natda iti puon ti altar.

Ti Biblia (1973)

⁹ Ket dagiti annac a lallaki ni Aaron indatagda ti dara kencuana, ket isu insawsawna ti ramayna iti dara, sana incabil cadagiti sarsara ti altar, ket imbuyatna ti dara iti poon ti altar;

Levitico 9:9 Iomraidhean Croise

Ezekiel 43:15

Ditoy kangatoan a tukad ti pakapuoran dagiti daton. Dua a metro ti kangatona. Nangatngato dagiti uppat a sulina ngem ti dadduma a paset ti rabawna.

Ezekiel 43:20

Mangalaka iti dara ti baka ket ipulagidmo kadagiti uppat a suli iti rabaw ti altar ken kadagiti uppat a suli ti akintengnga a tukad ti altar ken iti aglikmut nga ikingna. Kastoy nga annongem ti seremonia ti pannakadalus ken panangikonsagrarmo iti altar.

Levitico 16:18

mapan iti altar a pagpuoran kadagiti daton ket annongenna ti seremonia ti pannakadalus: Mangala iti dara ti baka ken dara ti kalding ket pulagidanna dagiti sinan-sara ti altar.

Levitico 4:25

Isawsaw ti padi ti ramayna iti dara ti animal, pulagidanna iti dara dagiti sinan-sara ti altar, ket ibuyatna ti natda iti puon ti altar.

Levitico 4:30

Isawsaw ti padi ti ramayna iti dara ti animal, pulagidanna iti dara dagiti sinan-sara ti altar, ket ibuyatna ti natda iti puon ti altar.

Levitico 8:15

Pinarti ni Moises ti animal sa nangala iti dara ket babaen iti ramayna, pinulagidanna dagiti sinan-sara ti altar tapno maidaton ti altar. Imbuyatna iti puon ti altar ti natda a dara. Kastoy ti pannakaidaton iti altar ken ti pannakadalusna iti imatang ti linteg.

Levitico 9:10

Pinuoranna iti altar ti taba, dagiti bekkel ken ti kasayaatan a paset ti dalem kas imbilin ni Yahweh ken ni Moises.

Levitico 9:12

Pinartina ti animal a bukodna a daton a mapuoran. Impan kenkuana dagiti annakna ti dara ket imbuyatna iti uppat a sikigan ti altar.

Levitico 9:18

Pinatayna ti toro a baka ken ti kalakian a karnero a kas daton a pakikappia a maipaay kadagiti tattao. Inyeg dagiti annakna ti dara ket imbuyatna iti aglawlaw ti altar.

Hebreo 2:10

Rumbeng la unay ti inaramid ti Dios a namarsua ken manarawidwid iti amin a bambanag: Pinagbalinna a naan-anay ni Jesus babaen iti panagsagaba tapno iramanna dagiti adu nga annak iti dayagna. Ta ni Jesus ti mangidalan kadakuada iti pannakaisalakan.