Levitico 8:7 - Ti Baro a Naimbag a Damag Biblia

⁷ Inyarruatna ken ni Aaron ti bado ken ti kagay a rutap ken ti barikes. Inyusongna kenkuana ti efod ket pinairutanna babaen iti barikes a napintas ti pannakaabelna.

Ti Biblia (1973)

⁷ Ket incabilna kencuana ti bado ket binaricsanna iti barikes, ket incapetna ti cagay kencuana, ket inlusong ti efod kencuana, sana incapet ti barikes ti efod a nasayaat ti pannacaabelna, isu ti pinanggalutna ti efod kencuana.

Levitico 8:7 Iomraidhean Croise

Exodo 28:2

Yaramidam ni Aaron kadagiti kawes ti padi tapno nadayag ken natan-ok iti imatang dagiti tattao.

Exodo 28:4

Dagitoy ti daitenda: pektoral, efod, kagay, nabordaan a tunika, mitra ken barikes. Yaramidanda ni Aaron ken dagiti annakna kadagiti nasagradoan a kawes tapno makapagserbida kaniak a kas padi.

Exodo 28:6

“Balitok, asul, ube ken nalabaga, ken nafino a linen a nabordaan ti aramidenda nga efod.

Exodo 29:5

Kalpasanna, ikawesmo ken ni Aaron dagiti arwaten ti padi—ti tunika, ti efod, ti kagay a mairutap iti efod, ti pektoral agraman ti barikes.

Isaias 61:10

Agrag-o ti Jerusalem gapu iti inaramid ni Yahweh. Mayarig iti babai a nakawesan iti aldaw a panagkasarna. Kinawesan ti Dios iti pannakaisalakan ken balligi!

Isaias 61:3

a mangted iti rag-o ken ragsak a di ket liday kadagiti agdungdung-aw iti Sion; mangted iti kanta a pagdaydayaw a saan ket a naladingit a kanta. Mayarigdanto kadagiti kaykayo nga immula ti Apo. Nalintegto ti aramid ti tunggal maysa, ket maidaydayawto ti Dios gapu iti aramidna.

Ezekiel 42:14

No rummuar dagiti papadi iti Templo, ket kayatda ti mapan iti akinruar a paraangan, masapul nga ibatida kadagitoy a kuarto dagiti nasantoan a pagan-anay nga inusarda bayat ti panagserbida iti Apo. Agkawesdanto kadagiti sabali a pagan-anay sakbay a rummuarda iti paguummongan dagiti tattao.”

Taga-Roma 13:14

Ikawesyo ketdi ni Apo Jesu-Cristo a kas armasyo ket isardengyon a pagustoan ti dakes a tarigagay dagiti bagbagiyo.

Taga-Roma 3:22

Palintegen ti Dios dagiti tattao gapu ta mamatida ken ni Jesu-Cristo. Aramiden ti Dios daytoy kadagiti amin a mamati ken ni Cristo, ta awan a pulos ti pagdudumaanda.

Taga-Galacia 3:27

Nabuniagankayo iti pannakipagmaymaysayo ken ni Cristo ket iti kasta, inkawesyo a mismo ni Cristo.

1 Samuel 2:28

Pinilik ida kadagiti amin a tribu ti Israel tapno agbalinda a papadi nga agserbi kaniak iti altar, agpuor iti insenso ken agaruat iti efod a makiuman kaniak. Inikkak ida iti kalintegan a makibingay kadagiti daton a mapuoran iti altar.