Levitico 8:23 - Ti Baro a Naimbag a Damag Biblia

²³ Pinarti ni Moises ti karnero ket nangala iti dara nga impulagidna iti kannawan a piditpidit ni Aaron, kadagiti akinkannawan a tangan ti ima ken sakana.

Ti Biblia (1973)

²³ Ket pinatayna; ket ni Moises nangala iti dara daydiay ket incabilna iti rabaw ti tuctuc ti bolong ti lapayag a macanawan ni Aaron, ken iti tangan ti macanawan nga imana, ken rabaw ti tangan ti macanawan a sacana.

Levitico 8:23 Iomraidhean Croise

Exodo 29:20

Patayem ket mangalaka iti darana samo ipulagid kadagiti kannawan a piditpiditda ken kadagiti kannawan a tangan ti ima ken sakada. Ibuyatmo ti natda a dara iti sikigan ti altar.

Exodo 29:21

Mangalaka iti dara nga adda iti rabaw ti altar ken lana a pagkonsagrar ket iwarsim ken ni Aaron ken iti kawesna kasta met kadagiti annakna ken kadagiti kawesda. Kastoy ti pannakaikonsagrar ni Aaron, dagiti annakna ken dagiti kawesda.

Levitico 14:14

Mangalanto iti dara ti karnero ket ipulagidna iti kannawan a piditpidit ti tao a madalusan, iti tangan ti kannawan nga ima ken sakana.

Levitico 14:17

Mangalanto iti lana nga adda iti dakulapna ken iti dara ti karnero ket ipulagidna iti kannawan a piditpidit ti tao a madalusan, iti tangan ti kannawan nga ima ken sakana.

Levitico 14:25

Patayennanto ti karnero, ket mangala iti dara sana ipulagid iti piditpidit ti kannawan a lapayag ti tao, iti tangan ti kannawan nga ima ken sakana.

Levitico 14:28

Pulagidannanto iti lana dagiti pinulagidanna met iti dara: ti kannawan a piditpidit ti tao, ti tangan ti kannawan nga ima ken sakana.

Levitico 7:37

Dagitoy ngarud dagiti alagaden maipanggep iti daton a mapuoran, daton a makan, daton gapu iti basol, daton a pagsupapak iti biddut, daton iti pannakaorden ken daton a pakikappia.

Taga-Roma 12:1

Kakabsatko, dawatek ngarud kadakayo, a gapu iti naindaklan nga asi ti Dios kadatayo, ipaayyo koma ti bagiyo a kas daton a sibibiag, nasantoan ken makaay-ayo kenkuana. Daytoy ti pudno a panagdaydayaw a rumbeng nga ipaayyo.

Taga-Roma 6:13

Kasta met a diyo itulok nga agbasol ti uray ania a paset ti bagiyo a maaramat kadagiti dakes a panggep. Mayarigkayo kadagiti tattao a natay ngem napagungar. Ipaayyo ketdi ti bagiyo iti Dios ket itulokyo kenkuana ti entero a bagiyo a maaramat kadagiti nalinteg a panggep.

Taga-Roma 6:19

Agsaoak iti kadawyan a panagsao tapno nalaka a maawatanyo. Intulokyo ti bagiyo idi a tinagabu ti kinarugit ken kinadakes nga agpaay kadagiti dakes a panggep. Masapul nga agtulokkayo met ita a patagabu iti kinalinteg nga agpaay iti pannakapasantoyo.

1 Taga-Corinto 1:30

Ngem inyasidegnakayo ti Dios ken ni Cristo Jesus tapno makikadkaduatayo kenkuana, ket pinagbalinna nga isu ti kinasiribtayo. Babaen ken ni Cristo, mapalintegtayo iti Dios, mapagsantotayo ken mawayawayaantayo.

1 Taga-Corinto 6:20

Nangina ti inggatangna kadakayo. Ngarud, aramatenyo ti bagiyo a pakaidayawan ti Dios.

Taga-Filipos 1:20

Nasged ti tarigagay ken namnamak a diak koma agliway iti pagrebbengak uray kaanoman, no di ket kankanayon koma, nangruna ita, a mapnoak iti tured, tapno babaen iti bagik, maidayaw ni Cristo, agbiagak man wenno matayak.

Taga-Filipos 2:17

Agragsakak uray no masapul a maibuyat ti darak a mainayon iti sakrifisio nga idaton ti pammatiyo iti Dios.

1 Taga-Tesalonica 5:22

ket liklikanyo ti amin a kita ti kinadakes.

Hebreo 2:10

Rumbeng la unay ti inaramid ti Dios a namarsua ken manarawidwid iti amin a bambanag: Pinagbalinna a naan-anay ni Jesus babaen iti panagsagaba tapno iramanna dagiti adu nga annak iti dayagna. Ta ni Jesus ti mangidalan kadakuada iti pannakaisalakan.

Hebreo 5:8

Ngem uray pay no Anak ti Dios, nasursurona ti agtulnog babaen kadagiti sinagabana.