Levitico 8:13 - Ti Baro a Naimbag a Damag Biblia

¹³ Kalpasanna, pinagpasangona dagiti annak ni Aaron; binadoanna ida, inkabilna ti barikes ti tunggal maysa ket inkapetna ti pannakakallugongda, kas imbilin ni Yahweh.

Ti Biblia (1973)

¹³ Ket ni Moises innala dagiti annac a lallaki ni Aaron, ket kinawesanna ida cadagiti badbado, ket incapetna cadacuada dagiti barbarikes, ket imbedbedna cadagiti ol-oloda ti pannacacallogong; cas imbilin ni Jehova ken Moises.

Levitico 8:13 Iomraidhean Croise

Dagiti Salmo 132:9

Aramiden koma dagiti papadim ti rumbeng ken umno; agdir-i koma iti rag-o dagiti bukodmo a tattao.

Exodo 40:13

Kalpasanna, yarruatmo ken ni Aaron ti kawesna a kas padi. Sapsapoam ni Aaron iti lana ket ikonsagrarmo tapno agbalin a padi nga agserbi kaniak.

Exodo 40:16

Tinungpal ni Moises ti amin nga imbilin kenkuana ni Yahweh.

Isaias 61:10

Agrag-o ti Jerusalem gapu iti inaramid ni Yahweh. Mayarig iti babai a nakawesan iti aldaw a panagkasarna. Kinawesan ti Dios iti pannakaisalakan ken balligi!

Isaias 61:6

Maawagankayto iti papadi ti Apo, dakayto ti agsagrap iti kinabaknang dagiti pagilian, ket itangsityonto ti panangtagikuayo.

Ezekiel 42:14

No rummuar dagiti papadi iti Templo, ket kayatda ti mapan iti akinruar a paraangan, masapul nga ibatida kadagitoy a kuarto dagiti nasantoan a pagan-anay nga inusarda bayat ti panagserbida iti Apo. Agkawesdanto kadagiti sabali a pagan-anay sakbay a rummuarda iti paguummongan dagiti tattao.”

Levitico 10:5

Ket napanda binagkat dagiti bangkay a sikakawes pay laeng sada impan iti ruar ti kampo, kas imbilin ni Moises.

1 Pedro 2:5

Umasidegkayo a kas sibibiag a batbato a maaramat iti pannakabangon ti naespirituan a templo. Agserbikayo a kas nasantoan a papadi a mangipaay iti daton a naespirituan ken makaay-ayo iti Dios babaen ken Jesu-Cristo.

1 Pedro 2:9

Ngem dakayo ti napili a puli. Papadikayo nga agserbi iti Dios nga Ari. Nasionkayo a nasantoan. Tattaonakayo ti Dios. Inruarnakayo iti kasipngetan ket impannakayo iti nakaskasdaaw a lawagna. Pinilinakayo a nangipakaammo kadagiti nakaskasdaaw nga aramidna.

Paltiing 1:6

Pinagbalinnatayo a pagarian, ken papadi nga agserbi iti Dios ken Amana. Ipaduyakyaktayo ti agnanayon a dayag ken pannakabalin ni Jesu-Cristo! Amen.

Paltiing 5:10

Pinagbalinmo ida a pagarian tapno agserbida a kas papadi iti Diostayo; Ket agturaydanto ditoy daga.”