Levitico 7:18 - Ti Baro a Naimbag a Damag Biblia

¹⁸ Ngamin, saan nga awaten ti Dios ti daton no adda pay la mangan iti daytoy iti maikatlo nga aldaw. Agbalin a narugit iti imatang ti linteg ket madusa ti siasinoman a mangan iti daytoy.

Ti Biblia (1973)

¹⁸ Ket no adda uray ania a lasag iti sacrificio dagiti datdatonna a maipaay iti cappia a canenna iti maicatlo nga aldaw, saanto a maawat, dinto met maibilang kencuana a nangidatag iti daton: maysanto a rimon, ket ti cararua ti mangan awitennanto ti kinadakesna.

Levitico 7:18 Iomraidhean Croise

Dagiti Proverbio 15:8

Maay-ayo ti Apo no agkararag dagiti naimbag, ngem kagurana dagiti daton nga idatag kenkuana dagiti managdakdakes.

Isaias 65:4

Iti rabii, mapanda kadagiti rukib ken tantanem tapno makiumanda kadagiti espiritu dagiti natay. Agsida dagitoy a tattao iti karne ti baboy. Umigupda iti digo ti karne a naidatag iti panagdaton dagiti pagano.

Isaias 66:3

“Aramiden dagiti tattao ti kaykayatda. Iti imatangda, awan pagdumaan dagiti aramidda. Agpartida man iti toro a baka a kas sakrifisio, wenno agidatagda iti tao a kas daton; agidatonda man iti urbon a karnero, wenno rungdoenda ti tengnged ti aso. Agidatagda iti daton a makan wenno agidatagda iti dara ti baboy. Agpuorda iti insenso wenno agkararagda iti imahen. Maragsakanda iti makarimon a panagdaydayaw.

Jeremias 14:10

Kuna ti Apo maipapan kadagitoy a tattao, “Kayatdak nga itarayan, ket saanda a magawidan dagiti bagida. Iti kasta, diak maragsakan kadakuada. Laglagipekto dagiti dakes nga aramidda, ket dusaekto ida gapu kadagiti basolda.”

Jeremias 14:12

Uray no agayunarda, diakto ipangag ti dawatda. Uray no mangidatagda iti daton a mapuoran ken daton a makan, diakto awaten ida. Papatayekto ketdi ida iti gubat, bisin ken angol.”

Ezekiel 18:20

Ti tao nga agbasol, isunto ti matay. Saan nga agsagaba ti anak gapu kadagiti basbasol ni amana. Saan met nga agsagaba ti ama gapu kadagiti basol ti anakna. Magunggonaan ti naimbag a tao gapu iti naimbag nga aramidna. Agsagaba met ti dakes a tao gapu iti dakes nga aramidna.

Oseas 8:13

Magustoanda ti agidatag iti sakrifisio, ket kanenda ti karne dagiti idatonda. Ngem siak, ni Yahweh, diak maragsakan kadakuada, ket ita malagipko ti basolda ket dusaek ida. Isublikto ida idiay Egipto.

Levitico 10:17

“Apay a diyo kinnan ti daton gapu iti basol iti nasantoan a disso? Nasantoan unay daytoy a daton ket inted ti Apo kadakayo tapno maikkat ti basol dagiti umili.

Levitico 10:19

Insungbat ni Aaron, “Maragsakan ngata ti Apo no kanek ita nga aldaw ti daton gapu iti basol? Ita nga aldaw, indatag dagiti tattao iti Apo ti datonda gapu iti basol ken ti datonda a mapuoran ngem nagdissuor latta kaniak dagitoy nakaam-amak a banag.”

Levitico 11:41

Diyo sidaen ti aniaman kadagiti babassit nga animal nga aguyas iti daga,

Levitico 17:16

No dina aramiden daytoy, agbasol ket masapul a sagabaenna ti dusa a maipatay kenkuana.

Levitico 19:5

“No agpartikayo iti animal nga idatonyo a pakikappia, annurotenyo dagiti alagaden nga intedko kadakayo tapno awatek ti daton.

Levitico 20:17

“No asawaen ti maysa a lalaki ti kabsatna a babai wenno ti kabsatna iti ama wenno ina, maibabainda iti sangoanan dagiti tattao ket mapapanawda iti ili. Kinaiddana ti kabsatna a babai ket masapul a sagabaenna ti dusa ti basolna.

Levitico 20:19

“No kaiddaen ti maysa a lalaki ti ikitna, masapul a sagabaenda ti dusa ti kinadakesda ken panangsalungasingda iti linteg.

Levitico 22:23

Kas daton nga agtaud iti bukodyo a nakem, mabalinyo nga idatag ti animal a saan a nasayaat ti panagdakkelna, ngem saan a maawat a daton a pagtungpal iti kari.

Levitico 22:25

Diyo idatag a daton a makan ti aniaman nga animal a naggapu iti ganggannaet. Maibilang nga adda depektona ti kasta nga animal ket saanda a maawat.

Levitico 5:17

No adda mangsalungasing iti aniaman a bilin ti Apo, uray dina ammo a kasta ti inaramidna, makabasol ket masapul nga agmulta.

Levitico 7:19

No maisagid ti karne iti aniaman nga ibilang ti linteg a narugit, masapul a saan a sidaen no di ket mapuoran. Mabalin ti siasinoman a nadalus iti imatang ti linteg ti mangan iti karne.

Amos 5:22

Uray no idatagyo ti daton a mapuoran ken daton a makan, saankonto nga awaten ida. Saankonto met nga awaten dagiti pinalukmegyo nga animal a yegyo a kas daton a pagyaman.

Malakias 1:10

Kuna ti Apo a Mannakabalin-amin, “Adda koma maysa kadakayo a mangirikep iti ruangan ti Templo tapno dikay makastrek a mangpasged iti awan serserbina nga apuy iti altarko. Diak maragsakan kadakayo, ket diak awaten dagiti daton nga idatagyo kaniak.

Malakias 1:13

Kunayo, ‘Naumakamin kadagitoy!’ ket musiigandak. Mangidatagkayo iti tinakaw nga animal a kas datonyo kaniak wenno pilay wenno masakit. Ipagarupyo kadi nga awatek dagitoy?

Numero 18:27

Maibilang daytoy naisangsangayan a sagut a kaibatogan ti daton a naggapu iti baro a trigo ken baro nga arak ti mannalon.

San Lucas 16:15

Kinuna ni Jesus kadakuada, “Agparangkayo a kasla nalinteg iti imatang dagiti tattao. Ngem ammo ti Dios ti naguneg iti pusoyo. Ta dagiti ibilang ti tao a kas napateg awan kaes-eskanna iti imatang ti Dios.

Taga-Roma 4:11

Naud-udi ti pannakakugitna, ket ti pannakakugitna ti mangpaneknek nga inawat ti Dios a kas nalinteg ni Abraham gapu iti pammatina sakbay a nakugit. Iti kasta, ni Abraham ti naespirituan nga ama dagiti amin a mamati iti Dios, ket awaten ti Dios a kas nalintegda uray pay no saanda a nakugit.

Hebreo 9:28

Kasta met a namimpinsan a naidaton ni Cristo a mangikkat iti basol ti adu. Agparangto iti maikadua a daras, ngem saanen a gapu iti basol, no di ket tapno isalakanna dagiti mangnamnama iti yaayna.

1 Pedro 2:24

Inawit ni Cristo dagiti basbasoltayo iti krus tapno mawayawayaantay iti pannakabalin ti basol ket agbiagtay a nalinteg. Ta babaen kadagiti sugatna, naagasankayo.