Levitico 7:16 - Ti Baro a Naimbag a Damag Biblia

¹⁶ Ngem no maidatag ti daton a pakikappia a pangtungpal ti tao iti maysa a sapata wenno daton nga agtaud iti bukodna a nakem, saan a nasken a kanen amin iti dayta nga aldaw a pannakaidatagna. Mabalin a kanen ti mabati iti sumuno nga aldaw.

Ti Biblia (1973)

¹⁶ Ngem no ti sacrificio ti datonna maysa a cari, wenno ti maysa a daton ti sibubulos a nakem, macanto iti aldaw a panangipaayna iti datonna; ket ti cabigatanna canennanto ti tiddana: isu ti pannacacaanto ti matda:

Levitico 7:16 Iomraidhean Croise

Dagiti Salmo 116:14

Iti imatang dagiti amin a tattaona, tungpalekto ti inkarik kenkuana.

Dagiti Salmo 116:18

Iti taripnong dagiti amin a tattaom, iti paraangan ti balay ti Apo idiay Jerusalem, tungpalekto ti inkarik kenkuana. Madaydayaw ti Apo!

Dagiti Salmo 66:13

Mangyegakto kadagiti mapuoran a daton iti balaymo, ket tungpalek dagiti karik kenka.

Exodo 35:29

Tunggal Israelita nga adda maitulongna ket indatagna ti sagut ken ni Yahweh para iti trabaho a paaramid ni Yahweh ken ni Moises.

Dagiti Proverbio 7:14

“Nangidatagak iti datonko ita nga aldaw, ket nangilasinak iti karne a paset ti sakrifisio.

Ezekiel 46:12

“No tarigagayan ti prinsipe ti mangidatag ken ni Yahweh iti daton nga agtaud iti bukodna a nakem, daton man a mapuoran a sibubukel wenno daton a pakikappia, maluktanto kenkuana ti akindaya a ruangan nga agturong iti akin-uneg a paraangan. Idatagna ti daton a kas iti panagidatagna iti Aldaw a Panaginana ket masapul a marikpan ti ruangan kalpasan ti ipapanawna.”

Levitico 22:23

Kas daton nga agtaud iti bukodyo a nakem, mabalinyo nga idatag ti animal a saan a nasayaat ti panagdakkelna, ngem saan a maawat a daton a pagtungpal iti kari.

Levitico 22:29

No mangidatagkay iti daton a pagyaman iti Apo, surotenyo dagiti alagaden tapno awatennakayo ti Apo.

Levitico 23:38

Ngilinenyo dagitoy a fiesta a mainayon iti gagangay nga aldaw a Panaginana. Mainayon met dagitoy a daton kadagiti sigud nga isagsagutyo, dagiti datonyo a pagtungpal iti kari, ken dagiti daton nga agtaud iti nakemyo nga ited iti Apo.)

Nahum 1:15

Kitaenyo, adda babaonen a magmagna kadagiti tapaw dagiti bantay a mangyeg iti naimbag a damag! Umay tapno ipakaammona ti panagballigi. Dakayo a tattao ti Juda, selebraranyo dagiti naituding a fiestayo, ket itedyo iti Dios ti sinapataanyo nga ited kenkuana. Saanton a rauten dagiti managdakdakes ti dagayo. Nadadaeldan a namimpinsan!

Numero 15:3

Mabalin a maidatag iti Apo ti toro a baka, kalakian a karnero, maysa nga urbon ti karnero wenno kalding, a kas daton a mapuoran wenno daton a pagtungpal iti kari wenno daton nga agtaud iti bukod a nakem wenno kas daton kadagiti naituding a nasantoan a fiestayo. Nabanglo dagitoy a daton iti Apo.

Deuteronomio 12:11

Mangpilinto ti Apo iti lugar a pagdaydayawan kenkuana. Sadiayto ti pangidataganyo kenkuana iti amin nga imbilinko: dagiti datonyo a mapuoran ken dagiti dadduma a datonyo, dagiti apagkapullo ken dagiti sagutyo, agraman dagiti naisangsangayan a sagut nga ikariyo iti Apo.

Deuteronomio 12:17

Diyo mabalin a kanen iti iliyo ti aniaman nga idatagyo nga apagkapullo iti Apo; mairaman ditoy ti apagkapullo ti irikyo, ti arakyo ken ti lana ti oliboyo. Saan a sadiay ti pangananyo iti umuna nga anak ti baka ken karneroyo wenno dagiti sagut nga ikariyo kenkuana wenno dagiti sagut a nagtaud iti nakemyo wenno dagiti dadduma a sagut.

Deuteronomio 12:26

Idatagyo iti lugar a pagdaydayawan dagiti datonyo ken dagiti inkariyo nga isagut iti Apo.

Deuteronomio 12:6

Sadiayto ti pangidataganyo kadagiti datonyo a mapuoran ken dagiti dadduma a datonyo, dagiti apagkapullo, dagiti sagut nga ikariyo iti Apo, dagiti agtaud iti bukodyo a nakem ken dagiti umuna nga anak dagiti baka ken karneroyo.