Levitico 7:13 - Ti Baro a Naimbag a Damag Biblia

¹³ Malaksid kadagitoy, mangidaton pay kadagiti nalebaduraan a tinapay.

Ti Biblia (1973)

¹³ Agraman dagiti bibingca ti tinapay a nalevaduraan, idatagnanto ti datonna a buyugen ti sacrificio dagiti datdatonna a maipaay iti capia a pagyaman.

Levitico 7:13 Iomraidhean Croise

Jeremias 33:11

ti ragsak ken rag-o, ken dagiti naragsak a parambak ti kasar. Mangngegyonto ti kanta dagiti tattao a mangyeg iti Templok kadagiti datonda a pagyaman. Kunadanto, ‘Agyamankayo iti Apo a Mannakabalin-amin, agsipud ta isu naimbag, ket agnanayon ti ayatna.’ Parang-ayekto daytoy a daga. Isublikto ti sigud a kasasaadna. Siak, ni Yahweh, ti nagsao iti daytoy.”

Levitico 2:12

Masapul a maidaton iti Apo ti umuna a trigo a maapityo iti tunggal tawen, ngem diyo puoran iti altar.

Levitico 23:17

Mangyeg ti tunggal familia iti dua a tinapay nga idatonda iti Apo a kas naisangsangayan a sagut. Maaramid ti tunggal tinapay iti dua a kilo ti arina nga adda lebadurana ket maidatag iti Apo a kas daton a nagtaud iti umuna nga apit a trigo.

Levitico 23:18

Malaksid iti tinapay, mangidatag pay ti entero a gimong iti pito nga urbon ti karnero nga agtawen iti maysa, maysa a toro a baka ken dua a kalding nga awan ti depektona. Maidatagda a daton a mapuoran iti Apo, agraman ti daton a makan ken ti daton a mainum. Nabanglo daytoy a daton iti Apo.

Amos 4:5

Idatagyo ti tinapayyo a kas daton a pagyaman ket ipalangguadyo dagiti daton a nagtaud iti nakemyo. Daytoy ti pagay-ayatyo nga aramiden.

San Mateo 13:33

Adda pay sabali a pangngarig nga insarita ni Jesus kadakuada. Kinunana, “Mayarig ti Pagarian ti Langit iti sumaganad: Mangala ti maysa a babai iti lebadura sana igamay iti uppat a pulo a litro nga arina. Gapu iti lebadura, bumsog ti entero a masa.”

1 Timoteo 4:4

Nasayaat amin a pinarsua ti Dios. Awan ti dakes no la ket no maawat a buyogan ti panagyaman,