Levitico 7:12 - Ti Baro a Naimbag a Damag Biblia

¹² No idatag daytoy ti tao a kas daton a pagyaman iti Dios, pakuyoganna ti mapuoran nga animal iti tinapay nga awan lebadurana; napuskol a tinapay a nagamay iti lana ti olibo wenno naingpis a kankanen a napulagidan iti lana ti olibo wenno kankanen a naaramid iti nagamay nga arina a nalaokan iti lana ti olibo.

Ti Biblia (1973)

¹² No isu yawatnanto a pagyaman, idatonnanto ngarud ti namayecmec a bel-laay a buyugen ti sacrificio a pagyaman dagiti saan a nalevaduraan a bibingca a nalaocan iti lana, ken di-nalevaduraan a cancanen a nasapsapoan iti lana, ken tortorta a nalaocan iti lana.

Levitico 7:12 Iomraidhean Croise

2 Cronicas 29:31

Imbaga ni Hezekias kadagiti tattao, “Ita ta nadaluskayon iti imatang ti linteg, mangidatagkayo kadagiti animal a datonyo a pagyaman iti Apo.” Nagtungpalda ket adda pay dagiti nagboluntario a nagited kadagiti animal a maidatag a kas daton a mapuoran.

2 Cronicas 33:16

Tinarimaanna met ti altar a pagdaydayawan ken ni Yahweh ket nagidatag kadagiti daton a pakikappia ken pagyaman sadiay. Binilinna dagiti amin a tattao ti Juda nga agdaydayawda ken ni Yahweh a Dios ti Israel.

Nehemias 12:43

Iti dayta nga aldaw, adu ti naidatag a daton, ket kasta unay ti rag-o dagiti tattao gapu iti kinaimbag nga impaay ti Dios kadakuada. Nakipagrambak met dagiti babbai ken ubbing, ket uray la mangngeg iti adayo a lugar ti ariwawada.

Dagiti Salmo 107:8

Rumbeng ngarud nga agyamanda iti Apo gapu iti di agbalbaliw nga ayatna, gapu kadagiti nakaskasdaaw nga impaayna kadakuada.

Dagiti Salmo 116:17

Iruknoykonto kenka ti daton a pagyaman, ket idatagkonto kenka ti kararagko.

Dagiti Salmo 50:23

Ti mangipaay iti sakrifisio mangted iti pannakapadayawko ket awan duadua a ti agtulnog kaniak isalakanko.”

Jeremias 33:11

ti ragsak ken rag-o, ken dagiti naragsak a parambak ti kasar. Mangngegyonto ti kanta dagiti tattao a mangyeg iti Templok kadagiti datonda a pagyaman. Kunadanto, ‘Agyamankayo iti Apo a Mannakabalin-amin, agsipud ta isu naimbag, ket agnanayon ti ayatna.’ Parang-ayekto daytoy a daga. Isublikto ti sigud a kasasaadna. Siak, ni Yahweh, ti nagsao iti daytoy.”

Oseas 14:2

Agsublikayo iti Apo ket yebkasyo daytoy a kararag a kas datonyo kenkuana: “Pakawanem koma dagiti basbasolmi ken ipangagmo koma ti kararagmi ket idaydayawdaka kas inkarimi.

Levitico 2:4

No tinapay a naluto iti urno ti maidaton, masapul nga awan lebadurana ti maidatag. Mabalin a napuskol a tinapay a nalaokan iti lana ti olibo wenno naiingpis a kankanen a napulagidan iti lana ti olibo.

Levitico 2:5

No tinapay a naluto iti pariok ti maidaton, masapul a maaramid iti arina a nalaokan iti lana ti olibo, ngem awan ti lebadurana.

Levitico 22:29

No mangidatagkay iti daton a pagyaman iti Apo, surotenyo dagiti alagaden tapno awatennakayo ti Apo.

Levitico 6:16

Kanen ti padi ti amin a natda. Maaramid a tinapay nga awan lebadurana ket makan iti nasantoan a lugar, iti paraangan ti Tolda ti Dios. Inted ti Apo daytoy kadakuada, kas bingayda kadagiti daton a makan. Sagrado unay daytoy a daton a kas iti daton gapu iti basol ken kadagiti daton a pagsupapak iti biddut.

Levitico 7:15

Masapul a sidaen ti karne ti animal iti aldaw a pannakaidatonna; awan a pulos ti maipabigat.

Amos 4:5

Idatagyo ti tinapayyo a kas daton a pagyaman ket ipalangguadyo dagiti daton a nagtaud iti nakemyo. Daytoy ti pagay-ayatyo nga aramiden.

Numero 6:15

Malaksid dagitoy, mangidaton pay iti sangabasket a tinapay nga awan lebadurana ken naaramid iti arina a nalaokan iti lana ti olibo, ken naiingpis a kankanen a napulagidan iti lana ti olibo. Mangitugot met kadagiti daton a makan ken arak.

San Lucas 17:16

Nagparintumeng iti sangoanan ni Jesus ket nagyaman kenkuana. Samaritano daytoy a lalaki.

San Lucas 17:18

Apay a daytoy laeng ganggannaet ti nagsubli nga agyaman iti Dios?”

Taga-Roma 1:21

Ammoda ti Dios, ngem dida agdayaw wenno agyaman kenkuana kas maiparbeng. Nagbalin ketdi nga ubbaw ti panagpampanunotda ket sipnget ti linaon dagiti isipda.

Taga-Efeso 5:20

Kanayon nga agyamankayo iti Dios Ama gapu kadagiti amin a banag, iti nagan ni Apotayo a Jesu-Cristo.

Hebreo 13:15

Ngarud, masapul a kanayon nga agdaydayawtayo iti Dios a kas datontayo kenkuana babaen ken ni Jesus—ti daton nga agtaud iti bibig no ipakaammotayo ti dayag ti naganna.

1 Pedro 2:5

Umasidegkayo a kas sibibiag a batbato a maaramat iti pannakabangon ti naespirituan a templo. Agserbikayo a kas nasantoan a papadi a mangipaay iti daton a naespirituan ken makaay-ayo iti Dios babaen ken Jesu-Cristo.