Levitico 7:1 - Ti Baro a Naimbag a Damag Biblia

¹ Dagitoy dagiti alagaden iti pannakaidatag dagiti daton a pagsupapak kadagiti biddut. Nasantoan unay daytoy a daton.

Ti Biblia (1973)

¹ Ket daytoy ti alagaden ti panagdaton gapu iti salungasing: isu ti nasantoan unay.

Levitico 7:1 Iomraidhean Croise

2 Cronicas 31:14

Ni Kore nga anak ni Imna ti mangimaton iti pannakaawat kadagiti sagut a maidaton ken ni Yahweh ken ti pannakaibunongda. Maysa a Levita ni Kore. Isu ti pangulo dagiti guardia iti Akindaya a Ruangan ti Templo.

Ezekiel 40:39

Adda uppat a lamisaan iti dakkel a kuarto, dua iti agsumbangir. Kadagitoy a lamisaan ti pakapartian dagiti animal a maidatag a daton a pakapakawanan ti basol wenno daton gapu iti basol wenno pagsupapak iti basol.

Ezekiel 44:29

Dagiti daton a makan, dagiti daton a pakapakawanan ti basol ken dagiti daton gapu iti basol ti agpaay a taraon dagiti papadi. Awatenda amin nga ilasin dagiti Israelita a para kaniak.

Ezekiel 46:20

ket kinunana, “Daytoy ti lugar a pagangeran dagiti papadi iti karne a daton a pakapakawanan ti basol wenno iti daton gapu iti basol ken ti pakalutoan ti daton a makan. Maaramid daytoy tapno awan ti nasantoan a mairuar iti akinruar a paraangan a pakaigapuan ti pannakaakar dagiti tattao.”

Levitico 21:22

Mabalin ti kasta a tao ti mangan iti taraon a naidaton kaniak, ti nasantoan a daton a mapuoran ken ti kasasantoan a daton,

Levitico 5:11

No saan a kabaelan ti maysa a tao ti mangidaton iti dua a kalapati wenno dua a sibong ti kalapati, mangidatag iti sangakilo nga arina a kas daton gapu iti basolna. Dina ikkan iti lana ti olibo wenno insenso, agsipud ta daytoy ti daton gapu iti basol.

Levitico 5:14

Inted ni Yahweh dagitoy nga alagaden ken ni Moises.

Levitico 5:15

No adda agbasol a dina ammo gapu iti dina pannangted kadagiti pagbayad a nasagradoan iti Apo, mangidatag iti kalakian a karnero wenno kalding nga awan depektona, a datonna a pagsupapak iti Apo. Magatadan ti animal segun ti naituyang a pagtimbangan.

Levitico 5:7

No saan a kabaelan ti maysa a tao ti mangidaton iti karnero wenno kalding, mangidaton iti dua a kalapati wenno dua a sibong ti kalapati a kas multana—maysa ti daton gapu iti basol, ket ti maysa daton a mapuoran.

Levitico 5:8

Idaton nga umuna ti padi ti daton gapu iti basol. Rungdoenna ti tengnged ti tumatayab ngem dina isinsina ti ulona.

Levitico 6:25

nga itedna ken ni Aaron ken kadagiti annakna dagiti sumaganad nga alagaden iti panagidatag kadagiti daton gapu iti basol. Masapul a maparti ti animal a maidaton gapu iti basol iti akin-amianan a paset ti altar, iti pagpartian kadagiti daton a mapuoran. Nasantoan unay daytoy a daton.

Numero 6:12

iti Apo, kasta met ti tiempona a kas Nazireo. Saan a maibilang daydi tiempona a pannakaidatonna ta natulawan ti buokna. Kas daton a pagsupapak, mangidatag iti karnero a maysa ti tawenna.