Levitico 6:7 - Ti Baro a Naimbag a Damag Biblia

⁷ Idatag ti padi ti daton ket mapakawan dayta a tao iti aniaman a nagbasolanna.

Ti Biblia (1973)

⁷ Ket ti padi aramidennanto a pacaabbonganna iti sango ni Jehova; ket mapacawanto iti uray ania nga inaramidna nga nacabasolanna.

Levitico 6:7 Iomraidhean Croise

Exodo 34:7

Tungpalek ti karik iti rinibribu a kaputotan, ket pakawanek ti kinadakes, panagsalungasing ken basol. Ngem dusaek a dusaen dagiti annak ken appoko agingga iti maikatlo ken maikapat a kaputotan gapu kadagiti basol dagiti ammada.”

Isaias 1:18

Kuna ni Yahweh, “Ita, umaykayo ta aglilinnawagtayo. Nalabaga ti mansayo gapu iti basol, ngem dalusankayo agingga nga agbalinkayo a napudaw a kas iti kapas. Uray no nakalablabbaga ti mansayo, pumudawkayto a kas iti puraw a de lana.

Ezekiel 33:19

No isardeng ti managbasol ti agaramid iti dakes ket aramidenna ti nasayaat ken rumbeng, inispalna ti biagna.

Levitico 2:1

No adda mangidatag iti daton a makan iti Apo, umuna pay nga aramidenna nga arina a nafino. Ikkanna daytoy iti lana ti olibo ken insenso

Levitico 4:20

Aramidennanto iti daytoy a baka ti kas iti inaramidna iti baka a naidatag gapu iti basol, ket kalpasan ti panangannongna iti seremonia a pangikkat iti basol, napakawanen dagiti tattao.

Levitico 4:26

Kalpasanna, puoranna amin a taba ti animal iti altar, kas iti inaramidna iti taba dagiti animal a naidaton a pakikappia. Kastoy ti pannakaidatag ti daton gapu iti basol tapno mapakawan ti agturay.

Levitico 4:31

Kalpasanna, ikkatenna ti amin a taba ti animal kas iti inaramidna iti taba dagiti animal a naidaton a pakikappia. Puoranna dagitoy iti altar kas nabanglo a daton iti Apo. Kastoy ti pannakaidatag iti daton gapu iti basol tapno mapakawan dayta a tao.

Levitico 5:10

Kalpasanna, idatagna ti maikadua a tumatayab a kas daton a mapuoran kas mayannurot kadagiti alagaden. Kastoy ti pannakaidatag ti daton gapu ti basol tapno mapakawan dayta a tao.

Levitico 5:13

Kastoy ti pannakaidatag iti daton gapu iti basol tapno mapakawan dayta a tao. Kas ti daton a makan, kukua ti padi ti natda nga arina.

Levitico 5:18

Masapul a mangidaton iti kalakian a karnero wenno kalakian a kalding nga awan depektona. Magatadan ti animal segun ti naituyang a pagtimbangan. Ti padi ti mangidatag iti daton tapno mapakawan ti nagbasol.

Levitico 6:8

Binilin ni Yahweh ni Moises

Levitico 7:2

Masapul a maparti ti animal iti pagpartian kadagiti daton a mapuoran, ket maibuyat ti darana kadagiti uppat a sikigan ti altar.

Mikias 7:18

Awan ti dios a kas kenka, O Apo. Pakawanem dagiti basol dagiti tattao a nakalasat. Dika koma agpungtot iti agnanayon, no di ket ipakitam kadakami ti di agbalbaliw nga ayatmo.

San Mateo 12:31

Daytoy ti gapuna nga ibagak kadakayo: mapakawan ti siasinoman a makabasol wenno agsao iti kinadakes, ngem dinto mapakawan ti agsao iti maibusor iti Espiritu Santo.

1 Juan 1:7

Ngem no agbiagtayo iti lawag, a kas iti kaaddana iti lawag, agkakaduatayo ngarud, ket ti dara ni Jesus nga Anakna ugasannatayo iti amin a basol.

1 Juan 1:9

Ngem no ipudnotayo dagiti basbasoltayo, tungpalenna ti karina ket aramidenna ti maitutop. Pakawanenna dagiti basoltayo ket ugasannatayo iti amin a kinadakestayo.