Levitico 6:2 - Ti Baro a Naimbag a Damag Biblia

² Agbasol iti Apo ti siasinoman a di mangisubli iti naipadulin kenkuana wenno mangsaur iti padana a tao wenno agtakaw,

Ti Biblia (1973)

² No ti maysa a tao macabasol, ket mailaw-an a sumalungasing ken Jehova, ket ulbodenna ti padana a tao iti naitalec, wenno iti nagtulaganda, wenno iti tacaw, wenno pinarigatna ti padana a tao,

Levitico 6:2 Iomraidhean Croise

Genesis 26:7

No damagen idi dagiti lallaki a taga-sadiay ti maipapan iti asawana, ibagana a kabsatna ni Rebecca. Mabuteng ngamin a mangibaga nga asawana amangan no patayenda ket alaenda ni Rebecca a nakapimpintas a babai.

Dagiti Salmo 51:4

Nagbasolak kenka, wen, sika laeng ti nagbasolak, nagaramidak iti dakes iti imatangmo. Iti kasta, nalinteg ti panangukommo kaniak, ket nainkalintegan ti pannakadusak.

Dagiti Proverbio 24:28

Dika agsaksi iti maibusor iti kaarrubam no awan ti gapuna wenno agsao iti maibusor kenkuana.

Isaias 21:2

Adda nakitak a parmata dagiti nakaam-ames a pasamak, maysa a parmata maipapan iti panangliput ken pannakadadael. Dakay a soldado ti Elam, rumautkayo! Dakayo a soldado ti Media, lakubenyo dagiti siudad! Gibusan ti Dios ti panagsagaba nga inyeg ti Babilonia.

Isaias 24:16

Manipud iti kaadayoan a paset ti lubong, mangngegtayto dagiti kanta a pangidaydayaw iti Israel, ti nalinteg a nasion. Ngem awan ti pangnamnamaak! Kaslaak la marunrunot a kandela! Ngamin, dumegdeg a dumegdeg ti panangliput dagiti traidor!

Isaias 33:1

Asi pay dagiti kabusortayo! Nagagaw ken nangliputda idinto ta awan ti nangag-agaw iti sanikuada ken nangliput kadakuada. Ngem agpatingganto ti panagagaw ken panagliputda, ket mismo nga isudanto dagiti biktima ti panagtakaw ken panagliput.

Jeremias 9:5

Allilawenda dagiti gagayyemda, ket awan ti agsao iti pudno. Nasursuroandan dagiti dilada nga agulbod, nagbasolda ket dida kayat ti agbabawi. Di agpatingga ti nadawel nga aramidda, kasta met dagiti kinasikapda. Kuna ti Apo, “Didak awaten dagiti tattaok.”

Ezekiel 40:46

ket ti kuarto a sumango iti amianan agpaay kadagiti papadi nga agserbi iti altar. Nagtaudda amin iti kaputotan ni Zadok; isuda laeng ti makastrek iti sangoanan ti Apo tapno agserbida kenkuana.

Levitico 1:3

No maysa kadagiti bakana ti idatagna a kas sakrifisio, mangted iti toro nga awan pakapilawanna ket ipanna iti ruangan ti Tolda ti Dios tapno awaten ni Yahweh.

Levitico 19:11

“Dikay agtakaw wenno agsuitik wenno agulbod.

Levitico 5:15

No adda agbasol a dina ammo gapu iti dina pannangted kadagiti pagbayad a nasagradoan iti Apo, mangidatag iti kalakian a karnero wenno kalding nga awan depektona, a datonna a pagsupapak iti Apo. Magatadan ti animal segun ti naituyang a pagtimbangan.

Levitico 5:19

Daytoy ti daton nga agpaay iti basol gapu ta nagbasol dayta a tao iti Apo.

Levitico 6:1

Inted ni Yahweh dagiti sumaganad nga alagaden ken ni Moises.

Amos 8:5

Kunayo iti bagiyo, “Kaano nga agtapos ti luttuad tapno mailakomi dagiti bukbukel? Kaanonto ti panaggibus ti Aldaw a Panaginana tapno mailakomi dagiti trigomi? Nanginanto ti panagilakomi. Usarenminto dagiti saan a husto a pagsukatan, ket padagsenanminto dagiti timbangan tapno masaur dagiti aggatgatang.

Habakuk 1:13

Ngem kasano a maibturam dagitoy mangliliput ken managdakdakes a tattao? Nasantoan unay dagiti matam ket dida maibturan a kitaen ti dakes. Dimo kayat a kitaen dagiti tattao nga agaramid iti dakes. Apay ngarud nga agulimekka idinto ta dadaelenda dagiti tattao a nalinlinteg ngem isuda?

San Juan 8:44

Annaknakayo ti Diablo nga amayo, ket kayatyo a tungpalen ti pagayatanna. Mammapatayen manipud idi damo ket pulos a dina kanunongan ti pudno, ta awan kenkuana ti pudno. No agulbod, ar-aramidenna laeng ti natural kenkuana ta sigud nga ulbod ken ama ti amin a kinaulbod.

Dagiti Aramid 5:4

Sakbay nga inlakom ti daga, saan aya a sika ti akinkukua? Ket idi inlakom, saan aya a sika ti akinkukua iti naglakoan? Apay ngarud a napanunotmo nga aramiden ti kasta? Saan a tao ti inulbodmo, no di ket ti Dios!”

Taga-Efeso 4:25

Dikayo ngarud agul-ulboden! Ti pudno laeng ti ibaga ti tunggal maysa iti kabsatna iti pammati, ta kamkamengtayo amin iti bagi ni Cristo.

Taga-Colosas 3:9

Dikay agiinnulbod, ta inuksobyon ti daan a kinatao agraman dagiti ugalina,

Paltiing 22:15

Ngem mabati iti ruar ti siudad dagiti narukop a tattao, dagiti managsalamangka, dagiti mannakikamalala, dagiti mammapatay, dagiti agdaydayaw kadagiti didiosen ken dagiti managayat ken agaramid iti kinaulbod.