Levitico 5:6 - Ti Baro a Naimbag a Damag Biblia

⁶ ket kas multana mangidaton iti Apo iti kabaian a karnero wenno kalding. Ti padi ti mangidatag iti daton gapu iti basol dayta a tao.

Ti Biblia (1973)

⁶ Ket yegnanto a datonna gapu iti salungasing ken Jehova nga agservi iti basol a nacabasolanna, ti maysa a cabayan iti pangen, maysa a cordero wenno maysa a calding, a daton gapu iti basol; ket ti padi aramidennanto a paccaabbonganna a maipanggep iti basolna.

Levitico 5:6 Iomraidhean Croise

Ezekiel 40:39

Adda uppat a lamisaan iti dakkel a kuarto, dua iti agsumbangir. Kadagitoy a lamisaan ti pakapartian dagiti animal a maidatag a daton a pakapakawanan ti basol wenno daton gapu iti basol wenno pagsupapak iti basol.

Ezekiel 42:13

Kinuna ti lalaki kaniak, “Nasantoan dagitoy dua a patakder a panganan dagiti papadi kadagiti kasantoan a daton no dumatagda iti sangoanan ti Apo. Gapu ta nasantoan dagiti kuarto, ikabil dagiti papadi dagiti kasantoan a sagut sadiay: dagiti daton a makan, daton a pakapakawanan ti basol wenno daton gapu iti basol.

Ezekiel 44:27

sa sumrek iti akin-uneg a paraangan ti Templo ket mangidatag iti daton nga agpaay iti pannakadalusna tapno makapagserbi manen iti Templo.” Daytoy ti sao ti Apo a Dios.

Levitico 4:20

Aramidennanto iti daytoy a baka ti kas iti inaramidna iti baka a naidatag gapu iti basol, ket kalpasan ti panangannongna iti seremonia a pangikkat iti basol, napakawanen dagiti tattao.

Levitico 4:28

apaman a maibaga kenkuana ti basolna, masapul a mangidatag iti kabaian a kalding nga awan depektona.

Levitico 4:31

Kalpasanna, ikkatenna ti amin a taba ti animal kas iti inaramidna iti taba dagiti animal a naidaton a pakikappia. Puoranna dagitoy iti altar kas nabanglo a daton iti Apo. Kastoy ti pannakaidatag iti daton gapu iti basol tapno mapakawan dayta a tao.

Levitico 4:32

No karnero ti idatag ti maysa a tao a kas daton gapu iti basol, masapul a kabaian nga awan ti depektona.

Levitico 4:35

Kalpasanna, ikkatenna ti amin a taba ti animal kas iti panangikkatna iti taba dagiti animal a naidaton a pakikappia. Puoranna dagitoy iti altar a maigiddan iti daton a mapuoran a naidatag iti Apo. Kastoy ti pannakaidatag iti daton gapu iti basol tapno mapakawan dayta a tao.

Levitico 6:6

Ipanna iti padi ti kalakian a karnero wenno kalding nga awan depektona a kas datonna iti Apo a pagsupapak iti basolna. Magatadan ti datonna segun ti naituyang a pagtimbangan.

Numero 6:12

iti Apo, kasta met ti tiempona a kas Nazireo. Saan a maibilang daydi tiempona a pannakaidatonna ta natulawan ti buokna. Kas daton a pagsupapak, mangidatag iti karnero a maysa ti tawenna.