Levitico 5:15 - Ti Baro a Naimbag a Damag Biblia

¹⁵ No adda agbasol a dina ammo gapu iti dina pannangted kadagiti pagbayad a nasagradoan iti Apo, mangidatag iti kalakian a karnero wenno kalding nga awan depektona, a datonna a pagsupapak iti Apo. Magatadan ti animal segun ti naituyang a pagtimbangan.

Ti Biblia (1973)

¹⁵ No uray siasinoman mailaw-an a macasalungasing, ket macabasol a dina gagaraen cadagiti nasantoan a ramitramit ni Jehova; yegnanto ngarud ti idatonna gapu iti salungasing ken Jehova, ti maysa a lalaki a carnero nga awan pilawna, a mayannatup iti pamatgam iti pirac a siclo, a cas ti siclo ti santuario, nga agservi a daton gapu iti salungasing:

Levitico 5:15 Iomraidhean Croise

2 Ar-ari 12:16

Kukua dagiti papadi dagiti kuarta a maited iti pannakaidatag dagiti daton a pangikkat iti salungasing ken daton a pangikkat iti basol. Saanda a naidulin iti lakasa.

ESDRAS 10:19

Inkarida nga isinada dagiti assawada, ket nangidatonda iti kalakian a karnero a pakapakawanan dagiti basbasolda.

Exodo 30:13

Amin a mairaman iti sensus ket masapul a bayadanna ti naituding a gatad, kas mayannurot iti naituyang a pagtimbangan. Agbayad ti tunggal maysa nga agpaay a daton ken ni Yahweh.

Ezekiel 40:39

Adda uppat a lamisaan iti dakkel a kuarto, dua iti agsumbangir. Kadagitoy a lamisaan ti pakapartian dagiti animal a maidatag a daton a pakapakawanan ti basol wenno daton gapu iti basol wenno pagsupapak iti basol.

Levitico 1:10

No karnero wenno kalding ti maidaton, masapul a kalakian ken awan depektona ti idatagna.

Levitico 1:3

No maysa kadagiti bakana ti idatagna a kas sakrifisio, mangted iti toro nga awan pakapilawanna ket ipanna iti ruangan ti Tolda ti Dios tapno awaten ni Yahweh.

Levitico 14:12

Kalpasanna, alaento ti padi ti maysa kadagiti kalakian a karnero agraman ti kakatlo ti litro a lana ket idatagna a kas daton a pagsupapak. Idatagnanto dagitoy a kas naisangsangayan a sagut iti Apo.

Levitico 27:3

segun ti naituyang a pagtimbangan: –nataengan a lalaki, agtawen iti duapulo agingga iti innem a pulo: limapulo a bagi ti pirak –nataengan a babai: tallopulo a bagi ti pirak –agtutubo a lalaki, agtawen iti lima agingga iti duapulo: duapulo a bagi ti pirak –agtutubo a babai: sangapulo a bagi ti pirak –maladaga a lalaki, lima a tawen nga agpababa: lima a bagi ti pirak –maladaga a babai: tallo a bagi ti pirak –lakay nga agtawen iti nasursurok ngem innem a pulo: sangapulo ket lima a bagi ti pirak –baket nga agtawen iti nasurok nga innem a pulo: sangapulo a bagi ti pirak

Levitico 4:2

nga ibagana daytoy kadagiti Israelita. No adda agbasol ket salungasingenna ti uray ania kadagiti linteg ti Apo a dina inggagara, masapul a tungpalenna dagiti sumaganad nga annuroten.

Levitico 5:14

Inted ni Yahweh dagitoy nga alagaden ken ni Moises.

Levitico 5:16

Masapul a bayadanna ti saanna a naited ket nayonanna pay iti apagkalima. Itedna iti padi a mangidatag iti animal a daton gapu iti basol tapno mapakawan dayta a tao.

Levitico 5:18

Masapul a mangidaton iti kalakian a karnero wenno kalakian a kalding nga awan depektona. Magatadan ti animal segun ti naituyang a pagtimbangan. Ti padi ti mangidatag iti daton tapno mapakawan ti nagbasol.

Levitico 6:6

Ipanna iti padi ti kalakian a karnero wenno kalding nga awan depektona a kas datonna iti Apo a pagsupapak iti basolna. Magatadan ti datonna segun ti naituyang a pagtimbangan.

Levitico 7:1

Dagitoy dagiti alagaden iti pannakaidatag dagiti daton a pagsupapak kadagiti biddut. Nasantoan unay daytoy a daton.

Levitico 7:6

Mabalin a kanen daytoy ti siasinoman a lalaki iti familia dagiti papadi, ngem gapu ta nasantoan unay daytoy a daton, masapul a kanenda iti nasantoan a lugar.

Numero 15:24

ken no naaramid ti biddut gapu ta saan nga ammo ti gimong, masapul a mangidatag dagiti tattao iti toro a baka a kas daton a mapuoran, daton a nabanglo iti Apo, agraman dagiti tumutop a daton a makan ken daton nga arak. Malaksid kadagitoy, mangidatagda pay iti kalakian a kalding a daton gapu iti basol.

Numero 5:5

Inted ni Yahweh ken ni Moises

Numero 5:8

Ngem no natay ti tao ket awan ti asideg a kabagianna, maidatag ti pagbayad iti Apo tapno agpaay iti padi, agraman kalakian a karnero a mausar iti seremonia ti pannakadalus gapu iti basolna.

Deuteronomio 12:26

Idatagyo iti lugar a pagdaydayawan dagiti datonyo ken dagiti inkariyo nga isagut iti Apo.

1 Samuel 6:3

Insungbatda, “No isubliyo ti Lakasa ti Tulag ti Dios ti Israel, masapul a pakuyoganyo iti daton a pakapakawanan ti basolyo. Diyo isubsubli ti Lakasa ti Tulag no diyo pakuyogan iti daton. Wen, masapul a pakuyoganyo iti daton tapno umimbagkayo, ket maammoanyonto no apay a dusdusaennakayo pay laeng ti Apo.”