Levitico 4:4 - Ti Baro a Naimbag a Damag Biblia

⁴ Ipanna ti baka iti ruangan ti Tolda, ipatayna ti imana iti ulo ti animal, ket patayenna sadiay iti imatang ti Apo.

Ti Biblia (1973)

⁴ Ket mangyegto iti vaca a bumaro iti ruangan ti tolda ti gimong iti sango ni Jehova; ket ipataynanto ti imana iti rabaw ti olo ti vaca, ket patayennanto ti vaca iti sango ni Jehova.

Levitico 4:4 Iomraidhean Croise

2 Cronicas 29:23

Kamaudianna, impanda dagiti kalding iti sangoanan ti ari ken dagiti dadduma nga agdaydayaw ket impatayda ti imada kadagiti animal.

Isaias 53:6

Mayarigtay amin iti karnero a napukaw, nagturong ti tunggal maysa iti kinaykayatna. Ngem impabaklay ti Apo kenkuana ti dusa a maipatay koma kadatayo.

Daniel 9:26

Inton aggibus dayta a tiempo, mapapatayto nga awan gapgapuna ti pinili ti Dios. Madadaelto ti siudad ken ti Templo. Dadaelento ti rumaut nga armada ti maysa a nabileg a pangulo. Kaslanto layus a dumteng ti panungpalan. Yegnanto ti gubat ken pannakadadael nga insagana ti Dios.

Levitico 16:21

Ipatayna ti dua nga imana iti ulo ti animal ket ipakaammona dagiti amin a kinadakes, basol ken kinasukir dagiti Israelita tapno mayakarda iti ulo ti kalding. Kalpasanna, itedna ti kalding iti a natudingan a mangibulos iti let-ang.

Levitico 4:15

Ipatay dagiti pangulo ti sangkagimongan dagiti imada iti ulo ti animal, ket sadiay ti pakapatayanna.

Levitico 4:29

Ipatayna ti imana iti ulo ti animal sana patayen iti akin-amianan a paset ti altar, iti pagpatayan kadagiti animal a maidatag a daton a mapuoran.

Levitico 8:14

Innala ni Moises ti bumaro a baka a maidaton gapu iti basol. Impatay ni Aaron ken dagiti annakna ti imada iti ulo ti animal.

Numero 8:12

Ipatay dagiti Levita ti imada iti ulo dagiti dua a baka; maysa ti maidatag a daton gapu iti basol ket ti maikadua kas daton a mapuoran kas annongen ti seremonia ti pannakadalus dagiti Levita.

1 Pedro 3:18

Naminsan a natay ni Cristo a maipaay iti amin tapno mapakawan dagiti basbasoltayo. Natay ti nalinteg a tao gapu kadagiti nakillo tapno yasidegnakayo iti Dios. Napapatay iti bagi ngem napagungar iti espiritu,