Levitico 4:32 - Ti Baro a Naimbag a Damag Biblia

³² No karnero ti idatag ti maysa a tao a kas daton gapu iti basol, masapul a kabaian nga awan ti depektona.

Ti Biblia (1973)

³² Ket no mangyeg iti maysa a cordero a daton nga ipaayna gapu iti basol, maysa a cabayan nga awan pacapilawanna ti yegnanto.

Levitico 4:32 Iomraidhean Croise

Exodo 12:3

Ipakaammoyo iti amin nga umili iti Israel nga iti maika-10 nga aldaw iti daytoy a bulan, masapul a pumili ti ama ti familia iti urbon a karnero wenno urbon a kalding nga agserbi iti familiana.

Exodo 12:5

Masapul a kalakian ti urbon, maysa ti tawenna, ken awan dadael wenno pakapilawanna. No awan ti karnero, mabalin ti kalding.

Isaias 53:7

Naparparigat ngem inibturanna a sipapakumbaba; pulos a saan a nagsao, awan imbalikasna. Kasla urbon ti karnero a maipan iti pagpartian, kas iti karnero a mapukisan, pulos a saan a nagsao, awan insawangna.

Levitico 1:3

No maysa kadagiti bakana ti idatagna a kas sakrifisio, mangted iti toro nga awan pakapilawanna ket ipanna iti ruangan ti Tolda ti Dios tapno awaten ni Yahweh.

Levitico 4:28

apaman a maibaga kenkuana ti basolna, masapul a mangidatag iti kabaian a kalding nga awan depektona.

Levitico 5:6

ket kas multana mangidaton iti Apo iti kabaian a karnero wenno kalding. Ti padi ti mangidatag iti daton gapu iti basol dayta a tao.

San Lucas 1:35

“Umayto kenka ti Espiritu Santo,” insungbat ti anghel. “Salinongannakanto ti pannakabalin ti Dios. Daytoy ti gapuna a nasantoanto ti ubing, ket maawaganto iti Anak ti Dios.

San Juan 1:29

Iti sumuno nga aldaw, nakita ni Juan nga agturong ni Jesus iti yanna. “Daytoy ti Kordero ti Dios a mangikkat iti basol ti lubong!” kinuna ni Juan.

San Juan 1:36

Idi makitana a lumabas ni Jesus, kinunana, “Daytoy ti Kordero ti Dios!”

Taga-Efeso 5:27

tapno idatagna iti sangoananna met laeng: ti iglesia a kasla babai a nakapimpintas—nadalus, awan mansa wenno kuretret wenno aniaman a pakapilawanna.

Hebreo 7:26

Ngarud, ni Jesus ti Kangatoan a Padi a makaaramid iti amin a kasapulantayo. Nasantoan, awan tulaw wenno basolna, naisina kadagiti managbasol ket naipangato sadi langit.

Hebreo 9:14

Ngem ad-adda pay ti pannakabalin ti dara ni Cristo! Ta babaen iti agnanayon nga Espiritu, impaayna iti Dios ti bagina a kas daton nga awan pakapilawanna. Ti darana ti mangugas kadagiti konsensiatayo kadagiti awan serserbina a panagdaydayaw tapno aramidentayo ti pagayatan ti sibibiag a Dios.

1 Pedro 2:22

Saan a nagbasol. Awan ti insawangna a kinaulbod.

1 Pedro 2:24

Inawit ni Cristo dagiti basbasoltayo iti krus tapno mawayawayaantay iti pannakabalin ti basol ket agbiagtay a nalinteg. Ta babaen kadagiti sugatna, naagasankayo.

1 Pedro 3:18

Naminsan a natay ni Cristo a maipaay iti amin tapno mapakawan dagiti basbasoltayo. Natay ti nalinteg a tao gapu kadagiti nakillo tapno yasidegnakayo iti Dios. Napapatay iti bagi ngem napagungar iti espiritu,

Paltiing 5:6

Kalpasanna, nakitak ti maysa a Kordero nga agtaktakder iti tengnga ti trono a linikmut dagiti uppat a sibibiag a parsua ken dagiti panglakayen. Kasla napapatay ti Kordero. Pito ti sarana ken addaan iti pito a mata nga isu dagiti pito nga espiritu ti Dios nga imbaonna iti entero a lubong.