Levitico 4:3 - Ti Baro a Naimbag a Damag Biblia

³ No ti Kangatoan a Padi ti agbasol a pakairamanan met dagiti tattao, masapul a mangidatag iti bumaro a baka nga awan depektona ket idatonna iti Apo gapu iti basolna.

Ti Biblia (1973)

³ No ti napulotan a padi macabasolto isu a pacairamananto ti ili, mangidaton ngarud gapu iti basolna nga inaramidna, iti maysa a bumaro a vaca nga awan pacapilawanna ken Jehova, a maipaay a daton gapu iti basol.

Levitico 4:3 Iomraidhean Croise

2 Cronicas 29:21

Nangalada iti pito a toro a baka, pito a karnero, pito nga urbon ti karnero ken pito a kalding tapno maidaton dagitoy a pakapakawanan ti basol ti familia ti ari ken dagiti tattao ti Juda ken daton a pangdalus iti Templo. Imbaga ti ari kadagiti papadi a kaputotan ni Aaron nga idatagda dagiti animal a kas daton a mapuoran iti altar.

ESDRAS 8:35

Nagidatag dagiti amin a nagsubli a napagtalaw a kas balud kadagiti daton a mapuoran iti Dios ti Israel. Para iti amin nga Israel, 12 a toro a baka ti indatagda ken 96 a kalakian a karnero, 77 nga urbon ti karnero ken 12 a kalding ti naidaton para iti pannakadalusda iti basol. Napuoran amin dagitoy nga animal a kas daton iti Apo.

Exodo 29:14

Ngem puoram ti lasag, kudil ken dagiti lalaem ti baka iti ruar ti kampo. Daytoy ti daton a mangikkat kadagiti basol dagiti papadi.

Exodo 29:21

Mangalaka iti dara nga adda iti rabaw ti altar ken lana a pagkonsagrar ket iwarsim ken ni Aaron ken iti kawesna kasta met kadagiti annakna ken kadagiti kawesda. Kastoy ti pannakaikonsagrar ni Aaron, dagiti annakna ken dagiti kawesda.

Exodo 29:7

Alaem ti lana a pagkonsagrar ket patedtedam ti ulo ni Aaron tapno makonsagrar.

Exodo 30:10

Maminsan iti tunggal tawen nga aramiden ni Aaron ti seremonia ti pannakadalus ti altar: kadagiti sinan-sara ipulagidna ti dara ti animal a maidaton gapu iti basol. Masapul a maaramid daytoy iti tinawen iti amin a tiempo. Masapul a naan-anay a sagrado daytoy nga altar a naidaton kaniak, ni Yahweh.”

Ezekiel 40:39

Adda uppat a lamisaan iti dakkel a kuarto, dua iti agsumbangir. Kadagitoy a lamisaan ti pakapartian dagiti animal a maidatag a daton a pakapakawanan ti basol wenno daton gapu iti basol wenno pagsupapak iti basol.

Ezekiel 43:19

Dagiti laeng Levita a papadi a kaputotan ni Zadok ti umay dumatag nga agserbi kaniak. Siak, ti Apo a Dios, ti mangibilin iti daytoy. Ikkamto ida iti bumaro a baka nga idatagda a kas daton gapu iti basol.

Ezekiel 44:27

sa sumrek iti akin-uneg a paraangan ti Templo ket mangidatag iti daton nga agpaay iti pannakadalusna tapno makapagserbi manen iti Templo.” Daytoy ti sao ti Apo a Dios.

Levitico 1:10

No karnero wenno kalding ti maidaton, masapul a kalakian ken awan depektona ti idatagna.

Levitico 1:3

No maysa kadagiti bakana ti idatagna a kas sakrifisio, mangted iti toro nga awan pakapilawanna ket ipanna iti ruangan ti Tolda ti Dios tapno awaten ni Yahweh.

Levitico 16:11

Patayen ni Aaron ti toro a baka ket idatagna a daton gapu iti basolna ken iti familiana.

Levitico 16:3

Mabalinna ti sumrek iti Kasasantoan a Lugar kalpasan laeng iti panangidatagna iti bumaro a baka a daton gapu iti basol ken iti kalakian a karnero a daton a mapuoran.”

Levitico 16:5

Ikkan dagiti umili ti Israel ni Aaron iti dua a kalakian a kalding a maidaton gapu iti basol ken maysa a kalakian a karnero a daton a mapuoran.

Levitico 16:6

Mangidatag ni Aaron iti toro a baka a daton a pangikkat iti basolna ken iti basol ti familiana.

Levitico 4:14

apaman a maammoan ti basolda, masapul a mangyeg ti sangkagimongan iti bumaro a baka a kas daton gapu iti basol. Ipanda ti animal iti Tolda ti Dios.

Levitico 4:23

apaman a maibaga kenkuana ti basolna, mangidaton iti kalakian a kalding nga awan depektona.

Levitico 4:28

apaman a maibaga kenkuana ti basolna, masapul a mangidatag iti kabaian a kalding nga awan depektona.

Levitico 4:5

Mangala iti dara ti animal ket ipanna iti uneg ti Tolda.

Levitico 5:6

ket kas multana mangidaton iti Apo iti kabaian a karnero wenno kalding. Ti padi ti mangidatag iti daton gapu iti basol dayta a tao.

Levitico 6:18

Mabalin ti siasinoman kadagiti lallaki a kaputotan ni Aaron ti mangan iti daytoy a daton kas agnanayon a pannakabingayda iti makan a naidaton iti Apo. Madangran ti siasinoman a mangsagid iti daytoy a daton, ta adda bileg ti kinasagradona.

Levitico 8:12

Inordenanna ni Aaron babaen iti panangibukbokna iti lana iti ulona.

Levitico 9:2

Kinunana ken ni Aaron, “Mangidatonka iti bumaro a baka ken kalakian a karnero nga awan depektoda. Maidatag ti baka a daton gapu iti basol ken ti karnero a kas daton a mapuoran.

Levitico 9:3

Kalpasanna, ibagam kadagiti Israelita a mangalada iti kalakian a kalding a maidaton gapu iti basol, urbon ti baka a maysa ti tawenna, ken urbon ti karnero a maysa ti tawenna nga awan depektoda a maidatag a daton a mapuoran

Numero 16:22

Ngem nagruknoy da Moises ken Aaron ket kinunada, “O Dios, sika ti pagtaudan ti amin a biag. No agbasol ti maysa a tao, apay a kapungtotmo ti entero a gimong?”

Numero 8:8

Mangalada iti bumaro a baka ken ti naituding a daton a makan nga arina a nagamay iti lana ti olibo; mangalaka iti sabali a baka a maidaton gapu iti basol.

Taga-Roma 8:3

Inaramid ti Dios ti saan a kabaelan nga aramiden ti Linteg gapu iti kinarasi ti tao. Inukomna ti basol ti kinatao. Imbaonna ti mismo nga Anakna nga addaan iti naintaoan a kasasaad tapno pukawenna ti basol.

2 Taga-Corinto 5:21

Awan basol ni Cristo. Ngem gapu kadatayo, imbaklayna dagiti basoltayo tapno iti pannakikaysatayo kenkuana, mairanudtayo iti kinalinteg ti Dios.

Hebreo 5:3

Gapu ta nakapuy, masapul a mangipaay kadagiti datdaton, saan laeng a gapu kadagiti basbasol dagiti tattao, no di ket gapu met iti basolna.

Hebreo 9:12

Idi simrek ni Cristo iti Kasantoan a Disso—naminsan laeng ken para iti agnanayon—saan a dara dagiti kalding ken urbon a baka ti intugotna nga idaton, no di ket ti mismo a darana. Iti kasta, naitrabahona ti agnanayon a pannakaisalakantayo.