Levitico 4:26 - Ti Baro a Naimbag a Damag Biblia

²⁶ Kalpasanna, puoranna amin a taba ti animal iti altar, kas iti inaramidna iti taba dagiti animal a naidaton a pakikappia. Kastoy ti pannakaidatag ti daton gapu iti basol tapno mapakawan ti agturay.

Ti Biblia (1973)

²⁶ Ket dagup ti tabana puurannanto iti rabaw ti altar, cas ti taba ti sacrificio dagiti datdaton a maipaay iti cappia; ket ti padi aramidennanto a pacaabbonganna cas mayannatup iti basolna, ket mapacawanto.

Levitico 4:26 Iomraidhean Croise

2 Cronicas 29:24

Pinarti dagiti papadi dagiti kalding ket imbukbokda dagiti dara iti altar a kas daton a pangikkat kadagiti amin a basol dagiti tattao. Ngamin, imbilin ti ari a maidatag dagiti daton a mapuoran ken dagiti daton a pakapakawanan ti basol a maipaay iti entero nga Israel.

Ezekiel 43:22

Iti sumuno nga aldaw, mangalaka iti bulog a kalding nga awan pakapilawanna ket idatagmo a kas daton gapu iti basol. Annongem ti seremonia ti pannakadalus ti altar babaen iti dara dayta a kalding a kas iti inaramidmo iti dara ti baka.

Levitico 1:4

Ipatayna ti imana iti ulo ti animal ket maawatto a kas daton a mangikkat kadagiti basbasolna.

Levitico 12:8

No di kabaelan ti babai ti mangidaton iti urbon a karnero, mangala iti dua a kalapati wenno pagaw; maysa ti daton a mapuoran ket daton gapu iti basol ti maysa. Annongen ti padi ti seremonia a mangikkat iti kinarugit ti babai ket maibilangton a nadalus.

Levitico 14:18

Ikabilnanto ti nabati a lana nga adda iti dakulapna iti ulo ti tao a madalusan. Kastoy ti panangannong ti padi iti seremonia ti pannakadalus.

Levitico 15:15

Idatag ti padi ti maysa a tumatayab a daton gapu iti basol ket ti maysa a daton a mapuoran. Kastoy ti panangannongna iti seremonia ti pannakadalus ti kasta a tao.

Levitico 17:11

Adda iti dara ti biag ti tunggal parsua, isu nga imbilin ti Apo a maibuyat ti amin a dara iti altar tapno maikkat dagiti basol dagiti tattao. Ti dara nga isu ti biag ti mangikkat kadagiti basbasol.

Levitico 19:22

ket aramiden ti padi ti seremonia ti pannakadalus tapno maikkat ti basol ti lalaki ket pakawanen ti Dios.

Levitico 3:5

Amin dagitoy, puoran dagiti papadi iti rabaw ti altar agraman dagiti daton a mapuoran. Nabanglo ken makaay-ayo daytoy a daton iti Apo.

Levitico 4:19

Kalpasanna, alaenna ti amin a taba ti baka sana puoran iti rabaw ti altar.

Levitico 4:20

Aramidennanto iti daytoy a baka ti kas iti inaramidna iti baka a naidatag gapu iti basol, ket kalpasan ti panangannongna iti seremonia a pangikkat iti basol, napakawanen dagiti tattao.

Levitico 4:31

Kalpasanna, ikkatenna ti amin a taba ti animal kas iti inaramidna iti taba dagiti animal a naidaton a pakikappia. Puoranna dagitoy iti altar kas nabanglo a daton iti Apo. Kastoy ti pannakaidatag iti daton gapu iti basol tapno mapakawan dayta a tao.

Levitico 4:35

Kalpasanna, ikkatenna ti amin a taba ti animal kas iti panangikkatna iti taba dagiti animal a naidaton a pakikappia. Puoranna dagitoy iti altar a maigiddan iti daton a mapuoran a naidatag iti Apo. Kastoy ti pannakaidatag iti daton gapu iti basol tapno mapakawan dayta a tao.

Levitico 5:10

Kalpasanna, idatagna ti maikadua a tumatayab a kas daton a mapuoran kas mayannurot kadagiti alagaden. Kastoy ti pannakaidatag ti daton gapu ti basol tapno mapakawan dayta a tao.

Levitico 5:13

Kastoy ti pannakaidatag iti daton gapu iti basol tapno mapakawan dayta a tao. Kas ti daton a makan, kukua ti padi ti natda nga arina.

Levitico 5:16

Masapul a bayadanna ti saanna a naited ket nayonanna pay iti apagkalima. Itedna iti padi a mangidatag iti animal a daton gapu iti basol tapno mapakawan dayta a tao.

Levitico 5:18

Masapul a mangidaton iti kalakian a karnero wenno kalakian a kalding nga awan depektona. Magatadan ti animal segun ti naituyang a pagtimbangan. Ti padi ti mangidatag iti daton tapno mapakawan ti nagbasol.

Levitico 6:7

Idatag ti padi ti daton ket mapakawan dayta a tao iti aniaman a nagbasolanna.

Numero 15:25

Aramiden ti padi ti seremonia ti pannakadalus nga agpaay iti gimong ket mapakawandanto agsipud ta dida inggagara ti naaramid a biddut ket indatagda ti daton gapu iti basol a kas daton a makan nga agpaay iti Apo.

Numero 15:28

Iti altar, aramiden ti padi ti seremonia ti pannakadalus tapno madalusan ti tao iti basolna ket mapakawanto.