Levitico 4:21 - Ti Baro a Naimbag a Damag Biblia

²¹ Ipanna ti baka iti ruar ti kampo ket puoranna a kas iti inaramidna iti baka a naidaton gapu iti basolna. Daytoy ti daton a mangikkat iti basol ti sangkagimongan.

Ti Biblia (1973)

²¹ Ket alaennanto ti vaca iti ruar ti pacarso, ket puurannanto a cas pinangpuurna idi immuna a vaca: isu ti daton gapu iti basol nga maipaay iti gimong.

Levitico 4:21 Iomraidhean Croise

ESDRAS 8:35

Nagidatag dagiti amin a nagsubli a napagtalaw a kas balud kadagiti daton a mapuoran iti Dios ti Israel. Para iti amin nga Israel, 12 a toro a baka ti indatagda ken 96 a kalakian a karnero, 77 nga urbon ti karnero ken 12 a kalding ti naidaton para iti pannakadalusda iti basol. Napuoran amin dagitoy nga animal a kas daton iti Apo.

Exodo 29:14

Ngem puoram ti lasag, kudil ken dagiti lalaem ti baka iti ruar ti kampo. Daytoy ti daton a mangikkat kadagiti basol dagiti papadi.

Ezekiel 45:22

Iti umuna nga aldaw ti fiesta, masapul a mangidatag ti prinsipe a madama a turayen iti toro a baka a kas daton gapu kadagiti basolna ken gapu kadagiti basol dagiti amin a tattao.

Levitico 16:15

Kalpasanna, patayenna ti kalding a maidaton gapu iti basol dagiti tattao ket ipanna ti dara iti Kasasantoan a Lugar. Kas iti inaramidna iti dara ti baka, iwarisna met ti dara iti kalub ken iti sangoanan ti Lakasa ti Tulag.

Levitico 16:21

Ipatayna ti dua nga imana iti ulo ti animal ket ipakaammona dagiti amin a kinadakes, basol ken kinasukir dagiti Israelita tapno mayakarda iti ulo ti kalding. Kalpasanna, itedna ti kalding iti a natudingan a mangibulos iti let-ang.

Levitico 16:27

Maipan iti ruar ti kampo ti baka ken ti kalding a naidaton gapu iti basol ken naipan ti darada iti Kasasantoan a Lugar a pangikkat iti basol, ket mapuoranda agraman lalat, lasag ken dagiti bagis.

Levitico 4:13

No ti entero nga Israel ti agbasol ket dida ammo a sinalungasingda ti maysa kadagiti bilin ti Apo,

Levitico 4:20

Aramidennanto iti daytoy a baka ti kas iti inaramidna iti baka a naidatag gapu iti basol, ket kalpasan ti panangannongna iti seremonia a pangikkat iti basol, napakawanen dagiti tattao.

Levitico 6:11

Sukatanna ti pagan-anayna sana ipan dagiti dapu iti lugar a maibilang a nadalus iti ruar ti kampo.

Levitico 6:23

Saan a mabalin a kanen ti makan nga idaton ti padi; mapuoran amin.

Levitico 8:17

Kas imbilin ni Yahweh, pinuoranna iti ruar ti kampo dagiti dadduma a paset ti baka agraman ti lalat, lasag ken bagbagis.

Numero 15:24

ken no naaramid ti biddut gapu ta saan nga ammo ti gimong, masapul a mangidatag dagiti tattao iti toro a baka a kas daton a mapuoran, daton a nabanglo iti Apo, agraman dagiti tumutop a daton a makan ken daton nga arak. Malaksid kadagitoy, mangidatagda pay iti kalakian a kalding a daton gapu iti basol.

San Mateo 20:28

a kas iti Anak ti Tao a saan nga immay a paserbian no di ket tapno agserbi ken yawatna ti biagna a pangsubbot kadagiti adu a tattao.”

2 Taga-Corinto 5:21

Awan basol ni Cristo. Ngem gapu kadatayo, imbaklayna dagiti basoltayo tapno iti pannakikaysatayo kenkuana, mairanudtayo iti kinalinteg ti Dios.

Hebreo 13:11

Ipan ti Kangatoan a Padi dagiti Judio ti dara dagiti animal iti Kasasantoan a Disso tapno idatonna ti dara a maipaay iti basol dagiti tattao. Ngem mapuoran ti bangkay dagiti animal iti ruar ti kampo.