Levitico 4:12 - Ti Baro a Naimbag a Damag Biblia

¹² Ipanna amin dagitoy iti ruar ti kampo, iti lugar a nadalus iti imatang ti linteg, iti pagibellengan iti dapu, ket puoranna ida iti rabaw dagiti kayo a pagsungrod.

Ti Biblia (1973)

¹² Uray ti dagup ti bagi ti vaca ipannanto iti ruar ti pacarso agingga iti nadalus a yan, a pacaiccan dagiti dapo, ket puurannanto iti rabaw ti sungrod iti apuy: iti pacaibellengan dagiti dapo isu ti pacapuurannanto.

Levitico 4:12 Iomraidhean Croise

Exodo 29:14

Ngem puoram ti lasag, kudil ken dagiti lalaem ti baka iti ruar ti kampo. Daytoy ti daton a mangikkat kadagiti basol dagiti papadi.

Ezekiel 43:21

Alaem ti baka a naidaton gapu iti basol ket puoram iti naituding a lugar iti ruar ti Templo.

Levitico 13:46

Maibilang a narugit no saan nga umimbag ti sakit ti kudil, ket agyan iti ruar ti kampo, iti adayo kadagiti tattao.

Levitico 16:27

Maipan iti ruar ti kampo ti baka ken ti kalding a naidaton gapu iti basol ken naipan ti darada iti Kasasantoan a Lugar a pangikkat iti basol, ket mapuoranda agraman lalat, lasag ken dagiti bagis.

Levitico 4:21

Ipanna ti baka iti ruar ti kampo ket puoranna a kas iti inaramidna iti baka a naidaton gapu iti basolna. Daytoy ti daton a mangikkat iti basol ti sangkagimongan.

Levitico 6:23

Saan a mabalin a kanen ti makan nga idaton ti padi; mapuoran amin.

Levitico 6:30

Ngem no adda dara a maipan iti Tolda ti Dios tapno mausar iti seremonia ti pannakaikkat ti basol, saan a mabalin a sidaen ti animal; masapul a mapuoran.

Levitico 6:4

No makabasol ti maysa a tao iti uray ania kadagitoy, masapul a bayadanna ti aniaman nga innalana iti sinasaur. Iti aldaw a naduktalan a nakabasol, masapul a bayadanna iti akinkukua ti gatad ti sinaurna. Manayonan pay iti apagkalima ti presio ti innalana.

Levitico 8:17

Kas imbilin ni Yahweh, pinuoranna iti ruar ti kampo dagiti dadduma a paset ti baka agraman ti lalat, lasag ken bagbagis.

Levitico 9:11

Ngem iti ruar ti kampo ti nangpuoranna iti karne ken ti lalat.

Numero 15:35

Kinuna ni Yahweh ken ni Moises, “Masapul a mapapatay; iruaryo iti kampo ket kalpasanna batoen ti sangkagimongan agingga a matay.”

Numero 19:3

Maipan met laeng daytoy nga animal ken ni Eleazar a padi tapno maparti iti ruar ti kampo iti imatangna.

Numero 19:5

Masapul a mapuoran ti sibubukel a baka iti imatang ti padi, agraman ti lalat, lasag, dara ken bagbagisna.

Numero 5:3

Iruaryo dagitoy a tattao a maibilang a narugit tapno dida tulawan ti kampo a pakipagnaedak kadagiti tattaok.”

Hebreo 13:11

Ipan ti Kangatoan a Padi dagiti Judio ti dara dagiti animal iti Kasasantoan a Disso tapno idatonna ti dara a maipaay iti basol dagiti tattao. Ngem mapuoran ti bangkay dagiti animal iti ruar ti kampo.