Levitico 3:17 - Ti Baro a Naimbag a Damag Biblia

¹⁷ Awan ti Israelita a mapalubosan nga agsida iti taba wenno dara. Agnanayon daytoy nga alagaden a masapul a tungpalenda iti sadinoman a pagnaedanda.

Ti Biblia (1973)

¹⁷ Daytoy ti agnanayonto nga alagaden agpapan putputotyo iti isu-amin a pagnaedanyo, isu a dicayto canen ti taba ken dara.

Levitico 3:17 Iomraidhean Croise

Genesis 9:4

Adda laeng banag a saanyo a kanen—ti karne nga adda pay laeng darana; ngamin, ti biag adda iti dara.

2 Cronicas 29:35

Malaksid dagiti adu a daton a mapuoran, adda met dagiti taba dagiti daton a pakikappia ken dagiti arak a nayon dagiti daton a mapuoran. Iti kasta, nairugi manen ti panagdaydayaw iti Templo.

Nehemias 8:10

Agawidkayon ket agfiestakayo. Ibingayanyo iti taraon ken arak dagiti agkurkurang iti agserbi kadakuada. Nasantoan daytoy nga aldaw iti Apotayo. Dikay agladingit, ta ti rag-o ti Apo ti mangpapigsa kadakayo.”

Exodo 27:21

Ikabil ni Aaron ken dagiti annakna daytoy a pagsilawan iti Tolda ti Dios, iti ruar ti kurtina nga adda iti sango ti Lakasa ti Tulag. Sadiay, iti imatang ni Yahweh, agpatpatnag a sigagangat. Aramiden dagiti Israelita ken dagiti kaputotanda daytoy iti agnanayon.

Exodo 28:43

Masapul a kanayon nga usaren ni Aaron dagitoy ken dagiti annakna no sumrekda iti Toldak wenno umasidegda iti altar nga agserbi a kas padi iti Nasantoan a Disso tapno dida agbasol ket mapapatayda. Agnanayon daytoy nga alagaden ni Aaron ken dagiti kaputotanna.

Ezekiel 33:25

“Ibagam kadakuada a siak nga Apo a Dios, kastoy ti kunak: Agsidsidakayo iti karne nga adda darana. Agdaydayawkayo kadagiti didiosen. Agpapataykayo. Ania ti panggapuanyo nga agkuna a kukuayo ti daga?

Ezekiel 44:15

Kinuna ti Apo a Dios, “Nupay kasta, dagiti Levita a padi a kaputotan ni Zadok, intultuloyda ti agserbi kaniak a sipupudno iti Templo idi tinallikudandak dagiti dadduma nga Israelita. Ngarud, isuda laeng ti mabalin a mangidatag iti sangoanak kadagiti taba ken dara ti daton.

Ezekiel 44:7

Tinulawanda ti Templo babaen iti panangipalubosda a sumrek dagiti ganggannaet a di nakugit a tattao a saan nga agtulnog kaniak—iti Templo bayat ti pannakaidatag ti taba ken dara dagiti sakrifisio a maidaton kaniak. Ngarud, sinalungasing dagiti tattaok ti nagtutulaganmi gapu kadagiti amin a nakababain nga aramidda.

Levitico 10:15

Yegda ti kammaudi a saka ken ti barukong iti tiempo a pannakapuor ti taba a maidaton iti Apo. Agnanayon nga agpaay kadakayo dagitoy a paset, sika ken dagiti annakmo, kas imbilin ti Apo.”

Levitico 10:9

“No sumrekka ken dagiti annakmo iti Tolda, kitaenyo a saankayo a nakainum iti arak wenno aniaman a makabartek amangan ta mataykayo. Linteg daytoy a masapul nga annuroten dagiti amin a kaputotanyo.

Levitico 16:29

Annurotenyo iti agnanayon dagiti sumaganad nga alagaden. Iti maikasangapulo nga aldaw ti maikapito a bulan, masapul nga agayunar dagiti Israelita ken dagiti ganggannaet a makipagnaed kadakuada. Saanda nga agtrabaho.

Levitico 16:34

Masapul a maannurot dagitoy nga alagaden iti amin a tiempo. Tinawen a maannurot daytoy a seremonia tapno madalusan dagiti Israelita iti amin a basolda. Natungpal ngarud amin dagitoy kas imbilin ni Yahweh ken ni Moises.

Levitico 17:7

Iti kasta, saanda nga idaton kadagiti demonio a pagdaydayawanda dagiti partienda nga animal iti away. Masapul a tungpalen dagiti Israelita dagitoy nga alagaden iti amin a tiempo.

Levitico 19:26

“Dikay agsida iti karne nga adda pay laeng darana. Diyo aramiden ti uray ania a kita ti panaganito.

Levitico 23:14

Dikay mangan iti kaan-ani a trigo, naata man, iniruban wenno naaramid a tinapay no diyo pay naidaton iti Dios. Annuroten dagiti amin a kaputotanyo daytoy nga alagaden iti amin a tiempo iti masakbayan.

Levitico 23:21

Iti dayta nga aldaw, dikay agtrabaho no di ket aguummongkayo nga agdaydayaw. Masapul nga annuroten a kankanayon dagiti kaputotanyo daytoy nga alagaden iti sadinoman a lugar a pagnaedanda.

Levitico 24:3

Rinabii a gangtan ida ni Aaron ket pagpatpatnagenna a sigagangat iti imatang ti Apo iti ruar ti kurtina iti sangoanan ti Lakasa ti Tulag nga adda iti Kasasantoan a Lugar. Maannurot daytoy nga alagaden iti agnanayon.

Levitico 24:9

Kukua ni Aaron ken dagiti kaputotanna ti tinapay. Masapul a kanenda daytoy iti nasantoan a lugar agsipud ta nasantoan unay daytoy a paset ti daton a naidatag iti Apo nga agpaay kadagiti papadi.

Levitico 3:16

Puoranto ti padi amin dagitoy iti rabaw ti altar a kas nabanglo a daton iti Apo. Kukua ti Apo dagiti amin a taba.

Levitico 4:1

Imbilin ni Yahweh ken ni Moises

Levitico 6:15

Mangrakem iti arina ken ikkanna iti lana ken insenso sana puoran iti altar a mangipakita a naidatag amin iti Apo. Nabanglo ken makaay-ayo daytoy a daton iti Apo.

Levitico 6:18

Mabalin ti siasinoman kadagiti lallaki a kaputotan ni Aaron ti mangan iti daytoy a daton kas agnanayon a pannakabingayda iti makan a naidaton iti Apo. Madangran ti siasinoman a mangsagid iti daytoy a daton, ta adda bileg ti kinasagradona.

Levitico 6:22

Iti amin a tiempo iti masakbayan, masapul nga idatag daytoy a daton ti tunggal kaputotan ni Aaron nga agserbi a kas Kangatoan a Padi. Masapul a mapuoran a mamimpinsan a kas daton iti Apo.

Levitico 7:23

nga agpaay kadagiti Israelita: Maiparit a sidaen ti taba ti baka, karnero wenno kalding.

Levitico 7:34

Naisangsangayan a sagut ti barukong ken naidumduma a bingay ti makannawan a kammaudi a luppo; innala ida ti Apo kadagiti Israelita ket intedna kadagiti papadi. Daytoy ti masapul nga ited dagiti Israelita ken ni Aaron ken kadagiti annakna iti amin a kaputotan.

Levitico 7:36

Iti dayta nga aldaw, imbilin ti Apo kadagiti Israelita nga itedda kadakuada daytoy a paset ti daton. Masapul nga annuroten dagiti Israelita daytoy nga alagaden iti agnanayon.

Numero 19:21

Agtalinaed iti agnanayon daytoy nga alagaden. Masapul a labaan met ti tao a mangiwarsi iti danum ti pannakadalus ti pagan-anayna; agtalinaed a narugit agingga iti rabii ti siasinoman a mangsagid iti danum.

San Mateo 16:24

Kalpasanna, kinuna ni Jesus kadagiti adalanna: “Ti agtarigagay a sumurot kaniak masapul a tallikudanna ti bagina, ibaklayna ti krusna, ket surotennak.

San Mateo 26:28

daytoy ti darak a mamatalged iti tulag ti Dios, ti darak a naibuyat nga agpaay iti adu a tao, tapno mapakawan dagiti basbasol.

Dagiti Aramid 15:29

Dikayo mangan iti kanen a naidaton kadagiti didiosen. Dikay agsida iti dara. Dikay agsida iti saan a napadara nga animal. Adaywanyo met ti immoralidad. Naimbag ti pagbanaganyo no diyo aramiden dagitoy. Dios ti mangsalluad kadakayo. Dagitoy kakabsatyo, Apostoles ken Panglakayen.”

Taga-Efeso 1:7

Babaen iti ipapatay ni Cristo, nagun-od ti wayawaya ket napakawan dagiti basbasoltayo. Anian a nagdakkel ti parabur ti Dios

Taga-Efeso 5:26

Inaramidna daytoy tapno pasantoenna ti iglesia iti Dios babaen iti panangugasna iti danum ken saona,

Deuteronomio 12:16

Ngem diyo sidaen ti darada; ibellengyo iti daga a kas iti panangibellengyo iti danum.

Deuteronomio 12:23

Ngem liklikanyo ti agsida iti dara, gapu ta ti biag adda iti dara ket masapul a diyo sidaen ti biag agraman ti lasag.

Deuteronomio 12:24

Diyo sidaen ti dara no di ket ibellengyo a kasla iti panangibellengyo iti danum.

Deuteronomio 15:23

Ngem diyo sidaen ti darada; ibellengyo iti daga a kas iti panangibellengyo iti danum.”

Deuteronomio 32:14

Adu ti gatas dagiti baka ken kaldingda; dagiti baka, karnero ken kaldingda ti kapintasan, ti trigoda ti kasayaatan, ket ti arakda ti kaimasan.

1 Timoteo 4:4

Nasayaat amin a pinarsua ti Dios. Awan ti dakes no la ket no maawat a buyogan ti panagyaman,