Levitico 3:16 - Ti Baro a Naimbag a Damag Biblia

¹⁶ Puoranto ti padi amin dagitoy iti rabaw ti altar a kas nabanglo a daton iti Apo. Kukua ti Apo dagiti amin a taba.

Ti Biblia (1973)

¹⁶ Ket ti padi puurannanto ida iti rabaw ti altar: isu ti taraon ti daton a maaramid iti apuy, a nabanglo a sayamusom; dagup ti taba biang ni Jehova.

Levitico 3:16 Iomraidhean Croise

Genesis 4:4

Innala ni Abel ti inauna nga anak ti maysa kadagiti karnerona. Pinartina sana indaton dagiti kasayaatan a paset. Naragsakan ni Yahweh ken ni Abel ken iti datonna

2 Cronicas 29:35

Malaksid dagiti adu a daton a mapuoran, adda met dagiti taba dagiti daton a pakikappia ken dagiti arak a nayon dagiti daton a mapuoran. Iti kasta, nairugi manen ti panagdaydayaw iti Templo.

2 Cronicas 7:7

Indaton ni Solomon ti akintengnga a paset ti paraangan, ti lugar iti sango ti Templo. Sadiay ti nangidataganna kadagiti animal a sibubukel a daton a mapuoran, dagiti daton a makan ken dagiti taba dagiti animal a naidaton a pakikappia. Ngamin, bassit unay ti altar a bronse nga inaramidna ket dina malaon amin dagitoy a daton.

Exodo 29:13

Alaem ti amin a taba a nangbungon kadagiti lalaem, ti taba iti dalem ken dagiti dua a bekkel agraman tabada. Puoram dagitoy iti rabaw ti altar a daton kaniak.

Exodo 29:22

“Ikkatem ti taba ti karnero, ti nataba nga ipusna, ti taba a nangbalkot kadagiti lalaem, ti taba iti dalem, dagiti dua a bekkel agraman dagiti tabada ken ti akinkannawan a luppo.

Isaias 53:10

Kuna ti Apo, “Nagayatak ti panagsagabana; maysa a daton ti ipapatayna a mangyeg iti pannakapakawan ti basol. Iti kasta, makitananto dagiti kaputotanna, ket atiddogto ti panagbiagna; isunto ti maaramat iti panagballigi ti panggepko.

Ezekiel 44:15

Kinuna ti Apo a Dios, “Nupay kasta, dagiti Levita a padi a kaputotan ni Zadok, intultuloyda ti agserbi kaniak a sipupudno iti Templo idi tinallikudandak dagiti dadduma nga Israelita. Ngarud, isuda laeng ti mabalin a mangidatag iti sangoanak kadagiti taba ken dara ti daton.

Levitico 17:6

Ibuyat ti padi ti dara iti aglawlaw ti altar iti ruangan ti Tolda sada puoran ti taba tapno mangted iti nabanglo nga ayamuom iti Apo.

Levitico 4:26

Kalpasanna, puoranna amin a taba ti animal iti altar, kas iti inaramidna iti taba dagiti animal a naidaton a pakikappia. Kastoy ti pannakaidatag ti daton gapu iti basol tapno mapakawan ti agturay.

Levitico 4:31

Kalpasanna, ikkatenna ti amin a taba ti animal kas iti inaramidna iti taba dagiti animal a naidaton a pakikappia. Puoranna dagitoy iti altar kas nabanglo a daton iti Apo. Kastoy ti pannakaidatag iti daton gapu iti basol tapno mapakawan dayta a tao.

Levitico 8:25

Innalana ti taba, ti nataba nga ipus, amin a taba a kimpet kadagiti lalaem, ti kasayaatan a paset ti dalem, dagiti bekkel agraman ti tabada, ken ti kannawan a kammaudi a saka.

Levitico 9:24

Pagammoan, simgiab ti apuy ni Yahweh ket inkisapna ti sibubukel a daton ken dagiti taba dagiti animal iti altar. Nagririaw dagiti tattao a nakakita iti daytoy ket nagpaklebda iti daga.

San Mateo 22:37

Insungbat ni Jesus, “ ‘Ayatem ti Apo a Diosmo iti amin a pusom, iti amin a kararuam, ken iti amin a panunotmo.’