Levitico 3:11 - Ti Baro a Naimbag a Damag Biblia

¹¹ Puoranto ti padi amin dagitoy iti rabaw ti altar a kas daton iti Apo

Ti Biblia (1973)

¹¹ Ket ti padi puurannanto iti rabaw ti altar: isu ti taraon ti daton a maaramid iti apuy ken Jehova.

Levitico 3:11 Iomraidhean Croise

Dagiti Salmo 22:14

Naibusen ti amin a pigsak, kasla danum a naibuyat. Agkutukoten amin a tultulangko, toy pusok kasla allid a marunaw iti unegko.

Ezekiel 44:7

Tinulawanda ti Templo babaen iti panangipalubosda a sumrek dagiti ganggannaet a di nakugit a tattao a saan nga agtulnog kaniak—iti Templo bayat ti pannakaidatag ti taba ken dara dagiti sakrifisio a maidaton kaniak. Ngarud, sinalungasing dagiti tattaok ti nagtutulaganmi gapu kadagiti amin a nakababain nga aramidda.

Levitico 21:17

nga ibagana daytoy ken ni Aaron, “Saan a mabalin ti siasinoman a kaputotam nga adda depekto ti bagina a mangidatag kaniak iti daton a mapuoran. Agpaay daytoy nga alagaden iti amin a tiempo iti masakbayan.

Levitico 21:6

Masapul a nasantoan ti padi ket dina ibabain ti naganko. Agidatag kadagiti daton a mapuoran, ket masapul nga agbalin a nasantoan.

Levitico 21:8

Masapul nga ibilang dagiti tattao a nasantoan ti padi, agsipud ta agidatag kaniak kadagiti daton a mapuoran. Siak ni Yahweh. Nasantoanak, ket pasantoek dagiti tattaok.

Levitico 22:25

Diyo idatag a daton a makan ti aniaman nga animal a naggapu iti ganggannaet. Maibilang nga adda depektona ti kasta nga animal ket saanda a maawat.

Levitico 3:16

Puoranto ti padi amin dagitoy iti rabaw ti altar a kas nabanglo a daton iti Apo. Kukua ti Apo dagiti amin a taba.

Levitico 3:5

Amin dagitoy, puoran dagiti papadi iti rabaw ti altar agraman dagiti daton a mapuoran. Nabanglo ken makaay-ayo daytoy a daton iti Apo.

Malakias 1:12

Ngem didak raemen no ibagayo nga awan serserbi ti altarko, ken no laisenyo ti taraon nga idatonyo sadiay.

Malakias 1:7

Kastoy ti pananglaisyo kaniak—agidatonkayo iti awan pategna a taraon iti altarko, ket saludsodenyo, ‘Kasano ti dimi panangipakita a saankami nga agraem kenka?’ Ibagak kadakayo—babaen iti panangipakitayo iti pananglaisyo iti altarko.

Numero 28:2

nga ibagana kadagiti Israelita a masapul nga idatagda iti Dios iti naituding a tiempo dagiti inaldaw a daton a mapuoran a nabanglo kenkuana.

Numero 28:24

Kasta met nga iti las-ud ti pito nga aldaw, mangidatagkayo iti Apo iti daton a makan a nabanglo kenkuana. Idatonyo daytoy malaksid ti inaldaw a daton a mapuoran ken ti daton nga arak.

Taga-Roma 8:32

Dina impaidam ti mismo nga Anakna, no di ket indatonna nga agpaay kadatayo amin! No impaayna ti Anakna kadatayo, dinto kadi sisasagana a mangted met kadatayo iti isuamin?

1 Taga-Corinto 10:21

Diyo mabalin nga inuman ti kopa ti Apo ket kalpasanna, inumanyo met ti kopa dagiti demonio. Diyo mabalin ti sumango iti panganan ti Apo ket kalpasanna, sumangokayo iti lamisaan dagiti demonio.

Paltiing 3:20

Denggem, addaak nga agtatakder iti ruar ket agtuktuktokak iti ruangan. No adda makangngeg iti timekko ket luktanna ti ruangan, sumrekakto iti balayna ket agkalanglangkamto a mangan.