Levitico 27:3 - Ti Baro a Naimbag a Damag Biblia

^3-7 segun ti naituyang a pagtimbangan: –nataengan a lalaki, agtawen iti duapulo agingga iti innem a pulo: limapulo a bagi ti pirak –nataengan a babai: tallopulo a bagi ti pirak –agtutubo a lalaki, agtawen iti lima agingga iti duapulo: duapulo a bagi ti pirak –agtutubo a babai: sangapulo a bagi ti pirak –maladaga a lalaki, lima a tawen nga agpababa: lima a bagi ti pirak –maladaga a babai: tallo a bagi ti pirak –lakay nga agtawen iti nasursurok ngem innem a pulo: sangapulo ket lima a bagi ti pirak –baket nga agtawen iti nasurok nga innem a pulo: sangapulo a bagi ti pirak

Ti Biblia (1973)

³ Ket ti panggatadamto iti lalaki nga manipud agtawen ti duapulo agingga iti innem a pulo, gatadamto ngarud iti limapulo a siclo ti pirac, cas iti siclo ti santuario.

Levitico 27:3 Iomraidhean Croise

2 Ar-ari 12:4

Inayaban ni Joas dagiti papadi ket imbilinna kadakuada nga idulinda dagiti kuarta nga ited dagiti tattao nga agidatag kadagiti sakrifisio iti Templo—dagiti kuarta a maited iti pannakaidatag dagiti inaldaw a daton ken dagiti kuarta a maisagut.

Exodo 30:13

Amin a mairaman iti sensus ket masapul a bayadanna ti naituding a gatad, kas mayannurot iti naituyang a pagtimbangan. Agbayad ti tunggal maysa nga agpaay a daton ken ni Yahweh.

Exodo 38:24

Agdagsen iti 1,000 a kilo ti amin a balitok a naidaton iti Apo ken nausar iti pannakaaramid ti santuario. Nausar ditoy ti pagtimbangan ti templo.

Levitico 27:14

No balay ti maidaton iti Apo, ikeddeng ti padi ti gatadna segun ti klase ti balay, ket saanen a mabaliwan ti naituding a gatadna.

Levitico 27:25

Maibatay ti amin a gatad iti naituyang a pagtimbangan.

Levitico 5:15

No adda agbasol a dina ammo gapu iti dina pannangted kadagiti pagbayad a nasagradoan iti Apo, mangidatag iti kalakian a karnero wenno kalding nga awan depektona, a datonna a pagsupapak iti Apo. Magatadan ti animal segun ti naituyang a pagtimbangan.

Levitico 6:6

Ipanna iti padi ti kalakian a karnero wenno kalding nga awan depektona a kas datonna iti Apo a pagsupapak iti basolna. Magatadan ti datonna segun ti naituyang a pagtimbangan.

Numero 18:16

Lima a bagi ti pirak, segun ti naituyang a pagtimbangan, ti pangsubbot kadagiti ubbing nga adda makabulandan.

Numero 3:47

Bayadam ti tunggal maysa iti lima a bagi ti pirak segun ti naituding a pagtimbangan