Levitico 26:6 - Ti Baro a Naimbag a Damag Biblia

⁶ “Agturayto ti kappia iti daga ket mabalinyonto ti maturog nga awan ti pagbutnganyo. Pukawekto dagiti narungsot nga animal iti daga ket awanton ti gubat sadiay.

Ti Biblia (1973)

⁶ Ket itedconto ti talna iti daga, ket agiddacayto, ket awanto ti pagbutnganyo; pucawecto dagiti narungsot nga an-animal iti daga, dinto met lumabas ti campilan iti dagayo.

Levitico 26:6 Iomraidhean Croise

2 Ar-ari 2:24

Timmalliaw ni Eliseo, kinitana ida iti nasakit sana inlunod ida iti nagan ni Yahweh. Rimmuar ti dua a kabaian nga oso iti bakir ket 42 kadagiti ubbing ti rinangrangkayda.

1 Cronicas 22:9

Nupay kasta, inkarina kaniak, ‘Addanto anakmo nga agturay. Addanto talna iti pagarianna agsipud ta dinto riribuken dagiti kabusorna. Solomon ti nagannanto agsipud ta itedkonto iti Israel ti talna ken talged kabayatan ti panagturayna.

2 Cronicas 20:30

Ket nagturay ti talna ken kappia iti pagarian bayat ti panagari ni Jehosafat, ta inikkan ti Dios iti talged iti aglawlaw.

Ti Libro ni Job 11:19

Awanto ti kabusor a kabutengmo; Agpatulongto kenka ti adu a tattao.

Ti Libro ni Job 5:23

Awanto ti bato dagiti aradoem a talon; didakanto darupen dagiti narungsot nga animal.

Dagiti Salmo 144:14

Dagiti bakbakami, agaduda koma; awan koma ti maalisan wenno matay kadakuada. Awan koma met ikkis ti panagbuteng kadagiti kalsadami.

Dagiti Salmo 147:14

Pagtalinaedenna ti kappia kadagiti beddengmo ket pennekennaka iti kasayaatan a trigo a paraburna.

Dagiti Salmo 29:11

Papigsaen ni Yahweh dagiti tattaona; kappia ti ibendisionna kadakuada.

Dagiti Salmo 3:5

Agiddaak ket maturogak; Bumangonak iti agsapa ta agpatpatnag a salaknibannak ni Yahweh.

Dagiti Salmo 4:8

Apaman nga agiddaak, makaturogak a sitatalna; ta sika laeng, O Apo, ti mangted iti natalged nga inana.

Dagiti Salmo 85:8

Dengdenggek ti sasawen ti Apo a Dios; ikarina nga ited ti talna kadatayo a tattaona, no ditay sublian dagiti minamaag nga aramidtayo.

Exodo 23:29

Saankonto pay laeng a pagtalawen amin ida iti uneg ti maysa a tawen tapno saan a mabaybay-an ti daga ken saan nga umadu unay dagiti atap nga animal a pagpeggadanyo.

Dagiti Proverbio 3:24

Awanto ti kabutengmo no agiddaka, ket naimasto latta ti turogmo iti agpatnag.

Dagiti Proverbio 6:22

Idalandakanto dagiti pannursuroda no agbiaheka; salaknibandaka iti rabii ket bagbagaandaka iti aldaw.

Isaias 35:8

Sadiay, addanto dakkel a kalsada, maawaganto iti “Nasantoan a Dalan.” Saanto a magna sadiay dagiti managbasol; awanto ti maag a mangyaw-awan kadagiti agdaliasat sadiay.

Isaias 35:9

Awanto ti agnaed a leon wenno ti narungsot nga animal nga agdaliasat sadiay. Iti dayta a dalan, magnanto dagiti sinubbot ti Apo.

Isaias 45:7

Paaddaek ti lawag ken ti sipnget; yegko ti bendision ket idissuorko ti didigra. Siak, ni Yahweh, ti agaramid amin kadagitoy.

Isaias 9:7

Dumakkelto a dumakkel ti bilegna a kas ari; addanto latta kappia iti pagarianna. Isunto ti sumukat ken ni Ari David nga agturay. Ibataynanto ti turayna iti kinapudno ken kinalinteg manipud ita ingganat' inggana. Aramiden nga aramiden amin daytoy ti Apo a Mannakabalin-amin.

Jeremias 30:10

“Dikay agbuteng, dakayo a tattaok; dikay agamak, dakayo nga Israelita. Isalakankayto iti dayta adayo a lugar, iti dayta a daga a nakaibaludanyo. Agawidkayto iti bukodyo a daga, ket agbiagkayto a sitatalna. Natalgedkayto ket awanto ti mangbutbuteng kadakayo.

Jeremias 31:26

Iti kasta, kunanto dagiti tattao, ‘Naimas ti turogko ket napigsaak a bimmangon.’

Ezekiel 14:15

“Wenno nalabit a mangibulosak kadagiti narungsot nga animal tapno patayenda dagiti umili ket pagbalinenda a napeggad ti pagilian agingga nga awan ti agdaliasat sadiay,

Ezekiel 14:17

“Wenno nalabit a mangyegak iti gubat iti dayta a pagilian a pangipanak kadagiti naranggas nga igam ket patayek amin dagiti tattao agraman dagiti animal,

Ezekiel 14:21

Daytoy ti sao ti Apo a Dios: “Idissuorko ti uppat a kakaroan a pannusak iti Jerusalem—gubat, bisin, narungsot nga animal ken angol—a mangpapatay kadagiti tattao ken animal.

Ezekiel 34:25

“Makitulagakto kadakuada. Daytoyto ti mangpatalged nga awan ti pakaan-anoanda. Paksiatekto dagiti narungsot nga animal iti daga tapno mapakapagnaed a sitatalged dagiti karnerok iti taltalon ken mabalinda ti maturog iti kabakiran.

Ezekiel 34:27

Agbunganto dagiti kayo, adunto ti maapit kadagiti taltalon ket agnaedto a sitatalged ti tunggal maysa iti bukodna a daga. Inton wayawayaak dagiti tattaok kadagiti nangtagabu kadakuada, inton pugsatek dagiti kawarda, maammoandanton a siak ni Yahweh.

Ezekiel 5:17

Yegkonto ti bisin, ket ibaonkonto dagiti narungsot nga animal a mangpapatay kadagiti annakmo. Yegkonto ti sakit, ranggas ken gubat a mangpapatay kenka. Siak, ni Yahweh, ti nagsao iti daytoy.”

Oseas 2:18

Iti dayta a tiempo, makitulagakto kadagiti amin nga atap nga ayup ken tumatayab tapno dida an-anoen dagiti tattaok. Ikkatekto amin nga armas a pakigubat iti daga, amin a kampilan ken bai tapno agbiag a natalna ken natalged dagiti tattaok.

Oseas 2:20

Tungpalekto ti karik ta kukuaka ket bigbigennakto a kas Apo.

Levitico 25:18

Tungpalenyo ti amin a linteg ken bilin ti Apo tapno natalged ti panagnaedyo iti daga.

Levitico 25:19

Nawadwadto ti apit iti daga, saankayto a mabisinan ket natalgedto ti panagbiagyo.

Levitico 26:22

Bulosakto dagiti narungsot nga animal nga umay kadakayo, ket patayendanto dagiti annakyo ken rangrangkayendanto dagiti animalyo. Bassitto la ti matda kadakayo agingga nga awan matagtagitao kadagiti kalsadayo.

Levitico 26:25

No salungasingenyo ti tulagantayo, yegkonto ti gubat a pangdusak kadakayo; no agkamangkayo kadagiti siudadyo, mangyegakto kadagiti sakit a di maagasan ket kapilitanto a sumukokayo kadagiti kabusoryo.

Levitico 26:7

Parmekenyonto dagiti kabusoryo;

Mikias 4:4

Agbiagto a sitatalna ti tunggal maysa iti kaubasanna ken kadagiti kayona nga igos, ket awanto ti pagbutnganna. Inkari daytoy ti Apo a Mannakabalin-amin.

Sofonias 3:13

Dinton agaramid iti dakes dagiti makalasat a tattao ti Israel. Didanton mangallilaw wenno agulbod. Narang-ay ken natalgeddanto ket awanton ti kabutengda.”

Haggeo 2:9

Nadaydayagto ti baro a Templo ngem ti immuna. Iti daytoy a lugar, parang-ayek dagiti tattaok ket ikkak ida iti talna.” Ni Yahweh a Mannakabalin-amin ti nagsao iti daytoy.

Zacarias 9:10

Kuna ti Apo, “Ikkatekto iti Israel dagiti lugan a pakigubat; ipanawkonto met dagiti kabalio iti Jerusalem, madadaelto dagiti pana a nausar iti gubat. Makikappianto ti ariyo kadagiti nasion; sakupento ti pagturayanna manipud iti igid ti taaw agingga iti sabali nga igid; manipud iti Karayan Eufrates agingga kadagiti pungto ti daga.”

San Juan 14:27

“Kappia ti ibatik kadakayo. Ti bukodko a kappia ti itedko kadakayo. Ngem saan a kas iti pannangted ti lubong ti pannangtedko kadakayo. Dikay madanagan ken mariribukan. Dikay agbuteng.

Dagiti Aramid 12:6

Iti rabii sakbay ti panangyawat koma ni Herodes ken ni Pedro kadagiti tattao, sikakawar a matmaturog iti nagbaetan ti dua a soldado. Adda met dagiti guardia iti ruangan ti pagbaludan.

Taga-Roma 5:1

Itan ta napalintegtayo babaen iti pammati, naikappiatayon iti Dios gapu ken ni Apotayo a Jesu-Cristo.