Levitico 26:39 - Ti Baro a Naimbag a Damag Biblia

³⁹ Dakayo a sumagmamano a makalasat iti daga dagiti kabusoryo, main-inutkayto a mapukaw gapu iti basolyo ken gapu iti basol dagidi kapuonanyo.

Ti Biblia (1973)

³⁹ Ket dagiti matda cadacayo, cumcumbetdanto iti kinadakesda cadagiti dagdaga dagiti cabusoryo; ken casta met a iti kinadakes dagiti nagannac cadacuada cacancanunongdanto ida a cumcumbet.

Levitico 26:39 Iomraidhean Croise

2 Cronicas 34:24

ti pakaammo ni Yahweh: “Dusaek ti Jerusalem ken amin a tattaona. Aramatek dagiti lunod a nailanad iti libro a naibasa iti ari.

ESDRAS 9:7

Manipud pay iti tiempo dagiti kapuonanmi, adu unayen ti basolmi a tattaom. Gapu iti daytoy, natnagkam iti pannakabalin dagiti ganggannaet nga ari—dakami, dagiti arimi ken dagiti papadimi. Napapatay, natakawan ken naitalawkami a kas balud, ket naibabainkam iti kasta unay agingga ita.

Nehemias 1:9

Ngem no agsublikayo kaniak ket aramidenyo dagiti imbilbilinko kadakayo, isublikayto iti lugar a pinilik a pagdaydayawanyo kaniak, uray pay no naiwarawarakayo agingga iti ungto ti daga.’

Exodo 20:5

Dika agrukbab wenno agdaydayaw iti uray ania a kinitikitan a ladawan agsipud ta siak, ni Yahweh a Diosmo, ket managimonak. Dusaek dagiti gumura kaniak, agraman dagiti annakda agingga iti maikatlo ken maikapat a kaputotan.

Exodo 34:7

Tungpalek ti karik iti rinibribu a kaputotan, ket pakawanek ti kinadakes, panagsalungasing ken basol. Ngem dusaek a dusaen dagiti annak ken appoko agingga iti maikatlo ken maikapat a kaputotan gapu kadagiti basol dagiti ammada.”

Isaias 14:21

Irugiyo ti panagpapatay! Matayto dagiti annak daytoy nga ari gapu kadagiti basol dagiti kapuonanda. Awanto kadakuada ti agturay iti lubong wenno agbangon kadagiti siudad a mangpunno iti daga.

Isaias 24:16

Manipud iti kaadayoan a paset ti lubong, mangngegtayto dagiti kanta a pangidaydayaw iti Israel, ti nalinteg a nasion. Ngem awan ti pangnamnamaak! Kaslaak la marunrunot a kandela! Ngamin, dumegdeg a dumegdeg ti panangliput dagiti traidor!

Jeremias 29:12

Umawagkayto kaniak. Agkararagkayto ket sungbatankayto.

Jeremias 3:25

Rumbeng nga agiddatayo a sibabain ket abbongannatayo iti pannakaibabaintayo. Nagbasoltayo a kankanayon iti Apo a Diostayo, datayo ken dagiti kapuonantayo. Ditay tinungpal dagiti bilinna.”

Jeremias 31:29

Inton umay dayta a tiempo, saanton a kuna dagiti tattao, ‘Naalsem nga ubas ti kinnan dagiti kapuonan, ngem dagiti annakda ti naalino.’

Dungdung-aw 1:3

Awan gawayna a tagabu dagiti tattao ti Juda. Napilitda a naitalaw kadagiti pagtaenganda. Agnaeddan iti sabali a dagdaga. Ket awan ti disso a mabalinda a kuna a kukuada. Linawlaw ida dagiti kabusorda ket awan ti paglisianda.

Dungdung-aw 4:9

Nagasgasat dagiti natay iti gubat ngem dagiti naud-udi a pimmusay a nain-inut a natay iti bisinda ta awan ti taraon a pagbiagda.

Ezekiel 18:19

“Ngem saludsodenyo, ‘Apay a saan a madusa ti anak gapu kadagiti basol ti amana?’ Gapu ta inaramid ti anak ti nalinteg ken naimbag. Dina sinalungasing dagiti lintegko, ket siaannad a nangannurot kadakuada, isut' gapuna nga agbiagto.

Ezekiel 20:43

Malagipyonton ti amin a nakababain nga inar-aramidyo ken ti panangtulawyo kadagiti bagbagiyo. Karurodyonto dagiti bagbagiyo gapu kadagiti amin a kinadakes nga inaramidyo.

Ezekiel 24:23

Agabungot ken agsapatoskayto. Dikayto agdung-aw wenno agsangit. Mapukawkayto gapu iti basolyo, ket tunggal maysa umasug iti sabali.

Ezekiel 33:10

Nagsao ti Apo kaniak. Kinunana, “Anak ti tao, ulitem kadagiti Israelita ti sasawenda: ‘Madagsenankami kadagiti basolmi ken dagiti dakes a naaramidmi. Main-inut a mapukawkami. Awanen ti namnamami iti biag.’

Ezekiel 36:31

Malagipyonto dagiti amin a dakes nga aramidyo ken dagiti biddutyo. Guraenyonto dagiti bagbagiyo gapu kadagiti basolyo ken dakes nga aramidyo.

Ezekiel 4:17

Wen, maibusandanto iti kanen ken inumen. Mapukawdanto ti namnamada. Main-inutdanto a mapukaw gapu kadagiti basolda.”

Ezekiel 6:9

Sadiay, agbiagdanto a kas napagtalaw a balud. Malagipdakto ket maammoandanto a dinusak ken imbabainko ida, agsipud ta tinallikudandak ket ad-adda a kinayatda dagiti imahen ngem siak. Kaguradanto dagiti bagbagida gapu kadagiti dakes ken nakababain nga inaramidda.

Oseas 5:15

“Panawakto dagiti tattaok agingga nga umdas ti panagsagabada gapu kadagiti basbasolda. Nalabit nga iti panagsagabada, ikagumaandakto a biroken.”

Zacarias 10:9

Uray no inwarawarak ida kadagiti pagilian, malagipdakto latta iti adayo a daga. Makalasatdanto agraman dagiti annakda ket agkukuyogdanto nga agawid.

Numero 14:18

‘Siak, ni Yahweh, saanak a nalaka nga agpungtot. Ipakitak ti naindaklan nga ayat ken kinapudnok, ket pakawanek ti basol ken panagsukir. Nupay kasta, dusaek dagiti annak ken appoko agingga iti maikapat a kaputotan gapu kadagiti basol dagiti nagannak kadakuada.’

Deuteronomio 28:65

Awanto ti masarakanyo a talna iti sadinoman a lugar. Awanto ti disso a makunayo a kukuayo. Madandanagankayto. Kanayonkayto a masikoran ket maawanankayto iti namnama.

Deuteronomio 30:1

Intuloy ni Moises, “Inikkankayo iti pagpilian: bendision wenno lunod. Inton mapasamak amin dagitoy kadakayo ket agnaedkayon kadagiti nasion a nangiwarawaraan kadakayo ti Apo a Diosyo, malagipyonto dagiti imbagak.

Deuteronomio 5:9

Dikay agrukbab wenno agdaydayaw iti uray ania nga imahen, ta siak ti Apo a Diosyo ket diak ipalubos nga adda kasalisalko. Dusaek dagiti gumura kaniak, kasta met kadagiti annakda, appokoda ken appokoda-iti-tumeng.

Deuteronomio 8:20

No sukirenyo ti Apo, madadaelkayto a kas kadagita a nasion a dadaelennanto bayat ti isusungadyo.”