Levitico 26:33 - Ti Baro a Naimbag a Damag Biblia

³³ Yegkonto ti gubat kadakayo ket iwarawarakayto kadagiti nadumaduma a pagilian. Awanton ti matagtagitao iti dagayo ket aglangalangto dagiti siudadyo.

Ti Biblia (1973)

³³ Ket iwaraswarascayto cadagiti sabsabali a nacion, ket asutecto ti campilan iti licudanyo: ket iti dagayo awanto ti matagtagitao, ket dagiti iliyo walangwalangdanto.

Levitico 26:33 Iomraidhean Croise

1 Ar-ari 8:46

“No agbasol kenka dagiti tattaom ta awan met ti tao a di agbasol—ket gapu iti pungtotmo, ipalubosmo a parmeken ida dagiti kabusorda ken italawda ida a kas balud iti sabali a daga, asideg man wenno adayo,

2 Ar-ari 25:9

Pinuoranna ti Templo, ti palasio ken dagiti balbalay dagiti amin a nalatak a tattao ti Jerusalem.

2 Cronicas 7:19

Ngem no salungasingenyo, sika ken dagiti tattaom, dagiti linteg ken bilin nga intedko kadakayo, ket agdaydayawkayo kadagiti didiosen,

Nehemias 1:3

Imbagada nga agsagsagabada iti kasta unay ket lalaisen ida dagiti ganggannaet nga agnanaed iti kabangibang a lugar. Saan pay kano a nabangon dagiti bakud ti Jerusalem, ket di pay natarimaan dagiti nauram a ruanganna.

Nehemias 1:8

Lagipem ita ti imbagam ken ni Moises, ‘Dakayo nga Israelita, no saankayo nga agtalinaed a napudno kaniak, iwaraswaraskayto kadagiti amin a nasion.

Ester 3:8

Kinuna ni Haman iti ari, “Adda naidumduma a tattao nga agnaed ken nawaraswaras iti amin a probinsia ti pagariam. Maigiddiat ti ugalida kadagiti dadduma a tattao, ket dida agtungpal kadagiti linteg ti pagarian. Natan-ok nga Ari, saanmo a pagimbagan no bay-am a kastoy ti aramidda.

Dagiti Salmo 106:27

ket iwarasna dagiti kaputotanda kadagiti pagilian, bay-anna ida a matay kadagiti ganggannaet a daga.

Dagiti Salmo 44:11

Impalubosmo a mapartikami a kas karnero, inwaraswarasnakami kadagiti ganggannaet a nasion.

Dagiti Salmo 44:12

Inlakom dagiti tattaom, nalaka ti nangilakoam kadakuada a kasla ket awanen patpategda.

Isaias 1:7

Nadadael a namimpinsan ti pagilianyo ket napuoran dagiti siudadyo agingga a dimmapuda. Iti imatangyo, sakupen dagiti ganggannaet ti dagayo ket dadaelenda ti amin.

Isaias 6:11

Sinaludsodko, “Kasano ti kabayagna a kastoy, O Apo?” Insungbatna, “Agingga a madadael dagiti siudad ket awanen agnaed. Agingga nga awanen agnaed kadagiti balbalay. Agingga nga aglangalang a mamimpinsan ti daga.

Jeremias 13:24

Iwarawaranakayto ti Apo a kas iti garami nga itayab ti angin-let-ang.

Jeremias 15:4

Pagbalinekto ida a pagbutbutngan dagiti pagarian ti lubong gapu iti dakes nga inaramid ni Manases nga anak ni Hezekias iti Jerusalem idi isu ti ari idiay Juda.”

Jeremias 31:10

Kuna ni Yahweh, “Dumngegkayo kaniak, dakayo a nasion, ipakaammoyo ti saok kadagiti adayo a purpuro. Winarawarak dagiti tattaok ngem ummongek ken bantayakto ida a kas iti panangaywan ti agpaspastor iti arbanna.

Jeremias 4:7

Kas iti leon a rummuar iti rukibna, umayen ti agdaddadael kadagiti nasion. Umayna dadaelen ti Juda. Madadaelto dagiti siudadna. Ket mabaybay-andanton a rebrebba nga awan ti agyan kadakuada.

Jeremias 7:34

Agbalinto ti daga a let-ang. Gibusakto ti ragsak ken rag-o kadagiti siudad ti Juda ken kadagiti kalkalsada ti Jerusalem. Saanton a mangngeg dagiti naragsak nga ariwawa ti parambak dagiti agkasar.

Jeremias 8:3

Dagiti tattao iti daytoy dakes a kaputotan a nakalasat nga agnaed kadagiti disso a nangibellengak kadakuada, kaykayatdanto ti matay ngem ti agbiag. Daytoy ti saok, siak ni Yahweh a Mannakabalin-amin.”

Jeremias 9:16

Iwaraskonto ida kadagiti nasion a saanda pay a nadamdamag, kadagiti nasion a di met nadamdamag dagidi ammada. Ibaonkonto dagiti armada a maibusor kadakuada agingga a maikisapko amin ida.”

Dungdung-aw 1:1

Naglidayen ti kasasaad ti Jerusalem! Adu idi ti taona ngem ita nabaybay-anen. Raraemen idi ti lubong, ngem ita kasla maysan a balo. Katan-okan idi kadagiti siudad ngem nagbalin a tagabu.

Dungdung-aw 1:3

Awan gawayna a tagabu dagiti tattao ti Juda. Napilitda a naitalaw kadagiti pagtaenganda. Agnaeddan iti sabali a dagdaga. Ket awan ti disso a mabalinda a kuna a kukuada. Linawlaw ida dagiti kabusorda ket awan ti paglisianda.

Dungdung-aw 4:15

“Umadayokayo!” ipukkaw dagiti tattao. “Natulawankayo! Didakam sagsagiden.” Nagalla-allada ngarud kadagiti pagilian; awan a pulos ti nangpasangbay kadakuada.

Dungdung-aw 4:16

Awan pangaramatan kadakuada ti Apo; isu met la ti nangwarawara kadakuada. Dina binigbig dagiti papadi ken papangulomi.

Ezekiel 12:20

Madadaelto dagiti siudad a napno ita kadagiti tattao, ket agbalinto a let-ang ti pagilian. Iti kasta, mabigbigdanto a siak ni Yahweh.”

Ezekiel 20:23

Isut' gapuna a nagsapataak manen idiay let-ang. Insapatak nga iwarasko ida iti entero a lubong.

Ezekiel 22:15

Warawaraekto dagiti tattaom ket iwaraskonto ida kadagiti nadumaduma a nasion ken pagilian. Iti kasta, gibusakto ti amin a dakes nga aramidmo.

Ezekiel 5:2

Puoram ti apagkatlo ti buok iti uneg ti siudad inton malpas ti pannakalakubna. Babaen iti kampilanmo, putputdem ti maysa nga apagkatlo bayat ti panangsursormo iti ruar ti siudad. Ipurruakmo iti angin ti natda nga apagkatlo, ket asutek ti kampilanko bayat ti panangkamatko kadakuada.

Oseas 9:6

Kitaenyo! Inton itarayanda ti pannakadadael, dagitinto taga-Egipto ti mangawat kadakuada ket maitanemdanto idiay Memfis. Makumotanto iti barsanga dagiti gamengda. Agtubonto ti sisiitan kadagiti taengda.

Amos 9:4

No italaw ida a kas balud dagiti kabusorda, papapataykonto ida iti kampilan. Diak tulongan ida, ket inkeddengkon a patayen ida.”

Zacarias 7:14

Kaslaak la bagio a nangipalais kadakuada ket nawarawarada a nagnaed kadagiti nadumaduma a pagilian. Pinaglangalang dagita a nasion daytoy nasayaat a daga ket awan ti nabati nga agnaed.”

San Lucas 21:24

Addanto dagiti mapapatay iti kampilan ket maipanto ti dadduma a kas balud kadagiti amin a pagilian. Baddebaddekento dagiti Hentil ti Jerusalem, agingga iti panagpatingga dagiti aldaw dagiti Hentil.”

Deuteronomio 4:27

Iwarawaranakayto ti Apo kadagiti sabali a nasion; manmanonto kadakayo ti makalasat sadiay.

Santiago 1:1

Patgek a Kakabsat: Kablaawankay amin a tattao ti Dios a naiwaraswaras iti entero a lubong. Siak, ni Santiago nga agserserbi iti Dios ken ni Apo Jesu-Cristo, ti naggapuan daytoy a surat.