Levitico 26:25 - Ti Baro a Naimbag a Damag Biblia

²⁵ No salungasingenyo ti tulagantayo, yegkonto ti gubat a pangdusak kadakayo; no agkamangkayo kadagiti siudadyo, mangyegakto kadagiti sakit a di maagasan ket kapilitanto a sumukokayo kadagiti kabusoryo.

Ti Biblia (1973)

²⁵ Ket yegconto cadacayo ti maysa a campilan a mangtungpal ti ibales ti tulag; ket dacayo aggoommungcayto nga agtitipon iti uneg ti iliyo: ket siac ibaonconto cadacayo ti angol; ket dacayo mayawatcayto iti ima ti cabusor.

Levitico 26:25 Iomraidhean Croise

2 Samuel 24:15

Ngarud, nangyeg ni Yahweh iti angol iti Israel a nangrugi iti dayta a bigat ket nagpatingga iti intudingna a tiempo. Manipud Dan agingga idiay Beerseba, 70,000 nga Israelita ti natay.

1 Ar-ari 8:33

“No parmeken ti kabusor dagiti tattaom nga Israelita gapu ta nagbasolda kenka ngem agsublida kenka, agdaydayawda kenka ken agkararagda ditoy Templo ket agdawatda iti pammakawan,

1 Ar-ari 8:37

“No adda bisin iti daga wenno angol wenno dadaelen ti napudot nga angin dagiti mula wenno iggesen dagitoy wenno ibusen ti pangen ti dudon, wenno rauten dagiti kabusor dagiti tattaom wenno adda aniaman a didigra wenno sakit a mapagtengda,

2 Ar-ari 17:3

Ginubat ni Salmaneser nga emperador ti Asiria. Simmuko ni Oseas ket tinawen a nagbuis iti emperador.

2 Cronicas 24:24

Bassit ti armada ti Siria ngem impalubos ni Yahweh a parmekenda ti armada ti Juda a dakdakkel nga adayo ngem isuda. Binaybay-an ngamin dagiti tattao ni Yahweh a Dios dagidi kapuonanda. Kastoy ti pannakadusa ni Ari Joas.

Dagiti Salmo 94:1

O Apo, maysaka a Dios a mangdusa; ipakitam ti pungtotmo!

Exodo 5:3

Kinunada kenkuana, “Nagparang kadakami ti Dios dagiti Hebreo. Ipalubosmo koma nga agdaliasatkami idiay let-ang iti tallo nga aldaw tapno agidatonkami iti Apo a Diosmi. No saan, patayennakami iti sakit wenno gubat.”

Isaias 1:20

Ngem no dikay agtulnog ket sukirendak, masentensiaankayto a matay.” Daytoy ti sao ni Yahweh.

Isaias 65:12

Intudingkayo a matay iti kampilan gapu ta didak impangag idi inayabankayo. Didak inkankano idi nagsaoak. Kinaykayatyo ti nagsukir kaniak ken nagaramid iti dakes.

Jeremias 19:7

Iti daytoy a lugar, lapdakto ti amin a panggep dagiti tattao ti Juda ken Jerusalem. Bay-akto a parmeken ida dagiti kabusorda ket mataydanto iti paggugubatan. Ipakankonto ti bangkayda kadagiti tumatayab ken kadagiti atap nga animal.

Jeremias 24:10

Mangyegakto iti gubat, bisin ken sakit kadakuada, agingga nga awan a pulos ti matda kadakuada iti daga nga intedko kadakuada ken kadagiti kapuonanda.”

Jeremias 50:28

Nagkamang idiay Sion dagiti nagtalaw idiay Babilonia ket imbagada ti panangibales ti Apo a Diostayo iti dakes nga inaramid ti Babilonia iti Templona.)

Jeremias 51:11

Gapu ta panggep ni Yahweh a dadaelen ti Babilonia, tinignayna dagiti ari ti Media. Kastoy ti panangibalesna iti pannakadadael ti Templona. Imbilin dagiti dumarup nga ofisiales, “Asaenyo dagiti panayo! Isaganayo dagiti kalasagyo!

Jeremias 9:16

Iwaraskonto ida kadagiti nasion a saanda pay a nadamdamag, kadagiti nasion a di met nadamdamag dagidi ammada. Ibaonkonto dagiti armada a maibusor kadakuada agingga a maikisapko amin ida.”

Dungdung-aw 2:21

Kadagiti kalsada, agkaiwara't bangbangkay dagiti ubbing ken nataengan, dagiti agtutubo a babbai ken lallaki, isuda a napapatay iti kampilan. Awan asim a nangpapatay kadakuada iti aldaw ti pungtotmo.

Ezekiel 14:17

“Wenno nalabit a mangyegak iti gubat iti dayta a pagilian a pangipanak kadagiti naranggas nga igam ket patayek amin dagiti tattao agraman dagiti animal,

Ezekiel 20:37

“Naingetto ti panangiturayko kadakayo tapno tungpalenyo ti tulag.

Ezekiel 29:8

Ngarud, siak nga Apo a Dios, ibagak kadakayo nga ibaonkonto dagiti lallaki a mangdarup kadakayo iti kampilan. Papatayendakayto ken dagiti animalyo.

Ezekiel 33:2

Kinunana, “Anak ti tao, ibagam kadagiti kailiam ti mapasamak no yegko ti gubat iti maysa a pagilian. Mangdutok dagiti tattao iti dayta a pagilian iti maysa kadakuada nga agbalin a guardia.

Ezekiel 5:17

Yegkonto ti bisin, ket ibaonkonto dagiti narungsot nga animal a mangpapatay kadagiti annakmo. Yegkonto ti sakit, ranggas ken gubat a mangpapatay kenka. Siak, ni Yahweh, ti nagsao iti daytoy.”

Ezekiel 6:3

Ibagam kadagiti bambantay ti Israel a denggenda ti sao ti Apo a Dios. Daytoy ti saok kadagiti bantay, turod, derraas ken tanap: Mangyegakto iti kampilan a mangdadael kadagiti luglugar a pagdaydayawan dagiti tattao kadagiti imahen.

Oseas 11:6

Addanto gubat nga agdakiwas kadagiti siudadda, ket marpuogto dagiti sarikedkedda. Madadaelto dagiti tattaok gapu ta sinurotda ti ammoda a nasayaat.

Levitico 26:6

“Agturayto ti kappia iti daga ket mabalinyonto ti maturog nga awan ti pagbutnganyo. Pukawekto dagiti narungsot nga animal iti daga ket awanton ti gubat sadiay.

Amos 4:10

“Dinidigrakayo a kas iti panangdidigrak iti Egipto. Pinatayko dagiti agkabannuagyo iti gubat ket intalawko dagiti kabalioyo. Pinagbangsitko dagiti kampoyo ket nabuyok ti inang-angotyo. Ngem saankayo latta a nagsubli kaniak.

Habakuk 3:5

Ibaonna ti sakit iti sangoananna; bilinenna a sumaruno ti patay.

Numero 14:12

Mangyegak iti angol ket dadaelek ida. Ngem pagbalinenka nga ama ti maysa a nasion a dakdakkel ken nabilbileg ngem isuda.”

Numero 16:49

Agdagup iti 14,700 dagiti natay, malaksid dagiti napapatay iti panagsukir ni Kora.

Numero 31:3

Ngarud, imbaga ni Moises kadagiti tattao, “Agsaganakayo a makigubat; rautenyo dagiti Midianita ket balsenyo ida gapu iti inaramidda iti Apo.

San Lucas 21:11

Addanto dagiti nakaam-amak a ginggined, panagbisin ken angol kadagiti nadumaduma a disso, ket iti tangatang agparangto dagiti nakabutbuteng a banag ken nakaskasdaaw a pagilasinan.

Deuteronomio 28:21

Agsasarunonto a sakit ti sagabaenyo agingga nga awan matda kadakayo iti daga nga inkay sakupen.

Deuteronomio 32:25

Adunto ti matay kadagiti kalsada gapu iti gubat, adunto ti matay kadagiti balbalay gapu iti buteng. Matayto dagiti agtutubo a lallaki ken babbai, kasta met dagiti maladaga ken lallakay nga ubanan.

Deuteronomio 32:35

Balsen ken dusaento ida ti Apo, asidegen ti aldaw nga agdissuor kadakuada ti didigra. Saanen a mabayag ti panagkanibusananda.

Deuteronomio 32:41

nga asaek ti sumilsilap a kampilanko, ket ikagumaak a maaramid ti kinalinteg. Balsek dagiti kabusorko, ket dusaek dagiti gumurgura kaniak.

Uk-ukom 15:11

Napan ti 3,000 a lallaki ti Juda iti rukib iti rangkis idiay Etam ket kinunada ken ni Samson, “Dimo aya ammo a dagiti Filisteo ti mangituray kadatayo? Kitaem ti inaramidmo kadakami?” “Inaramidko laeng kadakuada ti kas iti inaramidda kaniak,” insungbatna.