Levitico 26:17 - Ti Baro a Naimbag a Damag Biblia

¹⁷ Busorenkayto tapno parmekendakayto dagiti kabusoryo; iturayandakayto dagiti manggurgura kadakayo. Iti butengyo, agtataraykayto uray no awan mangkamkamat kadakayo.

Ti Biblia (1973)

¹⁷ Ket iparangconto ti rupac a bumusor cadacayo, ket dacayo macabilcayto iti sango dagiti cabusoryo; dagiti gumura cadacayo isudanto ti mangituray cadacayo; ket agtalawcayto nga uray awan ti cumamat cadacayo.

Levitico 26:17 Iomraidhean Croise

Genesis 4:12

No mulaam ti daga, awanto ti maapitmo. Awanto ti masnop a pagtaengam ket agalla-allakanto iti daga.”

1 Ar-ari 8:33

“No parmeken ti kabusor dagiti tattaom nga Israelita gapu ta nagbasolda kenka ngem agsublida kenka, agdaydayawda kenka ken agkararagda ditoy Templo ket agdawatda iti pammakawan,

2 Ar-ari 13:3

Daytoy ti gapuna a nakapungtot ni Yahweh iti Israel, ket masansan a palubosanna ni Hazael nga ari ti Siria ken ni Ben-hadad nga anakna a mangparmek iti Israel.

2 Ar-ari 13:7

Awan ti natda nga armada ni Joacaz, malaksid ti 50 a mannakigubat a nagkabalio, sangapulo a lugan a pakigubat ken 10,000 a mannakigubat, gapu ta dinadael ti ari ti Siria dagiti dadduma; imbaddebaddekna ida a kasla tapok.

Dagiti Salmo 44:10

Impalubosmo nga intarayanmi dagiti kabusormi, ket sinamsamda dagiti sanikuami.

Dagiti Salmo 53:5

Ngem napalalo ti panagbutengda; saan pay a napasamak ti kastoy kadakuada! Ngamin, iwarawaranto ti Dios dagiti tultulang ti kabusor ti ilina. Nailaksidda isut' gapuna a parmeken ti Israel ida.

Dagiti Salmo 53:6

Aggapu koma iti Sion ti pannakaisalakan ti Israel! Inton parang-ayen manen ti Dios dagiti tattaona, agrag-onto ti kaputotan ni Jacob, agragsakto dagiti tattao ti Israel.

Dagiti Proverbio 28:1

Agtaray ti managdakdakes uray awan kumamkamat kenkuana, ngem ti nalinteg natured a kas iti leon.

Isaias 30:17

No makakitakayo iti maysa a kabusor, agtaray ti sangaribu kadakayo ket limanto la a kabusor ti umdas a mamagtaray kadakayo amin. Awanto ti mabati iti armadayo malaksid ti palo ti bandera a nabaybay-an iti tapaw ti maysa a turod!

Isaias 63:10

Ngem nagsukirda kenkuana ket pinagladingitda. Ngarud, nagbalin ti Apo a kabusorda ket isu a mismo ti nakiranget kadakuada.

Jeremias 19:7

Iti daytoy a lugar, lapdakto ti amin a panggep dagiti tattao ti Juda ken Jerusalem. Bay-akto a parmeken ida dagiti kabusorda ket mataydanto iti paggugubatan. Ipakankonto ti bangkayda kadagiti tumatayab ken kadagiti atap nga animal.

Jeremias 44:11

“Iti kasta, siak, ni Yahweh a Mannakabalin-amin a Dios ti Israel didigraenkayto ket ikisapkonto ti entero a Juda.

Dungdung-aw 1:5

Nagballigi dagiti kabusorna, Adda ti Jerusalem iti pannakabalinda. Pinagsagaba ni Yahweh gapu kadagiti adu a basolna. Uray dagiti annakna natiliwda ket naipanawda.

Dungdung-aw 2:4

Mayarig ti Apo iti kabusor a nangipaturong kadagiti panana kadatayo. Pinapatayna dagiti amin a pagtangtangsit ken pagragsakantayo. Ditoy Jerusalem, nariknatayo ti gumilgil-ayab a pungtotna.

Ezekiel 15:7

Dusaekto ida. Nalisianda ti maysa nga apuy ngem apuyto met laeng ti mangpapatay kadakuada. Inton dusaek ida, maammoanyonto a siak ni Yahweh.

Levitico 17:10

Kabusor ti Apo ti siasinoman nga Israelita wenno ganggannaet nga agnaed iti Israel nga agsida iti dara; ilaksidna iti gimong dagiti tattaona.

Deuteronomio 28:25

“Ipalubosto ti Apo a parmekendakayo dagiti kabusoryo. Maymaysanto ti paggapuanyo a manggubat kadakuada ngem agtataraykayto a mawarawara ket diyonto ammo ti turturongenyo. Agbutengto dagiti amin a tattao ditoy daga a makakita iti mapasamak kadakayo.

Josue 7:4

Napan ngarud ti agtalloribu nga Israelita, ngem kapilitan a nagsanudda.

Uk-ukom 2:14

Napalalo ti pungtot ni Yahweh iti Israel, isut' gapuna a binay-anna dagiti kabusorda a mangraut kadakuada ken mangsamsam kadagiti sanikuada. Pinagballigi ti Dios dagiti amin a kabusorda iti aglikmut ket dida masalaknibanen dagiti bagbagida.

Uk-ukom 3:14

Sangapulo ket walo a tawen nga inadipen ni Eglon dagiti Israelita.

Uk-ukom 3:8

ket nakapungtot ni Yahweh iti Israel. Pinalubosanna ni Cusa Risataim nga ari ti Mesopotamia a mangparmek kadakuada. Inturayanna ida iti walo a tawen.

Uk-ukom 6:2

Saan a kabaelan dagiti Israelita a sarangten dagiti Midianita, isu a kapilitan a nagkamang dagiti Israelita kadagiti rukib ken kadagiti natalged a luglugar iti kabambantayan.

1 Samuel 12:15

Nupay kasta, no diyo ipangag ti Apo ket sukirenyo dagiti bilinna, busorennakayto ken ti ariyo.

1 Samuel 31:1

Sinunson dagiti Filisteo dagiti Israelita idiay Bantay Gilboa. Adu ti natay kadagiti Israelita ket nagtataray dagiti dadduma agraman ni Saul ken dagiti annakna.

1 Samuel 4:10

Sipipinget a nakirupak dagiti Filisteo. Naparmek dagiti Israelita ket nagtatarayda a nagawid. Nakaad-adu ti napapatay: 30,000 a mannakigubat nga Israelita.