Levitico 26:16 - Ti Baro a Naimbag a Damag Biblia

¹⁶ kellaatto nga idissuorko dagiti didigra kadakayo—dagiti saan a maagasan a sakit ken gurigor a mamagbulsek kadakayo a pakaigapuan ti main-inut a pannakagudas ti biagyo. Diyonto pakairanudan dagiti immulayo gapu ta kanento dagiti kabusoryo.

Ti Biblia (1973)

¹⁶ Siac aramidecto met daytoy cadacayo: mangicabilacto iti nacakigkigtot cadacayo, nga isu ti sarot ken gorigor a mangdadael cadagiti mata, ken mamagliday iti cararua ket dacayo imulayonto dagiti bin-iyo iti ubbaw, ta dagiti cabusoryo ti manganto.

Levitico 26:16 Iomraidhean Croise

1 Ar-ari 8:37

“No adda bisin iti daga wenno angol wenno dadaelen ti napudot nga angin dagiti mula wenno iggesen dagitoy wenno ibusen ti pangen ti dudon, wenno rauten dagiti kabusor dagiti tattaom wenno adda aniaman a didigra wenno sakit a mapagtengda,

Ti Libro ni Job 18:11

Nalikmut iti nakaro a pammutbuteng; sumursurot kenkuana iti sadinoman a papananna.

Ti Libro ni Job 20:25

Salputen ti pana ti bagina, ket agaruyot ti darana iti sumilsilap a murdongna; buteng ti manglapunos iti pusona.

Ti Libro ni Job 31:8

madadael koma dagiti mulak, wenno kanen ti sabali a tao dagiti apitko.

Dagiti Salmo 109:6

Mangdutokka iti rinuker nga ukom a mangusig iti kabusorko, ket aramatem ti maysa kadagiti kabusorna a mangidarum kenkuana.

Dagiti Salmo 73:19

Apagdarikmat ti pannakaikisapda; nakabutbuteng ti paggibusanda.

Dagiti Salmo 78:33

Ngarud, kasla anges ti kaababa ti aldawda, ginudasna ida iti kellaat a didigra.

Exodo 15:26

Kinunana kadakuada, “No ipangagyo a sipupudno ti ibagak, ni Yahweh a Diosyo, ket aramidenyo ti ibilangko a nalinteg, saankayto a dusaen iti uray ania a sakit nga impalak-amko kadagiti Egipcio. Siak ni Yahweh a mamaimbag kadakayo.”

Dagiti Proverbio 3:33

Ilunod ti Apo ti balay dagiti managdakdakes ngem bendisionanna ti taeng dagiti nalinteg.

Isaias 10:4

Mataykayto iti paggugubatan wenno maulod-ulodkayto a mayadayo a kas balud. Uray no kasta, saan nga agbaaw ti pungtot ti Apo ket silalayat pay laeng ti imana a mangdusa.

Isaias 62:8

Insapata ti Apo a babaen iti bilegna, ibanagna nga ibanag daytoy: “Dinton kanen ti kabusoryo ti taraonyo, dinton inumen dagiti ganggannaet ti arakyo.

Isaias 7:2

Idi maipadamag iti ari ti Juda nga addan dagiti armada ti Siria iti sakup ti Israel, kasta unay ti butengna, kasta met amin a tattaona ket nagpigergerda a kas kadagiti kayo a daldalapusen ti angin.

Jeremias 12:13

Nagmula dagiti tattaok iti trigo, ngem sisiit ti inapitda. Inggaedda ti nagtrabaho, ngem awan supapak ti bannogda. Gapu iti kasta unay a pungtotko, awan naapitda kadagiti mulada.”

Jeremias 15:3

Siak, ni Yahweh, nangikeddengak iti uppat a kita ti nakabutbuteng a didigra nga agdissuorto kadakuada: mapapataydanto iti gubat; ulod-ulodento dagiti aso dagiti bangkayda; kanento ida dagiti tumatayab, ken pagbibinggawanto dagiti atap nga animal dagiti matda.

Jeremias 15:8

Ad-adu dagiti babbai a balo ngem dagiti darat iti igid ti baybay. Pinatayko dagiti annakyo a lallaki idinto ta ubbingda pay, ket pinagsagabak dagiti innada. Kellaat nga indissuorko kadakuada ti tuok ken buteng.

Jeremias 20:4

Daytoy ti kinuna ti Apo, ‘Aramidenka a pagbutbutngan, ket kabutengmonto ti bagim. Kabutengnakanto met dagiti gagayyemmo. Makitamto amin ida a matay iti kampilan dagiti kabusorda. Yawatkonto amin a tattao ti Juda iti pannakabalin ti ari ti Babilonia. Addanto dagiti italawna nga ipan a balud idiay Babilonia ket papatayennanto dagiti dadduma.

Jeremias 5:17

Kanendanto dagiti apit ken taraonyo. Patayendanto dagiti amin nga annakyo. Alaendanto amin nga arban ken pangenyo. Ibusendanto dagiti ubas ken igosyo. Rebbaento ti armadada dagiti siudad a nasarikedkedan a pagtaltalgedanyo.

Ezekiel 24:23

Agabungot ken agsapatoskayto. Dikayto agdung-aw wenno agsangit. Mapukawkayto gapu iti basolyo, ket tunggal maysa umasug iti sabali.

Ezekiel 33:10

Nagsao ti Apo kaniak. Kinunana, “Anak ti tao, ulitem kadagiti Israelita ti sasawenda: ‘Madagsenankami kadagiti basolmi ken dagiti dakes a naaramidmi. Main-inut a mapukawkami. Awanen ti namnamami iti biag.’

Amos 5:11

Gapu ta idadanesyo dagiti napanglaw ket takawenyo ti trigoda, dikayto makapagnaed kadagiti napintas a balay a bato nga inaramidyo wenno makainum iti arak a naggapu iti napintas a kaubasan nga imulayo.

Mikias 6:15

Agmulakanto ngem saan a sika ti agapit. Agpespeskanto iti olibo ngem saan a sika ti mangaramat iti lanana. Agaramidkanto iti arak ngem saan a sika ti uminum.

Haggeo 1:6

Adu ti immulayo a trigo ngem bassit ti inapityo. Adda kanenyo ngem saan nga umanay a mangbussog kadakayo. Adda arak nga inumenyo ngem saan nga umdas a mangbartek kadakayo. Adda kawesyo ngem saan nga umanay a pagimengyo. Bassit ti mateggedan ti mangmangged. Saan nga umanay a pagbiagna.

Zacarias 14:12

Idissuorto ni Yahweh ti nakabutbuteng a sakit kadagiti pagilian a manggubat iti Jerusalem. Marunotto ti lasagda idinto a sibibiagda pay. Malungsotto dagiti mata ken dagiti dilada.

Malakias 2:3

Dusaekto dagiti kaputotanyo. Idumudomkayto kadagiti takki dagiti animal a datonyo. Ipurruakkayto nga iraman kadakuada.

Deuteronomio 28:51

Ibusendanto dagiti animal ken dagiti apityo ket mataykayto iti bisin. Awanto ti ibatida a taraonyo, arak, lana ti olibo, animal wenno karnero ket mataykayto.

Deuteronomio 32:25

Adunto ti matay kadagiti kalsada gapu iti gubat, adunto ti matay kadagiti balbalay gapu iti buteng. Matayto dagiti agtutubo a lallaki ken babbai, kasta met dagiti maladaga ken lallakay nga ubanan.

Hebreo 10:31

Nakabutbuteng ti matnag iti ima ti sibibiag a Dios.

Uk-ukom 6:11

Dimteng ti anghel ni Yahweh idiay Ofra ket nagtugaw iti sirok ti kayo a lugo a kukua ni Joas iti kaputotan ni Abiezer. Agir-irik idi ni Gideon nga anakna iti ayan ti pagpespesan iti ubas; ilemlemmengna ti panagirikna tapno saan a makita dagiti Midianita.

1 Samuel 2:33

Nupay kasta, pagtalinaedekto a sibibiag ti maysa kadagiti kaputotam, ket agserbinto kaniak a kas padi. Ngem agbulsekto ket mapukawnanto amin a namnamana. Nadawelto ti ipapatay dagiti dadduma a kaputotam.