Levitico 26:13 - Ti Baro a Naimbag a Damag Biblia

¹³ Siak, ni Yahweh a Diosyo, ti nangiruar kadakayo idiay Egipto tapno saankayon a matagabu. Inikkatko ti sangol a nangimameg kadakayo, isu a mabalinyo ti magna nga awan ti kabainyo.”

Ti Biblia (1973)

¹³ Siac ni Jehova a Diosyo a nangaon cadacayo iti daga nga Egipto, tapno dicay mabag-en cadacuada; ket dinadaelco dagiti paco a nacaisangolanyo, ket pinatacdercayo a magna.

Levitico 26:13 Iomraidhean Croise

Dagiti Salmo 116:16

Adipennak, O Apo, agserbiak kenka kas iti panagserbi daydi nanangko. Intedmo kaniak ti wayawaya.

Exodo 14:8

Pinatangken ni Yahweh ti puso ti ari ket kinamatna dagiti Israelita a pumampanaw a sibaballigi.

Exodo 20:2

“Siak ni Yahweh a Diosyo a nangiruar kadakayo idiay Egipto, iti daga a nakatagabuanyo.

Exodo 6:7

Pagbalinenkayto a tattaok ket siakto ti Diosyo. Maammoanyonto a siak ni Yahweh a Diosyo inton wayawayaankayo iti pannakatagabuyo idiay Egipcio.

Isaias 51:23

Itedkonto kadagiti nangparparigat kadakayo, kadagiti nangipaidda kadakayo kadagiti kalsada, ket kaskayo la rugit a binaddebaddekanda.”

Isaias 9:3

Kasta unay ti ragsakda, O Apo; inyegmo ti rag-oda. Gapu iti inaramidmo, agragsakda a kas kadagiti tattao a naragsak no agan-anida wenno bingbingayenda dagiti sinamsamda.

Jeremias 2:20

Kuna ti Apo a Dios, “Israel, nabayagen a linaksidmo ti panangiturayko. Dimo kinayat ti agtulnog ken agdaydayaw kaniak. Iti tunggal nangato a turod ken iti sirok ti nalangto a kayo, nagdaydayawka kadagiti didiosen, nagiddaka a kasla balangkantis.

Jeremias 28:2

a kinuna ti Apo a Mannakabalin-amin a Dios ti Israel, “Pinarmekkon ti pannakabalin ti ari ti Babilonia.

Jeremias 28:4

Isublikto ni Jeconias nga ari ti Juda ken anak ni Jehoyakim iti daytoy a lugar. Isublikto pay dagiti amin a tattao iti Juda a naipan a balud idiay Babilonia. Wen, parmekekto ti pannakabalin ti ari ti Babilonia. Siak, ni Yahweh, ti nagsao iti daytoy.”

Ezekiel 30:18

Agsipngetto ti init idiay Tafnes inton dadaelek ti pannakabalin ti Egipto ket gibusak ti bilegna a pagtangtangsit dagiti tattao. Addanto ulep a mangkumot iti Egipto ket maitalawto dagiti tattao iti amin a siudad.

Ezekiel 34:27

Agbunganto dagiti kayo, adunto ti maapit kadagiti taltalon ket agnaedto a sitatalged ti tunggal maysa iti bukodna a daga. Inton wayawayaak dagiti tattaok kadagiti nangtagabu kadakuada, inton pugsatek dagiti kawarda, maammoandanton a siak ni Yahweh.

Oseas 11:4

Indalanko ida babaen iti panangipateg ken panagayat. Inubbak ida nga inyasideg iti pingpingko. Nagrukobak a mangpakan kadakuada.

Levitico 25:38

Daytoy ti bilin ti Apo a Diosyo a nangiruar kadakayo idiay Egipto tapno itedna kadakayo ti daga ti Canaan ken tapno agbalin a Diosyo.

Levitico 25:42

Adipen ti Apo dagiti Israelita ket isu ti nangiruar kadakuada idiay Egipto. Saanda a mailako a kas tagabu.

Levitico 25:55

Saan a mabalin a tagabu iti agnanayon ti maysa nga Israelita agsipud ta adipen ti Apo dagiti tattao ti Israel. Inruarna ida idiay Egipto; isu ti Apo a Diosda.

Nahum 1:13

Gibusakon ti pannakabalin ti Asiria kadakayo, ket pugsatek dagiti kawar a nangbalud kadakayo.”