Levitico 26:10 - Ti Baro a Naimbag a Damag Biblia

¹⁰ Nawadwadto unay ti apityo ket umanayto a taraonyo iti makatawen; wen, adunto pay la ti sobrayo, ket masapul nga ibellengyo ti nabati iti baak nga apit a pempenyo tapno adda pangikabilan iti baro nga apit.

Ti Biblia (1973)

¹⁰ Ket canenyonto dagiti baac a pinenpen a nabayag a naidulin, ket alaenyonto nga umuna ti baac a gapu iti baro.

Levitico 26:10 Iomraidhean Croise

2 Ar-ari 19:29

Ket kinuna ni Isaias ken ni Ari Hezekias, “Adtoy ti maysa a pagilasinan ti mapasamakto. Ita ken inton umay a tawen, dagitinto laeng agtubtubo a trigo ti kanem ngem iti sumuno a tawen, mabalinmonton ti agmula iti trigo ket apitem. Mabalinmonton ti agmula iti ubas ket manganka iti ubas.

Joel 2:24

Mapnonto iti trigo dagiti pagirikan; aglippiasto iti arak ken lana dagiti tangke iti abay dagiti pagpespesan.

Levitico 25:22

Inton agmulakayo iti maikawalo a tawen, addanto pay la matda iti inapityo iti maikanem a tawen ket umanayto ti taraonyo agingga nga apitenyo dagiti immulayo iti dayta a tawen.

San Lucas 12:17

Kinunana iti bagina: ‘Ania ngata ti aramidek? Awan umanay a pagipempenak iti apitko.

Josue 5:11

Iti sumuno nga aldaw, damo a nanganda iti taraon a naapit idiay Canaan: iniruban ken tinapay nga awan lebadurana.