Levitico 24:8 - Ti Baro a Naimbag a Damag Biblia

⁸ Masapul a maikabil a kankanayon ti tinapay iti imatang ti Apo iti tunggal Aldaw a Panaginana. Agnanayon daytoy nga alagaden ti Israel.

Ti Biblia (1973)

⁸ Tunggal aldaw a panaginana urnosennanto iti sango ni Jehova iti agnanayon; isu ti awan patinggana a tulag a maipaay cadagiti annac ti Israel.

Levitico 24:8 Iomraidhean Croise

1 Cronicas 23:29

Isuda ti makaammo iti tinapay a maidaton iti Dios, iti arina a maaramat kadagiti daton, kadagiti tinapay nga awan lebadurana, kadagiti bibingka a daton, ken iti arina a nagamay iti lana. Isuda ti mangtimbang ken mangsukat kadagiti maidaton iti Templo.

1 Cronicas 9:32

Dagiti nagtaud iti familia ni Kohat ti makaammo iti pannakaisagana ti nasagradoan a tinapay a maipaay iti Templo iti tunggal Aldaw a Panaginana.

2 Cronicas 13:11

Binigat ken rinabii nga agidatagda kenkuana iti insenso ken animal a mapuoran a sibubukel. Idatagda dagiti datonda a tinapay iti maysa a lamisaan a nadalus iti imatang ti linteg ket rinabii a pasgedanda dagiti pagsilawan kadagiti balitok a kandelero. Aramidenmi dagiti imbilin ti Apo ngem binaybay-anyo ti Apo.

2 Cronicas 2:4

Ngamin, mangipatakderak iti templo a kas pammadayaw iti Apo a Diosko. Maikonsagrar daytoy a pagpuoran iti nabanglo nga insenso iti imatangna. Sadiayto met ti kanayon a pangidatonanmi kenkuana iti nasagradoan a tinapay ken pagpuoranmi kadagiti daton iti tunggal bigat ken rabii, iti tunggal Aldaw a Panaginana, iti tunggal Fiesta ti Lutuad ken kadagiti dadduma a nasantoan nga aldaw a pagdaydayaw iti Apo a Diosmi, kas naibilin a maannurot iti agnanayon iti Israel.

Nehemias 10:33

Itedmi dagitoy a kasapulan nga agpaay iti panagdaydayaw iti Templo: ti nasagradoan a tinapay, ti inaldaw a daton a makan, dagiti animal a mapuoran a kas daton iti inaldaw, dagiti nasagradoan a sagut iti Aldaw a Panaginana, iti Fiesta ti Lutuad ken dadduma pay a fiesta, dagiti dadduma a nasagradoan a daton, dagiti daton a pakapakawanan dagiti basol ti Israel ken aniaman a kasapulan iti Templo.

Exodo 25:30

Maikabil ti lamisaan iti sango ti Lakasa ti Tulag ket iti rabaw ti lamisaan, masapul nga adda latta ti tinapay a maidaton kaniak.

Numero 4:7

Arpawanda iti asul a lupot ti lamisaan a pakaikabilan ti tinapay a maidaton ken ni Yahweh sada iparabaw dagiti pinggan, dagiti malukong ti insenso, dagiti malukong dagiti daton ken dagiti harra a pagyanan ti arak a maidaton. Masapul nga adda latta tinapay iti lamisaan.

1 Samuel 21:7

Iti dayta nga aldaw, nairana nga adda sadiay ni Doeg nga Edomita a pangulo dagiti agay-aywan kadagiti arban ni Saul, ta masapul a tungpalenna ti maysa nga annongna a nasantoan.