Levitico 24:7 - Ti Baro a Naimbag a Damag Biblia

⁷ Iti tunggal intar, mangikabilkayo iti puro nga insenso a nayon ti tinapay a kas daton a mapuoran a panglagip iti Apo.

Ti Biblia (1973)

⁷ Ket iccamto iti nadalus nga incienso iti rabaw ti tunggal intar, tapno maipaay iti tinapay a panglagip, a maysa met laeng a daton a maaramid iti apuy ken Jehova.

Levitico 24:7 Iomraidhean Croise

Genesis 9:16

No agparang ti bullalayaw iti ulep, makitakto ket malagipko ti agnanayon a pannakitulagko kadagiti amin a sibibiag a parsua iti daga.”

Exodo 12:14

Rambakanyo iti agnanayon dayta nga aldaw kas maysa a nasagradoan a fiesta a mangipalagip kadakayo iti inaramidko.”

Exodo 13:9

Agbalinto daytoy a fiesta a pakalaglagipan kas iti maiputipot iti imayo wenno iti mugingyo; ipalagipnanto kadakayo nga itultuloyyo a basaen ken adalen ti Linteg ti Apo, gapu ta inruarnakayo ti Apo idiay Egipto babaen iti dakkel a pannakabalinna.

Exodo 17:14

Kalpasanna, kinuna ni Yahweh ken ni Moises, “Isuratmo ti pakasaritaan ti napasamak tapno saan a malipatan. Ibagam ken ni Josue nga ikisapkonto dagiti Amalekita.”

Exodo 28:12

Ikabilmo dagitoy bato kadagiti terante ti efod a pakakitaan kadagiti tribu ti Israel. Iti kastoy, awiten ni Aaron dagiti naganda iti abagana tapno, siak, ni Yahweh, kanayon a malagipko dagiti tattaok.

Isaias 43:23

Saanka a nangidatag iti karnero a mapuoran a kas daton kaniak. Saan a siak ti pinadayawam kadagiti sakrifisio nga indatonmo. Dika pinadagsenan iti panagdawatko iti sagutmo; dika rininggor iti panagkiddawko iti mapuoran nga insenso.

Levitico 2:1

No adda mangidatag iti daton a makan iti Apo, umuna pay nga aramidenna nga arina a nafino. Ikkanna daytoy iti lana ti olibo ken insenso

Levitico 2:2

sana ipan kadagiti papadi a kapuonan ni Aaron. Mangrakem ti padi iti arina ken iti lana ken amin nga insenso sana puoran iti rabaw ti altar a mangipakita a naidatonna amin iti Apo. Makaay-ayo ken nabanglo daytoy a daton iti Apo.

Levitico 2:9

Mangalanto ti padi iti sangkabassit a mangipakita a naidatag amin iti Apo, ket puoranna iti altar. Nabanglo ken makaay-ayo daytoy a daton iti Apo.

San Juan 6:35

Kinuna ni Jesus kadakuada, “Siak ti tinapay ti biag. Ti umay kaniak, dinto mabisinan, ket ti mamati kaniak, dinto mawaw.

San Juan 6:51

Siak ti sibibiag a tinapay a naggapu sadi langit. No kanen ti siasinoman daytoy a tinapay, agbiagto nga agnanayon. Ket ti tinapay nga itedkonto isu ti lasagko. Wen, itedko tapno agbiag ti lubong.”

Dagiti Aramid 10:31

Kinunana, ‘Cornelio, impangag ti Dios ti kararagmo ken nakitana dagiti ar-aramidem a pangtultulong kadagiti napanglaw.

Dagiti Aramid 10:4

Sibubuteng a minatmatan ni Cornelio ti anghel ket kinunana, “Ania kadi, Apo?” Kinuna ti anghel, “Impangag ti Dios dagiti kararagmo ken nakitana ti panangtultulongmo kadagiti napanglaw.

Taga-Efeso 1:6

Idaydayawtayo ti Dios gapu iti nakaskasdaaw a panangipakitana iti kinaimbagna kadatayo, gapu iti intedna a sagut kadatayo babaen iti inaramid ti dungdungngoenna nga Anak.

Hebreo 7:25

Isut' gapuna a kabaelanna nga isalakan dagiti umasideg iti Dios babaen kenkuana agsipud ta agbiag nga agnanayon a mangibabaet kadakuada iti Dios.