Levitico 24:6 - Ti Baro a Naimbag a Damag Biblia

⁶ Maurnos dagitoy iti dua nga intar—innem a tinapay iti tunggal intar—iti rabaw ti lamisaan a nakalupkopan iti puro a balitok iti imatang ti Apo.

Ti Biblia (1973)

⁶ Ket sica urnosemto ida iti dua nga intar, innem iti maysa nga intar iti rabaw ti nadalus a lamisaan iti saclang ni Jehova.

Levitico 24:6 Iomraidhean Croise

1 Ar-ari 7:48

Nagpaaramid pay ni Solomon kadagiti balitok nga alikamen ti Templo: ti altar a balitok, ti lamisaan ti tinapay a maidaton iti Dios,

2 Cronicas 13:11

Binigat ken rinabii nga agidatagda kenkuana iti insenso ken animal a mapuoran a sibubukel. Idatagda dagiti datonda a tinapay iti maysa a lamisaan a nadalus iti imatang ti linteg ket rinabii a pasgedanda dagiti pagsilawan kadagiti balitok a kandelero. Aramidenmi dagiti imbilin ti Apo ngem binaybay-anyo ti Apo.

2 Cronicas 4:19

Nagpaaramid pay ni Ari Solomon kadagiti balitok nga alikamen ti Templo: ti altar, dagiti lamisaan a pakaisaadan dagiti tinapay a maidatag iti Dios;

Nehemias 10:33

Itedmi dagitoy a kasapulan nga agpaay iti panagdaydayaw iti Templo: ti nasagradoan a tinapay, ti inaldaw a daton a makan, dagiti animal a mapuoran a kas daton iti inaldaw, dagiti nasagradoan a sagut iti Aldaw a Panaginana, iti Fiesta ti Lutuad ken dadduma pay a fiesta, dagiti dadduma a nasagradoan a daton, dagiti daton a pakapakawanan dagiti basol ti Israel ken aniaman a kasapulan iti Templo.

Nehemias 10:34

Dakami a tattao, papadi ken Levita, tinawen nga agbibinnunotkami tapno maammoan ti familia a mangted iti kayo a pagpuor iti daton a maidatag iti Apo a Diosmi, kas mayannurot iti bilin ti Linteg.

Exodo 25:30

Maikabil ti lamisaan iti sango ti Lakasa ti Tulag ket iti rabaw ti lamisaan, masapul nga adda latta ti tinapay a maidaton kaniak.

Exodo 39:36

ti lamisaan ken amin nga alikamenna, ti tinapay a maidaton iti Dios,

Ezekiel 41:22

altar a kayo. Maysa ket kagudua a metro ti kangato ken maysa a metro ti kaakabana. Pasig a kayo dagiti poste ti sulina, ti pagbatayanna ken dagiti didingna. Imbaga kaniak ti lalaki, “Daytoy ti lamisaan nga adda iti sangoanan ti Apo.”

1 Taga-Corinto 14:40

Masapul a maaramid nga umno ken naurnos ti amin a banag.

Hebreo 9:2

Nabangon ti maysa a tabernakulo, daydi akinruar, a maaw-awagan iti Nasantoan a Disso. Ditoy ti ayan ti kandelero, ken ti lamisaan nga ayan ti tinapay a naidaton iti Dios.