Levitico 24:19 - Ti Baro a Naimbag a Damag Biblia

¹⁹ “No dangran ti maysa a tao ti padana a tao, lak-amenna met laeng ti kas iti inaramidna.

Ti Biblia (1973)

¹⁹ Ket no ti maysa a tao ranggasanna ti padana a tao, cas ti inaramidna, casta met ti maaramidto kencuana:

Levitico 24:19 Iomraidhean Croise

Exodo 21:23

Ngem no madunor ti babai, madusa ti nangdangran: biag iti biag,

Exodo 21:24

mata iti mata, ngipen iti ngipen, ima iti ima, saka iti saka,

Exodo 21:25

puor iti puor, sugat iti sugat, dunor iti dunor.

Levitico 24:18

Ti siasinoman a mangpatay iti animal a kukua ti sabali a tao, masapul a suktanna ti pinatayna. Ta no biag ti inutangmo, biag met ti pagbayadmo.

Levitico 24:20

No nangtukkol iti tulang, masapul a matukkol met ti maysa kadagiti tulangna. No bulsekenna ti maysa a mata, masapul a mabulsek met ti maysa kadagiti matana; no mangpusi iti maysa a ngipen, masapul a mapusi met ti maysa a ngipenna. No ania ti inaramidna iti padana a tao, kasta met ti maaramid kenkuana.

San Mateo 5:38

“Nangngegyo a naisao, ‘Mata iti mata; ngipen iti ngipen.’

San Mateo 7:2

ta ukomennakayto ti Dios a kas iti panangukomyo kadagiti sabali. Ti pangrukodyo iti sabali isunto met laeng ti pangrukod ti Dios kadakayo.

Deuteronomio 19:21

Dikay mangngaasi; no biag ti inutangmo, biag met ti pagbayadmo, mata iti mata, ngipen iti ngipen, ima iti ima ken saka iti saka.”

Uk-ukom 1:7

Kinuna ni Adonibezek, “Inikkatko ti tangan ti ima ken saka dagiti 70 nga ar-ari ket nagpidpidutda iti murkat iti sirok ti lamisaanko. Binalesnakon ti Dios gapu iti inaramidko kadakuada.” Naipan ni Adonibezek idiay Jerusalem, ket sadiay ti nakatayanna.