Levitico 22:25 - Ti Baro a Naimbag a Damag Biblia

²⁵ Diyo idatag a daton a makan ti aniaman nga animal a naggapu iti ganggannaet. Maibilang nga adda depektona ti kasta nga animal ket saanda a maawat.

Ti Biblia (1973)

²⁵ Uray aggapu iti ima ti gangannaet dicay met idaton ti tinapay ti Diosmo iti uray ania cadagitoy; ta ti kinadakesda adda cadacuada, ti pacapilawan adda cadacuada: saandanto a maawat a maipaay cadacayo.

Levitico 22:25 Iomraidhean Croise

Ezekiel 44:7

Tinulawanda ti Templo babaen iti panangipalubosda a sumrek dagiti ganggannaet a di nakugit a tattao a saan nga agtulnog kaniak—iti Templo bayat ti pannakaidatag ti taba ken dara dagiti sakrifisio a maidaton kaniak. Ngarud, sinalungasing dagiti tattaok ti nagtutulaganmi gapu kadagiti amin a nakababain nga aramidda.

Levitico 21:6

Masapul a nasantoan ti padi ket dina ibabain ti naganko. Agidatag kadagiti daton a mapuoran, ket masapul nga agbalin a nasantoan.

Levitico 21:8

Masapul nga ibilang dagiti tattao a nasantoan ti padi, agsipud ta agidatag kaniak kadagiti daton a mapuoran. Siak ni Yahweh. Nasantoanak, ket pasantoek dagiti tattaok.

Levitico 22:26

No mayanak ti urbon a baka, karnero wenno kalding, masapul a saan a mayadayo iti inana iti las-ud ti pito nga aldaw, ngem kalpasan dayta a tiempo, mabalinen nga idatag a daton a mapuoran.

Numero 16:40

Ballaag daytoy kadagiti Israelita nga awan ti mapalubosan nga agpuor iti insenso iti imatang ni Yahweh no saan a padi wenno agtaud iti kaputotan ni Aaron. No saan, mapapatay a kas ken ni Kora ken dagiti tattaona. Inaramid amin dagitoy ni Eleazar kas imbilin ti Apo ken ni Moises.

Taga-Efeso 2:12

Naisinakay idi ken Cristo. Ganggannaetkayo idi ket saankayo a naibilang kadagiti napili a tattao ti Dios. Saankay a nairaman kadagiti katulagan ti Dios kadagiti tattaona ken naibatay kadagiti karina kadakuada. Nagbiagkayo ditoy lubong nga awanan namnama ken awanan pannakainaig iti Dios.

1 Juan 5:18

Ammotayo a di agbasol ti anak ti Dios, ket saan a dangran ti Managdakdakes, ta salakniban ti Anak ti Dios.