Levitico 22:21 - Ti Baro a Naimbag a Damag Biblia

²¹ No mangidatag ti siasinoman a tao iti daton a pakikappia iti Apo, daton man a pagtungpal iti kari wenno daton nga agtaud iti nakemna, masapul nga awan pakapilawan ti animal tapno maawat.

Ti Biblia (1973)

²¹ Ket siasino man a mangirucbab iti maysa a sacrificio dagiti daton a cappia ken Jehova a pagtungpalna iti maysa a cari, wenno maipaay a daton ti sibubulos a nakem iti arban, wenno iti pangen masapul nga awan pagcuranganna tapno maawat; daytay awanto ti pacapilawanna.

Levitico 22:21 Iomraidhean Croise

Genesis 28:20

Insapata ni Jacob ken ni Yahweh a Dios, “No addaka kaniak ket salaknibannak iti daytoy a panagdaliasatko, no ikkannak iti taraon ken kawes,

Dagiti Salmo 50:14

Ti panagyamanmo isu komat' sakrifisiom iti Dios; itedmo iti Kangatoan ti amin nga inkarim.

Exodo 35:29

Tunggal Israelita nga adda maitulongna ket indatagna ti sagut ken ni Yahweh para iti trabaho a paaramid ni Yahweh ken ni Moises.

Dagiti Proverbio 7:14

“Nangidatagak iti datonko ita nga aldaw, ket nangilasinak iti karne a paset ti sakrifisio.

Levitico 22:22

Diyo idatag iti Apo ti animal a bulsek wenno pilay wenno puted ti sakana wenno aggaddil wenno agkurad wenno aggudgod. Diyo idatag ti kasta nga animal a daton a mapuoran iti altar.

Levitico 3:1

No adda mangidatag iti maysa kadagiti bakana a kas daton a pakikappia, masapul a toro wenno kabaian nga awan depektona.

Levitico 3:6

No karnero wenno kalding ti daton a pakikappia, mabalin a kalakian wenno kabaian, ngem masapul nga awan depektona.

Numero 15:3

Mabalin a maidatag iti Apo ti toro a baka, kalakian a karnero, maysa nga urbon ti karnero wenno kalding, a kas daton a mapuoran wenno daton a pagtungpal iti kari wenno daton nga agtaud iti bukod a nakem wenno kas daton kadagiti naituding a nasantoan a fiestayo. Nabanglo dagitoy a daton iti Apo.

Numero 15:8

No toro a baka ti idatag iti Apo a daton a mapuoran wenno kas daton a pagtungpal iti kari wenno kas daton a pakikappia,