Levitico 22:2 - Ti Baro a Naimbag a Damag Biblia

² nga ibagana daytoy ken ni Aaron ken dagiti annakna, “Diyo ibabain ti nasantoan a naganko, isu a masapul a raemenyo dagiti nasagradoan a daton nga idatag kaniak dagiti Israelita. Siak ni Yahweh.

Ti Biblia (1973)

² Ibagam ken Aaron ken cadagiti annacna a lallaki nga agparbengda cadagiti nasantoan a banbanag cadagiti annac ti Israel, nga ipaayda a santo caniac, ket dida rugitan ti nasantoan a naganco: siac ni Jehova.

Levitico 22:2 Iomraidhean Croise

ESDRAS 8:28

Kinunak kadagiti pinilik: “Nasagradoankay iti Apo a Dios dagidi kapuonanyo kasta met dagiti alikamen a pirak ken balitok a naited kenkuana a kas sagut a nagtaud iti nakem dagiti tattao.

Exodo 13:12

idatonyonto kenkuana ti amin nga inauna a lallaki. Kukua ti Apo ti amin nga inauna nga annak a lallaki dagiti animalyo.

Exodo 28:38

Ikabil ni Aaron daytoy iti mugingna, tapno siak, ni Yahweh, awatek dagiti amin nga idaton kaniak dagiti Israelita uray agbiddut dagiti tattao iti aniaman nga idatagda.

Isaias 52:11

Pumanawkayo, pumanawkayo iti Babilonia, dakay a mangaw-awit kadagiti nasagradoan nga alikamen! Diyo sagiden ti aniaman a maiparit; pasantoenyo dagiti bagbagiyo, ket panawanyo ti siudad.

Ezekiel 44:8

Saan nga isuda ti nangannong kadagiti nasagradoan a seremonia iti Templok, ngem impaannongda ketdi kadagiti ganggannaet.

Levitico 15:31

Imbaga ni Yahweh ken ni Moises a ballaaganna dagiti Israelita maipapan iti kinarugitda iti imatang ti Linteg tapno saan a matulawan ti Tolda ti Dios nga adda iti tengnga ti kampo. Mapapatayda no aramidenda dagiti maibilang a narugit.

Levitico 18:21

Diyo ited ti anakyo a mausar iti panagdaydayaw ken ni didiosen a Moloc ta daytoy ti pakaibabainan ti nagan ti Dios nga Apo.

Levitico 19:12

Dikay agkari iti naganko no diyo panggep a tungpalen ti kariyo, ta maibabain ti naganko. Siak ni Yahweh a Diosyo.

Levitico 20:3

Busorek ti mangted iti anakna ken ni didiosen a Moloc ket laksidek kadagiti tattaok; gapu iti inaramidna, tinulawanna ti nasagradoan a toldak ken imbabainna ti nasantoan a naganko.

Levitico 21:6

Masapul a nasantoan ti padi ket dina ibabain ti naganko. Agidatag kadagiti daton a mapuoran, ket masapul nga agbalin a nasantoan.

Levitico 22:1

Kinuna ni Yahweh ken ni Moises

Levitico 22:32

Diyo tulawan ti nasantoan a naganko. Masapul a bigbigen dagiti amin nga Israelita a nasantoanak. Siak ni Yahweh a mangpasanto kadakayo.

Numero 18:32

Saankay a makabasol no kanenyo, no la ketdi idatagyo ti kasayaatan iti Apo. No saanyo pay nga idatag daytoy, kayatna a sawen a matulawan ti sagut ket mapapataykayo.”

Deuteronomio 15:19

“Ikonsagraryo iti Apo a Diosyo ti amin nga inauna a kalakian a yanak ti baka ken ti karneroyo. Diyo pagtrabaho daytoy a baka wenno pukisan dagitoy a karnero.