Levitico 21:9 - Ti Baro a Naimbag a Damag Biblia

⁹ No agbalin a balangkantis ti anak ti padi, ibabainna ti amana. Masapul a mapuoran agingga a matay.

Ti Biblia (1973)

⁹ Ket ti anac a babai ti uray asino a padi no tulawanna ti bagina iti panagbalangcantis, rugitanna ni amana: isu mapuuranto iti apuy.

Levitico 21:9 Iomraidhean Croise

Genesis 38:24

Kalpasan ti tallo a bulan, adda nangibaga ken ni Juda a masikogen ti manugangna. “Nagbalangkantis ngamin ni Tamar,” kinunada. Imbilin ni Juda, “Inkayo alaen sayo puoran a sibibiag.”

Exodo 31:14

Nasagradoan ti Aldaw a Panaginana ket masapul a ngilinenyo. Mapapatay ti saan a mangngilin iti aldaw a panaginana ket mapagtalaw ti siasinoman nga agtrabaho iti dayta nga aldaw.

Isaias 33:14

Agtigtigerger iti buteng dagiti managbasol a tattao ti Sion. Kunada, “Kasla apuy a sumsumged nga agnanayon ti panangukom ti Dios. Adda kadi makalasat kadatayo iti kasta nga apuy?”

Ezekiel 9:6

Patayenyo dagiti lallakay, babbaro, babbalasang, inna ken ubbing. Ngem diyo sagsagiden dagiti adda marka ti mugingna. Irugiyo ditoy Templok.” Iti kasta, rinugianda ti nagpapatay ket inunada dagiti papangulo nga agtaktakder iti Templo.

Levitico 19:29

“Diyo ibabain dagiti annakyo a babbai iti panamagbalinyo kadakuada a balangkantis iti templo. Ngamin, daytoyto ti pakaigapuan ti panagrukbabyo kadagiti didiosen ket agsaknapto ti immoralidad iti daga.

Levitico 20:14

No asawaen ti maysa a lalaki ti maysa a babai ken ti ina daytoy a babai, mapuoranda a tallo tapno awanen ti kasta a nakababain nga aramid iti sidongyo.

Malakias 2:3

Dusaekto dagiti kaputotanyo. Idumudomkayto kadagiti takki dagiti animal a datonyo. Ipurruakkayto nga iraman kadakuada.

Deuteronomio 22:21

iruarda sada ipan iti ruangan ti balay ni amana. Sadiay ti pangbatoan kenkuana dagiti lallaki iti siudad agingga a matay. Nakababain ti inaramidna iti Israel gapu ta nakikaidda iti lalaki sakbay a nakiasawa idinto nga agnanaed pay laeng iti balay ni amana. Kastoy ti panangikkatyo iti daytoy a kinadakes.

Tito 1:6

Masapul nga awan pakapilawan ti maysa a panglakayen. Maysa la ti asawana. Mamati dagiti annakna ket awan pakasarsaritaanda a dakes ken saanda a nasukir.

Josue 7:15

Ti siasinoman a pakasarakan kadagitoy a banag a nairanta a madadael, mapuoranto agraman ti familia ken amin a sanikuana. Inyegna ngamin ti nakaro a pannakaibabain ti Israel, ket sinalungasingna ti katulagak.”

Josue 7:25

Kinuna ni Josue, “Insarsaraknakami ti riribuk! Ita nga aldaw, yeg met kenka ti Apo ti riribuk.” Binatobato dagiti amin a tattao ni Acan agingga a natay. Pinuoran ken inuborda ti familiana ken dagiti amin a kukuana.

1 Samuel 2:17

Iti imatang ni Yahweh, nadagsen unay daytoy a basol dagiti annak ni Eli gapu ta awan panagraemda kadagiti maidaton kenkuana.

1 Samuel 2:34

Inton aggiddan a matay dagiti dua nga annakmo, da Ofni ken Finees, isunton ti pagilasinam a matungpal ti imbagak.