Levitico 21:6 - Ti Baro a Naimbag a Damag Biblia

⁶ Masapul a nasantoan ti padi ket dina ibabain ti naganko. Agidatag kadagiti daton a mapuoran, ket masapul nga agbalin a nasantoan.

Ti Biblia (1973)

⁶ Agsantodanto iti Diosda, ket dida rugitan ti nagan ti Diosda; ta idatagda dagiti datdaton ken Jehova a naaramid iti apuy, ti tinapay ti Diosda: iti casta agsantodanto.

Levitico 21:6 Iomraidhean Croise

ESDRAS 8:28

Kinunak kadagiti pinilik: “Nasagradoankay iti Apo a Dios dagidi kapuonanyo kasta met dagiti alikamen a pirak ken balitok a naited kenkuana a kas sagut a nagtaud iti nakem dagiti tattao.

Exodo 19:22

Uray dagiti papadi nga umasideg kaniak, masapul a dalusanda dagiti bagbagida, ta no saan, dusaek ida.”

Exodo 28:36

“Mangaramidka iti arkos a puro a balitok a nakaikitikitan iti daytoy: ‘Naidaton ken ni Yahweh.’

Exodo 29:44

Pagbalinekto a sagrado ti Tolda ti Dios agraman ti altar, ket ikonsagrarko ni Aaron ken dagiti annakna tapno agserbida kaniak a kas papadi.

Isaias 52:11

Pumanawkayo, pumanawkayo iti Babilonia, dakay a mangaw-awit kadagiti nasagradoan nga alikamen! Diyo sagiden ti aniaman a maiparit; pasantoenyo dagiti bagbagiyo, ket panawanyo ti siudad.

Ezekiel 44:7

Tinulawanda ti Templo babaen iti panangipalubosda a sumrek dagiti ganggannaet a di nakugit a tattao a saan nga agtulnog kaniak—iti Templo bayat ti pannakaidatag ti taba ken dara dagiti sakrifisio a maidaton kaniak. Ngarud, sinalungasing dagiti tattaok ti nagtutulaganmi gapu kadagiti amin a nakababain nga aramidda.

Levitico 10:3

Kalpasanna, kinuna ni Moises ken ni Aaron, “Daytoy ti kayat a sawen ti Apo idi kinunana, ‘Masapul a raemen dagiti amin nga agserserbi kaniak ti kinasantok. Iparangarangkonto ti dayagko kadagiti tattaok.’” Ngem nagulimek ni Aaron.

Levitico 18:21

Diyo ited ti anakyo a mausar iti panagdaydayaw ken ni didiosen a Moloc ta daytoy ti pakaibabainan ti nagan ti Dios nga Apo.

Levitico 19:12

Dikay agkari iti naganko no diyo panggep a tungpalen ti kariyo, ta maibabain ti naganko. Siak ni Yahweh a Diosyo.

Levitico 20:3

Busorek ti mangted iti anakna ken ni didiosen a Moloc ket laksidek kadagiti tattaok; gapu iti inaramidna, tinulawanna ti nasagradoan a toldak ken imbabainna ti nasantoan a naganko.

Levitico 21:17

nga ibagana daytoy ken ni Aaron, “Saan a mabalin ti siasinoman a kaputotam nga adda depekto ti bagina a mangidatag kaniak iti daton a mapuoran. Agpaay daytoy nga alagaden iti amin a tiempo iti masakbayan.

Levitico 21:21

Awan ti kaputotan ni Aaron a padi nga adda depekto ti bagina ti mapalubosan a mangidatag kaniak iti daton a mapuoran.

Levitico 21:23

ngem gapu ta adda depekto ti bagina, saan a mapalubosan nga umasideg iti nasagradoan a kurtina wenno mapan iti altar. Saanna a tulawan dagitoy nasantoan a banag gapu ta siak ni Yahweh a mamagbalin kadagitoy a nasantoan.”

Levitico 21:8

Masapul nga ibilang dagiti tattao a nasantoan ti padi, agsipud ta agidatag kaniak kadagiti daton a mapuoran. Siak ni Yahweh. Nasantoanak, ket pasantoek dagiti tattaok.

Levitico 3:11

Puoranto ti padi amin dagitoy iti rabaw ti altar a kas daton iti Apo

Numero 16:5

Kalpasanna, kinunana ken ni Kora ken kadagiti pasurotna, “Inton agsapa no bigat, ipakaammonto kadatayo ti Apo no siasino dagiti tattao a pinilina nga umasideg kenkuana iti altar.

Numero 28:2

nga ibagana kadagiti Israelita a masapul nga idatagda iti Dios iti naituding a tiempo dagiti inaldaw a daton a mapuoran a nabanglo kenkuana.

1 Pedro 2:9

Ngem dakayo ti napili a puli. Papadikayo nga agserbi iti Dios nga Ari. Nasionkayo a nasantoan. Tattaonakayo ti Dios. Inruarnakayo iti kasipngetan ket impannakayo iti nakaskasdaaw a lawagna. Pinilinakayo a nangipakaammo kadagiti nakaskasdaaw nga aramidna.